Numbers 21:9 - Labrador Inuttitut Heritage Bible

⁹ Moseselo ᴋuglugiangoaliorpoᴋ ᴋaᴋorlermit, napautilugolo napajomut: inûblo kêjaujûb ᴋuglugiarmut ᴋuglugiangoaᴋ ᴋaᴋorliojoᴋ takonârmago inôvoᴋ.

Numbers 21:9 Iomraidhean Croise

II Atannit 18:4

Pôktojut attorungnaitipait, nappajullo serᴋomipait, nappartullo pêjarpait, kuglugiangojartorlo kannujangôjok, Mosesib sennalauktanga tugarlugo serᴋaliva; nalliutok taipsoma tikkilugo Israelib ᴋitorngangita isserluanititsivigilaungmatsuk, atserartauvorlo Nehustanemik.

Jesaiase 45:22

Sâgialeritse uvamnut, piulijaujomârpose tagva, sillaᴋsoarmiôjose tamapse; uvanga Gûdeogama, assimniglo Gûdeᴋangimat.

Saggaria 12:10

Dâvidiblo kinguvânginut Jerusalemiunullo kovijomârpara anernek saimanartitsijok ᴋenutitsijorlo; takojomârpullo kapilauktamingnik; ᴋeagijomârpâllo sorlo ernetuak ᴋeagijaungmat, ogguarutigijomârpâllo sorlo ᴋitorngak angajuklek oggorijaungmat.

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Johannese 12:32

Uvangalo ᴋangatartitauniaruma nunamit, ilûnnaita amuaromavakka uvamnut.

Johannese 6:40

Tamadjale tâpsoma tilijima pijomajanga, Erninganik takojok okperivlugolo nungusuitomik inôguteᴋarᴋovlugo; uvangalo ômartitsomârpara uvlut naggatiksangane.

Rômiunut 1:17

Tamakutigûna nalonarungnaititaungmat idluarsititauneᴋ, nâmagijaujoᴋ Gûdib sângane, tamanna okpernermit okpernermut pijoᴋ, sorlo aglaksimangmat: Idluartub okpernine inôtiginiarpâ.

Rômiunut 8:3

Perᴋojab ajortanga, uviningmut ajulertitaumangmat, tamanna Gûdib pivâ, Ernine tiligamiuk, uviningmut ajortolingmut adsioᴋovlugo, tunergutiksauᴋovlugolo ajornerit pivlugit, ajortorlo uviningmioᴋ erᴋartorpâ;

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

Ebrêerinut 12:2

Jêsuse takunârlugo, okpernermik pigiarnikteolarmelo nâmaksititsijeojoᴋ; tâmna ᴋuviasûteᴋarungnarajalauᴋtoᴋ, seningajolik ᴋenuersârlune atorpâ, kangunarningalo kamagingillâ, mânalo iksivajoᴋ Gûdib iksivautaᴋsoangane, talerpiata tungâne.

I Johannesib 3:8

Idluitulijoᴋ Sâtanasimit pivoᴋ; pigiarninganit Sâtanasi idluitulingmat. Tamanna pivlugo Gûdib Erninga saᴋᴋisimavoᴋ, assioiᴋovlugo Sâtanasib piniarninginik.