Numbers 20:14 - Labrador Inuttitut Heritage Bible

¹⁴ Mosesiblo aᴋpârtuksat tilivait Kadesemit Edomib ataninganut: Imâk oᴋarpoᴋ ᴋatangutît Israêle, ᴋaujimavotit siorniornernik tamainik tikitigijaptingnik;

Numbers 20:14 Iomraidhean Croise

Genesis 25:23

Nâlekablo oᴋautivâ: Inôᴋatigêksuit magguit timingnêput, inugasaᴋsuit magguit timingnit anijomârput; inôᴋatigêksuit aipaingit sâlaᴋaromârput aipaimingnik, anginersarlo kivgaksauvoᴋ mikkinersamut.

Genesis 25:25

Annerᴋârtorlo aupallângavoᴋ, merᴋoᴋarlune ᴋissiktut; tâmna Esauemik atserarpât.

Genesis 25:26

Kingorngagut nukanga annivoᴋ, aggangillo angajume Esauib kingminganik tigumiarput; tâmna Jakomik atserarpât. Isaarlo 60nik jâreᴋarpoᴋ, erniangongmanik.

Genesis 32:29

Jakoblo aperivâ oᴋarlune: Attît tussarlago-ai? Oᴋautivâ: Sôᴋ attera aperᴋutigiviûk? Tagvanelo saimauserpâ.

Exodus 18:8

Mosesiblo sakinne unipkautivâ tamainik Nâlekab piniarninginik Faraomut Egiptenemiunullo Israêlikut pivlugit, siorniornerniglo tamainik tikitigijamingnik apᴋosinerme, ᴋanorlo Nâlekab piulingmagit.

Amos 1:11

Imâk oᴋarpok Nâlegak: Idluitulinerit pingasut sitamallônêt pivlugit Edom pidlartautailititsomângilara; ᴋatangutine udlalaungmago saviksoarmut, iperaingmallo ilapsugosungnermik ilûnânik, ningarnerminelo aliktuitsainarmat, ningaumajârninelo sapkotailingmago;

Mâlaki 1:2

Nagligilaukpapse, oᴋarpoᴋ Nâlegaᴋ. Oᴋarposele: Sumut nagligivitigût? Jâkob Esaue angajugilaungilaûk? oᴋarpoᴋ Nâlegaᴋ; Jâkole nagligilauᴋpara;

Numbers 13:26

Ingergalutiglo tikiput Mosesemut Aronemullo Israêlikullo ilagêktoᴋsoanginut, sunaᴋajuitomut Pâranemut, Kadesemut; unipkarvigivaillo tâpkoalo ilagêktoᴋsoangillo, takotilugillo nunab paunganginik.

Numbers 20:15

Atâtagilauᴋtavut atersârmatta Egiptenemut, akunillo nunaᴋalaurapta Egipteneme; Egiptenemiullo pikalugvigilauᴋpâtigut, uvagut atâtavullo;

Numbers 20:22

Aularpullo Kadesemit; Israêlikullo, ilagêktoᴋsuit iluengartut, tikiput ᴋaᴋᴋamut Horemut.

Deuteronomy 23:7

Edomekut maᴋojugijaksaringilatit, ᴋatangutigigangne; Egiptenemiut maᴋojugijaksaringilatit, takorngartaulauravit nunangane.

Josua 2:10

Tussalaurapta ᴋannok Nalekab immak immarbingme iviksoatalingme suvlolingnik ipteriliktilaungmago sivunapsigut Egiptenemit aulartilluse, pinniarnerilauktapsingniglo Amoriterit attannigingnut, Sihonemut Ogemullo Jordanib ungatanêtungnut, nungulaurapsigik.

Josua 2:9

Oᴋautivlugiglo: ᴋaujimavunga Nalekab nunamik mattominga tunnitsivigingmasse; kavaksarnerub tupvigingmattigut sivunapsigut, nunablo innungita illunatik tikkitsomârnise maksoajuijutigivât.

Josua 9:10

Tamaitalo pinniarnerilauktangit Amoriterit attanningangnut maggungnut Jordanib ungatanetungnut, Sihonemut Hesbonib attanertanganut, Ogemullo Basanib attannertanganut, Astharotheme nunaᴋalauktomut.

Josua 9:9

Tapkoa oᴋarput: Kivgattit nunnanit ᴋanningitoksoarnit tikkiput Nalekab Gudivit attinga pivlugo; tussaumajauninga tussarlauraptigo, tamaitalo pinniarnerilauktangit Egipteneme.