Numbers 20:5 - Labrador Inuttitut Heritage Bible

⁵ Sôklo aulartilauᴋpitigût Egiptenemit, tikiutilutalo nunâlungmut tamattomungâ? Karngasoiviksaᴋangilaᴋ, paungatannaᴋangilaᴋ, vaineliksataᴋangilaᴋ, paungatsiaᴋangilarlônêt; imeᴋangilarlônêt imiksamik.

Numbers 20:5 Iomraidhean Croise

Nehemia 9:21

Jârit 40git nâlugit patangaitilaukpattit Sunaᴋajuitome, ajoksalauᴋonagit sunamiglonêt. Anorângit samgusengorlaungilet, itigangillo puvilerlaungilet;

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 2:6

Oᴋangilallônêt: Nanekâ Nâlagaᴋ takpaungartilauᴋtivut nunamit Egiptenemît? Tassiortivut sunaᴋajuitokut, nunakut inuᴋajuitokut itersâluᴋadlartokût? Nunakut ipterilingajokut toᴋublo taggalininganik pitalikkut, nunakut inungmut arvertarviovangitokut nunaksaungitokullô?

Hesekiel 20:36

Sorlo atâtagijase erᴋartulaurapkit sunaᴋajuitome nuname Egipteneme, taimak erᴋartoromavapse, oᴋarpoᴋ Nâlegaᴋ Nâlegaujoᴋ.

Numbers 16:14

Tikiutilungilaptigullo nunamut imungmik igupsaujârtullo orᴋsuanik kôlingmut, tunitjivigilungilaptigullônêt perorsêvingnik vaineliksatalingniglo kingormgutijaksaptingnik; inuit makkoa ijingit pêjaromavisigîk? ᴋaijomalungilaguk!

Numbers 20:24

Aron ilaliudjaujuksauvoᴋ inuᴋotiminut, itertuksaungimat nunamut tunijamnut Israêlikunut, oᴋausikka tapagilaurapsigik imine akkerartorvingne.

Numbers 27:14

Oᴋausera tapagilauraptiko sunaᴋajuitome Zineme ilagêktoᴋsuit aivadlarningine, ivlernartilaunginaptinga tâpkoa ijingita sângine. (Tamadja immit akkerartorvit Kadeseme sunaᴋajuitome Zineme.)

Deuteronomy 8:15

Tesiortigijat sunaᴋajuitokut angijokut sivôranartokullo, ᴋuglugiaᴋtalikut ikomatut âniatitsijunik, kingupaujârtotalikut, nunakut panertokut imeᴋangitokut; saᴋᴋertitsijigijat imermik ᴋairtomit sittijomit;