Numbers 21:5 - Labrador Inuttitut Heritage Bible

⁵ Inugiartoᴋsuillo Gûdelo Moseselo oᴋarnilutigivakit, Suna pivlugo tikiutivitigût Egiptenemit toᴋoᴋovluta sunaᴋajuitomê? Niaᴋôjaᴋangimat imeᴋangimallo, tarniptalo nerᴋiksalugasait makkoa ariupait.

Numbers 21:5 Iomraidhean Croise

Imgerut 68:6

Gûdeôjok ᴋittorngisuitunnik tunnijijok ᴋittornganik iglungit tattalugit; parngnanairsortaujunnik annitsijok nalliutome idluartome, ᴋemaijuniglo (Nâlekamik) ajoksarnartovingmêtsainarᴋojijok.

Imgerut 78:19

Gûdelo akkerartorlugo oᴋautigivât oᴋarlutiglo: Gûde nerrimaraksamik âᴋiᴋsuijungnaralloarᴋâ sunaᴋangitome?

Exodus 14:11

Mosesemullo oᴋarput: Iluviksaᴋangimat Egipteneme aularutivitigût sunaᴋajuitome toᴋorᴋovluta? Sôk taimailiorvigivitigût, aularutiluta Egiptenemit?

Exodus 15:24

Inuillo Mosese oᴋarnerlûtivât, oᴋarlutik: Sumik imerniarᴋitâ?

Exodus 16:15

Israêlikullo takogamigit oᴋaudjutivut: Mânnauvut ukkoa! ᴋaujimalunginamik sunaungmangâta. Mosesiblo oᴋautivait: Tamadja ᴋakᴋôjak Nâlekab tunijanga ilipsingnut nerᴋiksaurᴋovlugo.

Exodus 16:31

Israêlikullo tamakkoa taivait Mannanik: korianderib (perortut ilangata) karngasûtiksangititut iput, ᴋaᴋortauvlutik; tipeᴋarpullo sorlo ᴋakᴋôjârsutut igupsaujârtut orᴋsuanik ilaliktut.

Salomob Okâl 27:7

Tarnib nâmaksijub igupsaujartut orksua tullerarpa aglât; tarnible kâktub kassilingnartut tamaita mamagivait.

Hesekiel 20:21

Kitorngalletauᴋ tapagivânga; arvertalaungilat maligaksauᴋojamne, perᴋojakkalo nâlengilait piniaromavlugit, inûb tamakkoa piniarpagit inôjûtigijangit; sabbatikka ivsornaijungnaitipait, oᴋarpunga tagva ᴋaningaumajârnera kovijomagapko tâpkonunga, ningaumajârnera tâpkoninga nâmaksijomavlugo sunaᴋajuitome.

Numbers 11:20

Taᴋᴋerle ilûnât nâvlugo, aniᴋârtinago ᴋingapsigut, arriunarᴋârtinago ilipsingnut; Nâlegaᴋ akunapsingnêtoᴋ naggogigapsiuk, ᴋeadlarapselo tâpsoma sângane, oᴋarluse: Sôᴋ aulalaukitâ Egiptenemît?

Numbers 16:41

ᴋaungmalle Israêlikut ilagêktoᴋsôningita ilûnatik Moseselo Aronelo oᴋarnilutivakit, oᴋarlutik: Toᴋoᴋauvase Nâlekab inuᴋotingit.

Numbers 17:12

Israelikullo oᴋarput Mosesemut, oᴋarlutik: Ahâk, sutairpogut, nungutaksauvogut, nungutaksaumarikpogut.

I Korintemiunut 10:9

Kristûsemiglotauk ôktorniarata, sorlo taipkoa ilangita ôktulaungmatsuk, ᴋuglugiarâlungnullo toᴋotaulaukput.