Numbers 22:6 - Labrador Inuttitut Heritage Bible

⁶ Taimaimat ᴋailaurittôᴋ, inugiartoᴋsuillo tâpkoa ôminarsijauᴋokit pivlunga; pitsartuᴋijarigapkit; imaᴋa sâlaᴋarajarpunga annaudlarlugillo ungumalugillo nunamit; ᴋaujimagama saimartitatit saimartitaungmatta, ôminarsijauᴋojatillo ôminarsijaungmatta.

Numbers 22:6 Iomraidhean Croise

Genesis 12:3

Illingnik saimausêjut saimauseromavakka, illingniglo oᴋarnerlûtjijut oᴋarnerlûtijomavakka, illikullo kinguvârêt ilûnamatsiatik nuname saimausertaujomârput.

Genesis 27:29

Inugasaksuit kivgartoraksarivâtit, inôᴋatigêksuillo pâmaktervigijaksarivâtit. Attaniolerit ᴋatangutingnut, anânavillo ᴋitorngangita pâmaktervigijaksarivâtit. Illingnik oᴋauteᴋaluktoᴋ oᴋauserlugviole, illingniglo saimarsaijoᴋ saimausertaule!

I Atannit 22:13

Tillijablo aimalauktub Micha ᴋaikᴋolugo, oᴋautiva: Ahâk nellautaijut oᴋâlaningit ilûnnatik adsigêktomik atanniub idluarkutinganut illingavut, taimaimat oᴋautsitit taimailingalaulittauk taipkoa oᴋausingititut, oᴋarlutillo ajungitomik.

I Atannit 22:6

Tagva Israelitit atanningata nellautaijut 400 deôkasait ᴋatimaᴋovait, oᴋautilaitalo: Ramotemut Gileademêtomut aijuksauvîk sorsugvigilugit, nippotijaksarivakkalonêt? Tapᴋoa oᴋarput: Majorarit takpaunga, Nâlekab tunniniarpait atanniub agganginut.

I Atannit 22:8

Israelitit atanningat oᴋarpok Josafatemut: Anguteᴋaralloarpok sulle atautsemik, appertsorungnarutigijaptingnik Nâlekamik, Michamik Jemlab erninganik. Kisiane omigivara, nellautaivigingimanga ajungitomik, idluitomigle kisiane. Josafate oᴋarpok: Atannek taimâk oᴋaniarane.

Nehemia 13:2

Tamânna pivlugo Israelib ᴋitorngangit pachrearlaungimagit âtsivigilugit ᴋakᴋojamik immermiglo, pissiarilugolo Bileame tikkerᴋolaungmatsuk akkerartorlugit, ominarsijaukojiᴋovlugo tapᴋoninga; Gûdiptale ominarsinek ablatsângortipa saimartitaunermut.

Imgerut 109:28

Oᴋarnerlotjileraikpatta, tagva igvit saimartitsilaurit. Akkerartoraikpânga, tagva kangusuktitaulît; kivgaᴋotille ᴋuviasugle.

Salomob Okâl 26:2

Sôrlo tingmiak taikunga ingergadlarmat, tullugarnerlo tingimat; taimâk ominarsijaunek passijaksaungitok uvigailungilak.

Hesekiel 13:6

Uivêrinartunik takovut, saglovlutiglo nelautaivut, oᴋarlutik: Nâlegaᴋ oᴋarpoᴋ; tilijaunatiglo Nâlekamut: inuillo okpertipait oᴋausingit nelautsititaulârmatta.

Migga 6:5

Inuᴋotikka, erᴋainiarsâritse mâna Balakib, Moabib ataningata, aperᴋutinganik, Balamiblo, Beorib erningata, kigusinganik; Sittimimit Gilgalemut aulajileritse, ᴋaujiᴋovluse Nâlekab piniarninginik ajungitunik.

Numbers 22:12

Gûdiblo Bâlaam oᴋautivâ: Ilaujuksaungilatit tâpkonunga; inuit tâpkoa ôminarsijauᴋojaksaringilatit; saimartitaungmatta.

Numbers 22:17

Angijomik opigidlaromagapkit, oᴋautigijallo uvamnut piniaromavara; taimaimat ᴋailaurittôᴋ, pivlungalo inuit ukkua ôminarsijauᴋokit.

Numbers 23:13

Bâlakiblo oᴋautivâ: Ilagilaungatôᴋ tamattoma assianut, tautugviginiartarnut tâpkoninga; ungardlinginik kissênik tautuᴋovlutit, iluengarningillo takonagit; tagvangallo pivlunga ôminarsijauᴋokit.

Numbers 23:27

Bâlakiblo Bâlaam oᴋautivâ: ᴋailaurit, tamattoma assianut âniarpagit; imaᴋa Gûdib idluariniarpâ ôminarsijauᴋoniarangne pivlunga tagvangat.

Numbers 24:9

Aᴋopivoᴋ, palungavoᴋ loevetut, pûsevâluktullo; kia tupaksarniarᴋaûk? Saimarsartaule saimarsaijoᴋ ilingnik, ôminarsijaulelo ôminarsiᴋojijoᴋ ilingnik.

Apostelit Piniarningit 16:16

Tuksiarvingmulle aitiluta, arnak kivgak uvaptingnik pâᴋsivok, anernilik pijomârtuksanik oᴋasûmik; angajoᴋânelo perᴋutinik akluitipait, sivorngagut oᴋarame pijomârtunik.

Deuteronomy 23:4

Sagvaivigijartolaungimase nerᴋiksamik imiksamiglo apᴋome, Egiptenemit anilaurapse; Bâlaamelo, Beorib erninga, Petoremiok Mesopotâmiamêtome, akkilerlaungmatsuk ôminarsijauᴋojiᴋovlugo ilipsingnik.

Josua 24:9

Tagva Balak, Ziporib erninga Moabiterit attaningat opalungailerlaukpok, sorsugvigilugillo Israelitit, tilliklerlunelo ᴋaiᴋojauᴋojilunelo Bileamik Beorib erninganik, ominarsijauᴋojiᴋovlugo illipsingnik;

I Samuel 17:43

Filisterelo Davidemut oᴋarpok: Kingmiôvîk ajaupialijarlutit ᴋaivigigamga? Oᴋarnerlutigivâlo Davide, Gudigijane tailugo.