Numbers 23:24 - Labrador Inuttitut Heritage Bible

²⁴ Ahâk, inugiartoᴋsuit nikoptiput loevetut arnatut, loevetullo makitatsiarput; aᴋopiniangilat nerriᴋârtinagit aᴋsârnigamingnik, imerᴋârtinagillo toᴋotab aunganik.

Numbers 23:24 Iomraidhean Croise

Genesis 49:27

Benjaminib amaroᴋ késuktoᴋsoaᴋ adsigivâ; uvlâkut pijane nerrivait, unnukut aᴋsârnigarijane aitûtigivait.

Genesis 49:9

Loeviarauvoᴋ Juda. Sâlaᴋarᴋârlutit aglivalliavotit, ernîk. Pâmakpoᴋ, aᴋopivoᴋ loevitut, loevitut piaraᴋartotut; kia ullapilugo sappingilaûk?

I Atannit 10:20

Loewingoallo 12 it nangerlaukput tumerangne pingasojortune ittivigêngne. Taimaitomik sanamajoᴋalautsengilak atanniovît nelliane.

II Kronika 9:18

Iksivautaksoarlo tungmeraᴋalaukpok pingasojortunik, ikkovraᴋalaukporlo attajomik Goldeôjomik, ajakpaviᴋalaukporlo maggungnik iglugêngnik tallingnut iksivavingme, Lœwingoaklo nangerpuk ajakpavikita tungangne.

Imgerut 17:12

Loevetut îput nerᴋiᴋsasiortotut, Loeviaraktullo inimine aᴋᴋopijotut.

Salomob Okâl 30:30

Loeve songojoksoak omajut akkorngane, utterlungilarlo nelliallonêt pivlugo.

Jesaiase 31:4

Imâk Nâlegaᴋ oᴋarmat uvamnut: Sôrlo loeve loeviararlõnêt kallingollângmat alliktortame ᴋollâne, mianersijut unuktut oparᴋojaukpatta tâmna pivlugo, ᴋuᴋudlartut ᴋoaᴋsârutiginagit unurningillo erᴋsiginagit, taimaidlune ᴋilangmiugasaksuit Nâlegangat aᴋᴋaromârpoᴋ, sorsugiarlune Zionib ᴋaᴋᴋangane ᴋaᴋᴋârulanganelo.

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Amos 3:8

Loeve erinaloaᴋijâdlarpok, kina erᴋsiniangilâk? Nâlegak Nâlegaujok oᴋarsimavok, kina nalautaitailijungnarᴋâ?

Nahum 2:11

Loevit sittingit naûk? Loeviaraillo nerripkaivingât? Loevib angutiub loeviblo arnab loeviaraillo arvertarvingat ilimanartoᴋartinagô?

Nahum 2:12

Loeve aliktuilaukpok piarᴋame nâmaginiartanginik, toᴋotsilunelo arname piksanginik, sittinelo tatapait aᴋsârnigarminut, inigijanelo aliktortaminut.

Saggaria 12:6

Uvlorme tâpsomane Jûdab angajoᴋângit aumaliniktut ᴋejungnêtotut îtitsomârpakka, naneroaktullo ikomajotut ivît ᴋepitat akorngane; nungulârpaillo inôᴋatigêksuit tamaita avatânêtut, talerpingmêtullo saumingmêtullo: Jerusalemelo iniksaᴋaromârivoᴋ inimine, tagva Jerusaleme.

Numbers 23:25

Bâlakiblo Bâlaam oᴋautivâ: Ahâk, ôminarsijauᴋoniarnagit, saimausertauᴋoniarnagillônêt.

Numbers 24:17

Takojomârpara, mânaungitorle: ulernaigivara, ᴋanitomiungitorle; uvloriaᴋ nuijomârpoᴋ Jakomit, ajaupiarlo makilârpoᴋ Israêlemit, serᴋalitsilârporlo Moabib terreᴋunginik, asserorsailunelo Setib erninginik tamainik.

Deuteronomy 33:20

Gadelo pivlugo oᴋarpok: Saimartitaule Gademik angijorortitsijok; loevetut aᴋopivok, aᴋsârniklunelo talermik kabjermiglo.

Takotitaunermik 5:5

Angajoᴋaunerôjullo illangata oᴋarvigivânga: ᴋugviornak; ahâk Loeve Jûdab kinguvânga, imna Dâvidib amânga, sâlaᴋarsimavok, aglait ukkua makperlugit, naᴋitjutingillo 7 it serᴋomidlugit.