Numbers 25:11 - Labrador Inuttitut Heritage Bible

¹¹ Finiasib, Eliasarib erningata, Aronib ajoᴋertuijûb erngutangata, ningaumajârnera sangutipâ Israêlikunit, ilungertornimnut ilungertormat tâpkoa akorngane, nungutsiᴋonanga Israêlikunik ilungertornimne.

Numbers 25:11 Iomraidhean Croise

II Samuel 21:14

Illijartorpaillo Saulib tapsomalo erningata Jonathanib sauningit Zelame Benjaminib nunanganêtome, atâtangata Kisib illuvinganut; pinniarlutiglo tamainik, sorlo attannek perᴋojilaungmat. Taimak Gude tamakkoa kingorngane ullapᴋosersimalaurivok nunamut.

I Atannit 14:22

Judakullo pinniarlaukput Nâlekab idluigijanginik, ningaksarnersarivâllo tamainit atâtagijangita pinniarlauktanginit, idluinermingnut pinniarlauktamingnut.

Imgerut 106:23

Oᴋalaukporlo, nungutsomavlugit; Môsesib tâpsoma annerimajangata ᴋoppak sângerlaungipago sângane, ᴋaningajârninga sangutilugo, asseroimarerᴋonago.

Imgerut 106:30

Tagva Pinehase tikkipok, idluarsailunelo pijoᴋartomik tamattominga; tagva kappianartok nokᴋartitauvok;

Imgerut 106:31

Tamannalo idluarsititaujutigijanganut illingatitautsainarlaukpok issoᴋangitomut.

Imgerut 78:58

Ningaksarlaukpâllo pôktojoᴋotimingnut, illungertortilugolo Gûdingoaᴋotimingnut.

Exodus 20:5

Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:

Exodus 22:5

Inub perorsêvik vaineliksataliglônêt nerrijautikpago, nergjutinelo tagvungautikpago nerrerᴋovlugo inub asime perorsêvingane, perorsêvingme ânanauninga vaineliksatalingmelônêt ânanauninga tauksiutijaksarivâ.

Exodus 34:14

Gûdib asianut tuksiartuksaunginavit, Nâlegak, Illungertortomik atelik, Gûdeongmat ilungertortok:

Hesekiel 16:38

Erᴋartoromavagillo sorlo arnat nuliarêngnermik asseroijut aungmiglo kovisijut erᴋartortaungmatta; ningaumajârnerublo ilungertornerublo aunga tikiutijomavara ilingnut.

Nahum 1:2

Nâlegak Gudeovok ilungertortok, akkiniarporlo; Nâlegak akkiniarpok ningarnermiglo ilumikpok; Nâlekab akkerartortine akkiniarpait, ômigijiminullo ningarnek torᴋorpâ.

Sefania 1:18

Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.

Sefania 3:8

Tamanna pivlugo tikitsiarisinga, oᴋarpok Nâlegak, uvlok neliutiᴋârtinago nikovivigilârtara pinniniaromavlunga; kajusigama inôᴋatigêksuit katersoromavlugit, ataniovillo ilagêktitsomavlugit, ᴋaningaumajârnera kovijomavlugo tâpko nunga, ilâ, ningaumajârnersoara katsungaitok tamât; nunaksoak ilûnât nungutaujomârmat ilungertornima ikomanganut.

Numbers 25:10

Nâlekablo Mosese oᴋarvigivâ, oᴋarlune:

Johannese 3:36

Erninganut okpertok nungusuitomik inôseᴋarpok. Erninganut okpingitub inôsek takoniangilâ, Gûdible ningausingata ᴋolangiangînarpâ.

I Korintemiunut 10:22

Nâlegarlônêt ningarosuktitsomavitigô? Tâpsomangat pitsartunersauvitâ?

II Korintemiunut 11:2

Ilungertorama pivluse Gûdib ilungertûtânut. Katitinapse angumut, tagva Kristûsemut, uigasungmik ivsornaitomik âtsivigijomavlugo.

Deuteronomy 29:20

Nâlekab tagva issumagijungnaiviginiangilâ tâmna, Nâlekable ningarninga ilungertorningalo katsungaidlaromârpok angumut tâpsomunga, ôminarsiᴋojinerlo ilûnane aglangne ukkunane aglaksimajok tungalârpok tâpsomunga, Nâlekablo tâpsoma atinga pêjaromârpâ ᴋilaub atânit.

Deuteronomy 32:16

Gûdenut takorngartanut ilungertortipât, maᴋojungnartulinermut ningarsarpât.

Deuteronomy 32:21

Ilungertortipânga Gûdeungitunut, ningarsarpânga piungituliarijamingnut: uvangalo ilungertortitsomavakka inungnut inôᴋatigêtsiangolungitunut, ningarsaromavakka inôᴋatigêksoarnut silaitunut.

Deuteronomy 4:24

Nâlegak Gûdît ikomauvok nungutsijok, Gûdeovlune ilungertortok.

Josua 22:13

Tilliklerpullo tapkonunga nunamut Gileademut, Pinehasemik Eleaserib ajochertuijub erninganik,

Josua 24:19

Josua Inugasaksoarnut oᴋarpok: Nalegak kivgartorungnangilasse; Gudeôngmat heiligeojok, Gudeôngmallo illungertortok, tappanipsingnik ajornipsingniglo pitlartautitsitailiniangitok.