Numbers 20:6 - Labrador Inuttitut Heritage Bible

⁶ Moseselo Aronelo aivuk katimajut najorninginit ilagêktut tupingata upkoanganut, pâmakterpuglo; Nâlekablo ânanauningata saᴋᴋervigivak.

Numbers 20:6 Iomraidhean Croise

I Kronika 21:16

Davidelo takkosarpok, takkovâlo Nalekab Engelinga nangertillugo ᴋilaub nunablo akkorngangne, saviksoarmiglo kenailitaᴋangitomik tigumiartillugo aggangmine, issautjitillugolo tapsominga Jerusalemut. Tagva Davide angajoᴋaunerôjullo pôngnut ulliksimavlutik pamakterput kênatik pûvlugit.

Exodus 16:10

Aroniblo ilagêt Israêlikut iluêngartut oᴋarvigingmagit, takosarput sunaᴋajuitomut, ahâglo, Nâlekab ivlernarninga takotipok nuvujarme.

Exodus 17:4

Moseselo ᴋaigarsukpok Nâlekamut, oᴋarlune: Inuit ukkoa ᴋanok piniarvigijaksarivakkâ? Milloromakasakpânga ujarᴋanut!

Numbers 12:5

Nâlegarlo aᴋᴋarpoᴋ nuvujame nappajome, nangerlunelo tupiub upkoangane, Aronelo Mirijamelo ᴋaiᴋovâk; tâpkoalo tamarmik sivupiarpuk.

Numbers 14:10

Ilagêktoᴋsuille ilûnatik millortauᴋovakit ujarᴋanut. Nâlekablo ânanauninga saᴋᴋijarpoᴋ Israêlikunut tamainut ilagêktut tupingane.

Numbers 14:5

Moseselo Aronelo kênatik pûlugik pâmangavuk Israêlikut ilagêktoᴋsuit katimajut ilûnatik sângine,

Numbers 16:19

Korablo ilagêktut ilagijane katimatipait ilagêktut tupingata upkoangane; Nâlekablo ânanauninga saᴋᴋerpoᴋ ilagêktoᴋsoarnut ilûnainut.

Numbers 16:22

Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?

Numbers 16:4

Mosesiblo tamanna tusaramiuk pâmakterpoᴋ;

Numbers 16:42

Sunaubvalo ilagêktoᴋsuit katimangmatta Mosese Aronelo pikablâvigilugik, takosarput ilagêktut tupinganik, ahâglo, nuvujab ulikpâ, Nâlekablo ânanauninga saᴋᴋerpoᴋ.

Numbers 16:45

Nûsâritik ilagêktoᴋsuit akornganit, nungutsiᴋovlunga tâpkoninga tagvainaᴋ. Pâmakterpuglo.

Numbers 20:7

Nâlekablo Mosese oᴋarvigivâ, oᴋarlune:

Mattêuse 26:39

ᴋanitomullo aivok, pâmakterlunalo tuksiarpok, oᴋarlunalo: Atâtak, ajornangipat, ermgusiarsuk una pêrle uvamnit; pijomajaraungitorle, pijomajat pile.

Josua 7:6

Josuab annorâne alliktorpait pamakterlunelo kênaminik pûlune nunamut Nalekab iklervingata sânganut, unnuk tikkidlugo Israelitit angajoᴋangit illagilugit, sannillo egipait niaᴋomingnut.