Numbers 23:9 - Labrador Inuttitut Heritage Bible

⁹ ᴋairtut ᴋânganit takogapkit, ᴋaᴋᴋanillo ulernairtorpakka; ahâk, inugiartoᴋsôvut aptersimajut, inôᴋatigêksoarnullo kitiᴋatauniangilat.

Numbers 23:9 Iomraidhean Croise

Esra 9:2

Tapkoa panningit tigulaungmagit nulliangoᴋovlugit ingminut ernermingnullo, kinguvaillo ivsornaitut akkumavait nunat innuᴋattigêksoanginut. Angajoᴋaunerôjullo aulatsijullo aggangit idluitullinerme tamattomane sugaluluarlaukput.

Ester 3:8

Hamanelo atannermut Ahasverosemut oᴋarpok: Inûᴋattigêksoaᴋarpok siamarsimajunik, avilerpullo Inûᴋattigêksuit atanniovît nunanginetut ilûnatik akkornganut, malligaksangillo inûᴋattigêksuit assingita malligaksangititut-ilungilet, atanniublo malligaksauᴋojangit malliklugit pinniarlungilet; atannermullo nâmalungilak taipkoa taimailingatsainarᴋolugit.

Exodus 33:16

Sunakulle ᴋaujijauniarᴋâ uvanga inuᴋotitillo saimaneᴋsigapta ijîkpit sângangne? Tamattomûnaulungilâᴋ, igvit ilagigaptigut? Taimâk aptersimaniarpogut, uvanga inuᴋotitillo, inungnit tamainit nunab ᴋânganêtunit.

Jeremia 46:28

Sivôranak, Jâko kivgara, oᴋarpoᴋ Nâlagaᴋ, ilagigapkit; inôᴋatigêksuit ilûnaita ajaktortauvigijatit uvamnut nungumarigomârapkit, igville nungumarigomângilagit; sugiaromârpagille nâmatuinartomik, pidlartautailititsomângimarikpagille.

Jeremia 49:31

Makititse, majuaritselo inôᴋatigêksoarnut inilangatsiartunut, terliklutik inôjunut, oᴋarpoᴋ Nâlagaᴋ; upkoaᴋsoaᴋaratiglo itârtaugêkuteᴋangilat, apsimavlutik igloᴋarput.

Amos 9:9

Tagva ahâk, perᴋojijomavunga, Israêliblo ᴋitorngangit aulajârtitsomârpakka inôᴋatigêksuit ilûnatik akorngane, sorlo sanaugaksat aulajârtitaungmatta killapatâme, atausiarsuglônêlle nunamut katangniangilak.

Migga 7:14

Inukotitit pairikit ajaupiarnut, kingormgutijavît katimgajoᴋsôningit, apsimautilutik inôjut napârtolingme Karmelib ᴋerᴋane; Basaneme Gileademelo nerrilit, sorlo itsarsoarme.

II Korintemiunut 6:17

Taimaimat anititse taipkonangat, avisârlugillo, Nâlegaᴋ oᴋarpoᴋ, maᴋojungnartorlo aktorniarasiuk; uvangalo ilalioromavapse.

Deuteronomy 32:8

Kotsingnerpângojûb inôᴋatigêksuit tunitjivigilaungmagit kingormgutijaksamingnik, inuit ᴋitorngangit aviutitilaungmagit, inôᴋatigêt kiglingit âᴋiksorpait, Israêlib ᴋitorngangita unurningit issumagilugit.

Deuteronomy 33:28

Israêlelo terlingnartome ineᴋarpok, Jakob puailavinga ingmigolingavok nuname senaugaksatalingme vainelingmelo; ila, ᴋilangit kuserput misuksoarmik.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.