Numbers 21:34 - Labrador Inuttitut Heritage Bible

³⁴ Nâlekablo Mosese oᴋautivâ: Erksiginiarnago pit; tunimagapko inungillo nunangalo aggangnut; taimailiorvigijaksarivallo sôrlo Sihon, Amorikut ataninga, Hesboneme nunaᴋalauᴋtoᴋ, piniarvigigangne.

Numbers 21:34 Iomraidhean Croise

II Samuel 5:19

Davidiblo Nalegak appertsorpa, oᴋarlunelo: Paunga majorartuksauvîk Filisterit akkerartorlugit? Aggamnullo tunnijomavigit? Nalegak Davidemut oᴋarpok: Majorarit takpaunga, Filisterit tunnijomavakka aggangnut.

I Atannit 20:13

Ahâglo, nellautaijut illangata Ahabe Israelitit atanningat aivigiva, oᴋarlunelo: Imâk Nâlegak oᴋarpok: ᴋatimgajoksuit unuktoksuit ukkoa takkolaukpigit? Ahâk, uvlome tunnijomavakka aggangnut; nellojungnailerᴋovlutit uvanga Nâlegaugama.

I Atannit 20:28

Tagva Gûdib anguteᴋotinga tikkipok, oᴋarlunelo Israelitit ataninganut: Imâk Nâlegak oᴋarpok: Siriamiut oᴋalaungmatta: Nâlegak Gûdeôvok ᴋakᴋanut, Gûdeôlungilarlo nâksanut; tamânna pivlugo, ᴋatimgajoksuit tapᴋoa ilûnnamasiatik tunnijomavakka aggangnut, illipse tukkisilerᴋovluse uvanga Nâlegaugama.

II Atannit 3:18

Tamannalo mikkiluarpok sulle Nâlekab sângane, Moabiterit tunniniarivait aggapsingnut.

Jesaiase 41:13

Uvanga Nâlegaugama Gûdit, tallerpikkut illingnik tigusijoᴋ oᴋarvigivlutillo: Sivoraniarnak, uvanga ikajorpagit.

Numbers 14:9

Kissiane Nâlegaᴋ pikablâviginiarasiuk, nunablo inungit erᴋsiginiarasigik; nerᴋiksatôjârmatta uvaptingnut; saputjauviksaᴋarungnaiput, Nâlekable ilagivâtigut; erᴋsiginiarasigik.

Numbers 32:4

Nunat Nâlekab sâlagijangit ilagêktut Israêlikut sângine nergjuteᴋautiksauvut, kivgatillo nergjuteᴋoteᴋarput.

Deuteronomy 2:30

Sihonible, Hesbonib ataningata, tagvûna ingergarᴋolungilâtigut, Nâlekab Gûdipta tâpsoma anerninga mangaitilaungmago, ômatingalo ᴋepêsertipâ, pititsijungnarᴋovlugo tâpsominga aggaptingnut, sorlo uvlome pisimagame.

Deuteronomy 20:3

Oᴋautijaksarivaillo: Oᴋokse, Israêlekut! Uvlome parngnailerpose ômigijise unatariartoromavlugit; ômatise ᴋuksalâdlarniaratik; erᴋsiniarase, sajungniaraselo, kapiasutiginiarasigiglo;

Deuteronomy 3:1

Sanguvogut tagva, majorarpogullo apᴋut Basânemut sangmijok atorlugo; Ogiblo, Bâsanib ataningata, pagreariartorpâtigut, tâpsomalo inuᴋotingitalo tamaita, sorᴋsugomavluta Edreime.

Deuteronomy 3:11

(Og, Bâsanib ataninga, kissime amiakotôvok inukpangnit; ahâk, iglinga kikiangovok; Rabamêngilâk, Amorikunê? Tallertut 9tut takitigivok, tallertullo sittamatut senimut, angutib tallinga ôktûtigilugo.)

Deuteronomy 31:6

Sôngotitse maksuavluselo, sivôraniaraselo, kapiasûtiginiarasigiglo tâpkoa; Nâlekab Gûdivît nangminek ingergarᴋatigingmatit; tâpsomalo iperarniatsangilâtit, ᴋemangniangilâtillônêt.

Deuteronomy 7:17

Omatikullo oᴋaruvit: inôᴋatigêt ukkua ununersauvut uvamnit; ᴋanok sunaᴋarungnaititsungnarpakkâ?

Deuteronomy 7:18

Erᴋsigijaksaringilatit; erᴋaitsiartuksauvotit Nâlekab Gûdivît piniarnerilauᴋtanginik Faraomut Egiptenemiunullo tamainut;

Deuteronomy 7:21

Kapiasûtigijaksaringilatit; Nâlekab Gûdivît akunapsingnêngmat, Gûde angijok ileranadlartorlo.

Deuteronomy 7:24

Ataningillo tunijomârpait aggangnut, atingillo pêjaraksarivatit ᴋilaub atânit; nangerungnartokarniangilaᴋ sângne, nungutsiᴋârtinak tâpkoninga.

Josua 10:25

Josuablo oᴋautivait: Sivoraniarase kvaksarniaraselo, maksoanaᴋaluselo mungungajuititse; taimak Nalekab omigijise illunaita sorsugvigijase piniarviginiarmagit.

Josua 10:8

Nalegarlo Josuamut oᴋarpok: Sivoraginiarnagit aggangnut tunimagapkit; nalliellonêt tapkonangat nangerungnarniangilak sângne.

Josua 8:7

Illipse nulertuksauvose terliarsivipsingnit iglugasaksuillo aksarnigarilugit; Nalekab Gudipse tunniniarmagit aggapsingnut.

Idluarsaijut 11:30

Jeftablo Nâlegak angernermik angervigimarikpa, oᴋarlunelo: Ammonib ᴋitorngangit aggamnut tunniniarungne;

I Samuel 23:4

Tagva Davidib Nalegak ama apperiva; Nalekablo kiova oᴋarlunelo: Atte, attersarit Kegilamut, Filisterit tunnijomagapkit aggangnut.