Numbers 23:16 - Labrador Inuttitut Heritage Bible

¹⁶ Nâlekablo Bâlaam pârpâ, pititsivorlo oᴋausermik ᴋaninganut, oᴋarlunelo: Uterit Bâlakemut, imâglo oᴋauseᴋarit.

Numbers 23:16 Iomraidhean Croise

Numbers 22:20

Gûdiblo unnuarme Bâlaam tikipâ, oᴋautilugolo: Angutit tikisimakpatta ᴋaiᴋolutit, makigit, ilagilugillo; oᴋauserle oᴋauserilârtara ilingnut kissiane, piniaraksarivat.

Numbers 22:35

Nâlekablo engelingata Bâlaam oᴋautivâ: Angutit ilagikit; oᴋauserle oᴋauserilârtara ilingnut kissime oᴋauserilârpat. Taimaimat Bâlaamib Bâlakib angajoᴋângit ilagivait.

Numbers 23:15

Bâlakemullo oᴋarpoᴋ: Nangilerit tunergutivît ôtâb seniane, ikungarniartilunga Nâlegaᴋ pâgomavlugo.

Numbers 23:17

Tikipâlo, ahâglo, tâmna nangerpoᴋ tunergutime ôtâb seniane, Moabiblo angajoᴋângit ilagilugit. Bâlakiblo oᴋautivâ: Sumik Nâlegaᴋ oᴋarᴋâ?

Numbers 23:5

Nâlekablo Bâlaamib ᴋaninga pitatserpâ oᴋautsimik, oᴋautilugolo: Uterit Bâlakemut, imâglo oᴋauseᴋarit.

Numbers 24:1

Bâlaamelo takogame Israêlikut saimarsartaugiangat ᴋuvianarmat Nâlekamut, ailungilaᴋ sivornganetut nelautainerlungneᴋsioromavlune, kênanele sâtipâ sunaᴋajuitomut.

Deuteronomy 18:18

Nelautaijomik iliktun-itomik ᴋatangutingita akornganit makititsijomârpunga; oᴋausikkalo ilijomârpakka ᴋaninganut, tâpsomalo oᴋarvigijomârpait tamainik perᴋojamnik tâpsomunga.