Numbers 24:14 - Labrador Inuttitut Heritage Bible

¹⁴ Mânalo, ahâk, inôᴋatimnut ailerpunga; ᴋailerit, oᴋautitsomavagit inugiartoᴋsuit pinialârninginik inuᴋotingnut neliutome pijomârtome.

Numbers 24:14 Iomraidhean Croise

Genesis 49:1

Jakuble ernine ᴋairᴋovait oᴋarlune: Katimatitse, nalojungnairtitsomagapse tikkitautigijomârtapsingnik nalliutome pijomârtome.

Jesaiase 24:22

Kattititaujomârpullo ᴋeppisimavlutik, pititauvlutik ittersâlungmut, parngnanairsortauvlutiglo parngnanairsimavingmut, uvlullo unuktut ᴋangerᴋârtillugit pidlartaujomârput.

Jeremia 48:47

Uvlunele kingorliojune Moabib aularutijauningat utertitsomârpara, oᴋarpoᴋ Nâlagaᴋ. Moabib erᴋartortauninga kigleᴋarpoᴋ tamâne.

Jeremia 49:39

Kissianele uvlune kingorlerne Elamib aularutijauningat utertitsomârpara, oᴋarpoᴋ Nâlagaᴋ.

Daniel 10:14

Tikipungali mâna ajoᴋitoromavlutit naliutijomârtunik inuᴋotingnut uvluni kingorliojuni: takotitjut uvlut unuktut ᴋângipatta kissiani nalaulârpoᴋ.

Daniel 2:28

Kilangmili Gudeᴋarpoᴋ nalonaijaijomik nalonadlartunik, tâpsomalo ataniᴋ Nebukadnizari nalonaijaivigivâ pijomârtuksanik uvluni kingorlini. Sinnartômanît, niaᴋovîllo takotitjutigijanga iglini inangatilutit, imaipoᴋ:

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Migga 6:5

Inuᴋotikka, erᴋainiarsâritse mâna Balakib, Moabib ataningata, aperᴋutinganik, Balamiblo, Beorib erningata, kigusinganik; Sittimimit Gilgalemut aulajileritse, ᴋaujiᴋovluse Nâlekab piniarninginik ajungitunik.

Numbers 24:17

Takojomârpara, mânaungitorle: ulernaigivara, ᴋanitomiungitorle; uvloriaᴋ nuijomârpoᴋ Jakomit, ajaupiarlo makilârpoᴋ Israêlemit, serᴋalitsilârporlo Moabib terreᴋunginik, asserorsailunelo Setib erninginik tamainik.

Numbers 24:25

Bâlaamelo makipoᴋ aularlunelo uterpoᴋ nunaminut; Bâlaketauᴋ aularpoᴋ.

Apostelit Piniarningit 2:17

Uvlut kingordlingine imaitsomârpok, Gûde oᴋarpok: Anernera kovijomavara inungnut ilûnainut; erniselo paniselo nalautsitiksanik oᴋaromârput, inôsuktoselo angutit takotitjutinik tautugomârput, ituselo sinnaktômajomârput.

II Timôteusemut 3:1

Tamannale nalojungnairuk, uvluksane kingorlerne nangianartoksoarnik neliutoᴋaromârmat.

Josua 13:22

Bileamelo Beorib erninga nallautaijok Israelib ᴋittorngangita toᴋᴋoᴋassiutilaurivat saviksoarmut ullimarsimajut illaliudlugit.

Takotitaunermik 2:10

Sivôraginiarnagit nelîllônêt kappianartut ilingnut neliutuksat. Ahâk Sâtanasib illapse illangit parngnanairsimavingmut pititsomârpait, ôktortauᴋovluse kappiasuktitauᴋovluselo uvlunik 10 nik. Soᴋosijuilerille toᴋo tikidlugo, tagva niaᴋôtemik ômanartomik tunitjivigijomagapkit.

Takotitaunermik 2:14

Mikijomigle erᴋartuijutiksaᴋarpunga ilingnut, tagvane inuᴋoteᴋaravit Balaamib ajoᴋertûtânik nâlektunik; tâpsoma Balake ajoᴋertormago, Israêlib ᴋitornganginut aporviksarsiorᴋovlugo, nerrerᴋovlugit Gûdeungitunut tunergutinik, assiniarᴋovlugillo.