Numbers 22:5 - Labrador Inuttitut Heritage Bible

⁵ Tiliklerporlo aᴋpârtuksanik Bâlaamemut, Beorib erninganut, nunamêtomut Pêtoreme, kôb senianêtomut, inôᴋatime ᴋitorngangita nunanganut, ᴋaiᴋojauᴋovlugo, oᴋarlutik: Ahâk, inugiartoᴋsuit tamaungarsimavut Egiptenemit; ahâk, nunab ᴋânga ulikpât, iniᴋarpullo ittivimne;

Numbers 22:5 Iomraidhean Croise

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Imgerut 105:24

Innuᴋotinelo unnuksivalliatipait angijomik, sôngonersautipaillo ômigijinginit.

Exodus 10:15

Nunablo ᴋânga tamât mattuvât, nuna tâᴋtungorlugo; nunablo perorsiangit tamaita nerrivait, napârtullo paungangit tamaita nattarᴋonâluit nungungitangit; amiakoᴋarungnairporlo tungujoᴋtamik sumiglônêt napârtune, perorsêvillônêt perorsianginik, Egiptenib nunangane ilûnâne.

Migga 6:5

Inuᴋotikka, erᴋainiarsâritse mâna Balakib, Moabib ataningata, aperᴋutinganik, Balamiblo, Beorib erningata, kigusinganik; Sittimimit Gilgalemut aulajileritse, ᴋaujiᴋovluse Nâlekab piniarninginik ajungitunik.

Numbers 23:7

Imgerutinelo issuᴋsivâ, oᴋarlunelo: Aramemit tikiutitipânga Bâlakib, Moabib ataningata, ᴋaᴋᴋanit unanêtunit; ᴋaigit, pivlunga Jakokut ôminarsijauᴋokit, ᴋaigit, Israêlikut oᴋarnilutigikit.

Numbers 31:8

Midiakullo ataningit toᴋogivait toᴋorartaujut ilagilugit; Evi, Rekemelo, Zurelo, Hurelo, Rebalo, Midiakut ataningit tellimat: Balaametauᴋ, Beorib erninga, toᴋopât saviksoarmut.

Deuteronomy 23:4

Sagvaivigijartolaungimase nerᴋiksamik imiksamiglo apᴋome, Egiptenemit anilaurapse; Bâlaamelo, Beorib erninga, Petoremiok Mesopotâmiamêtome, akkilerlaungmatsuk ôminarsijauᴋojiᴋovlugo ilipsingnik.

Deuteronomy 23:5

Nâlekable Gûdivît Bâlaam tusaromangilâ, Nâlekable Gûdivît ôminarsijauᴋojinek mumikpâ saimartitaujutiksangordlugo ilingnut, Nâlekab Gûdivît nagligidlarmatit.

Josua 13:22

Bileamelo Beorib erninga nallautaijok Israelib ᴋittorngangita toᴋᴋoᴋassiutilaurivat saviksoarmut ullimarsimajut illaliudlugit.

Josua 24:9

Tagva Balak, Ziporib erninga Moabiterit attaningat opalungailerlaukpok, sorsugvigilugillo Israelitit, tilliklerlunelo ᴋaiᴋojauᴋojilunelo Bileamik Beorib erninganik, ominarsijauᴋojiᴋovlugo illipsingnik;

Jûdasib 1:11

Kappianamêk tâpkoa! Kainib apᴋotigilauᴋtanga atoramitsuk, Balaamiblo tamârnêrilauᴋtanganut perᴋutiniaromamut katakivut, pikablânermingnelo Kôratut nungutauvut.

Takotitaunermik 2:14

Mikijomigle erᴋartuijutiksaᴋarpunga ilingnut, tagvane inuᴋoteᴋaravit Balaamib ajoᴋertûtânik nâlektunik; tâpsoma Balake ajoᴋertormago, Israêlib ᴋitornganginut aporviksarsiorᴋovlugo, nerrerᴋovlugit Gûdeungitunut tunergutinik, assiniarᴋovlugillo.