Numbers 20:12 - Labrador Inuttitut Heritage Bible

¹² Nâlekablo Moseselo Aronelo oᴋautivâk: Okpervigilaunginaptinga ivlernartitauᴋovlunga Israêlib ᴋitorngangita ijingita sângine, tamanna pivlugo ilagêktoᴋsuit ukkua tikiutijaksarilungilatik nunamut tunijamnut tâpkonunga.

Numbers 20:12 Iomraidhean Croise

II Kronika 20:20

Uvlarârsukullo parngnailerput, aularlutiglo Tekoab sunaᴋajuitunganut. Aulartillugillo Josafate nangerpok oᴋarlunelo: Naleksinga Judamiôjose Jerusalemiôjoselo: Nalegak Gudise okperisiuk, tagva ussornarniarpose; nallautaijoᴋotingillo okperisigik, tagva sullidlarniarpose.

Imgerut 106:32

Ningaksarpâllo imektarvingme akkerartornermik attelingme, Môse aglât ᴋanoêtitaulaungmat pivlugit.

Imgerut 99:8

Nâlegak Gûdivut tussalaukpâttit; Gudeôlaukpotit tâpkonunga issumagijungnainiktok, akkiniartelo pinniarninginnik.

Jesaiase 7:9

Efraimiblo niaᴋorijaksanga tagva Samâria, Samâriablo niaᴋorijaksanga tagva Remaliab erninga. Soᴋᴋosijuitsangikupse (tattigivlunga), sôngoniangilase.

Jesaiase 8:13

Kilangmiugasaksuit Nâlegangat opigissiuk, tâmnauvoᴋ erᴋsigijaksarijase sivoragijaksarijaselo.

Hesekiel 20:41

Tippe naimajominartoᴋ naivlugo ilalioromavapse, anitikupse inôᴋatigêksuit akornganit, katersorupselo nunanit siamarvigijapsingnit; ivsornaititaujomavungalo ilipsigut inôᴋatigêksuit takoane.

Hesekiel 36:23

Ivsornaititsomârparalo atera angijoᴋ, inôᴋatigêksoarne ivsornartitaulauᴋtoᴋ, ilipse ivsornartilauᴋtase tâpkoa akorngane; inôᴋatigêksuillo ᴋaujijuksaulârput uvangaugama Nâlegaᴋ, oᴋarpoᴋ Nâlegaᴋ Nâlegaujoᴋ, ivsornaititauguma ilipsingne tâpkoa ijingita sângine.

Hesekiel 38:10

Imâk oᴋarpoᴋ Nâlegaᴋ Nâlegaujoᴋ: Pijomârpoᴋ uvlorme tâpsomane, ômatingne issumaliornerit ᴋagveromârmatta, âᴋiksoilârpotillo issumâlungnik:

Leviticus 10:3

Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.

Numbers 11:15

Taimailiorvigigumgalo, tagva toᴋolaungatôᴋ, ila, toᴋunga, saimaneᴋsiguma takkungne; tautugiaᴋarᴋonanga ajulernimnik.

Numbers 20:24

Aron ilaliudjaujuksauvoᴋ inuᴋotiminut, itertuksaungimat nunamut tunijamnut Israêlikunut, oᴋausikka tapagilaurapsigik imine akkerartorvingne.

Numbers 27:14

Oᴋausera tapagilauraptiko sunaᴋajuitome Zineme ilagêktoᴋsuit aivadlarningine, ivlernartilaunginaptinga tâpkoa ijingita sângine. (Tamadja immit akkerartorvit Kadeseme sunaᴋajuitome Zineme.)

Mattêuse 17:17

Jêsusible kiovâ oᴋarlunalo: Tata ukkua okpingitut mumiksimajut kinguvângoᴋatigêt, ᴋanok sivitutigijomik najoriaᴋarpapsê? ᴋanok sivitutigijomik ᴋenuêvigijariaᴋarpapse? Kaisiuk uvamnut.

Mattêuse 17:20

Jêsusible kiovait oᴋautivlugillo: Okpinginise pivlugo. Âhamarik oᴋautivapse: mustardib karngasûtiksatangatut okperneᴋarupse, ᴋakᴋamut ômunga oᴋatuinariaᴋarpose: Tagvangat nûtit taikunga, nûniarpok tâva, ajugaᴋarniaraselo.

Lukase 1:20

Ahâglo, nipangerniarpotit oᴋarungnarungnailutillo, uvlok taimna tikilugo pijoᴋarvioniartok tamakkoninga; Oᴋausikka okperinginangne, nalautsiniartut neliutinermingne.

Lukase 1:45

Pilorikpotit, okperavit; ilingnut Nâlekab oᴋausingit nâmaksijomârmatta.

Johannese 1:17

Perᴋojalle Môsesekut tunijauvut, saimanek mikseᴋârnerlo Jêsuse Kristûsekut pivuk.

Rômiunut 4:20

Kolalunginame Gûdib angersimaninganik okpinginermut, okpernermele pitsartulerlune Gûde nertorpâ;

Deuteronomy 1:37

Nâlekablo ningarilaurivânga ilipse pitjutigivluse, oᴋarlune: Igvittauᴋ tagvunga pijuksaungilatit;

Deuteronomy 34:4

Nâlekablo oᴋautivâ: Tamanna nuna, nelâgôrmariktomik angerutigilauᴋtara Abrahamut, Isaarmullo, Jakomullo, oᴋarlunga: Tunijomajomârpara kinguvângnut; ijingnut takotipagit tâpsominga, tagvungale ikârtuksaungilatit.

Deuteronomy 4:21

Nâlekablo ama ningarvigivânga pitjutigivluse, oᴋamariklune Jordan ikâraksaringinapko, nunalo piodlartok Nâlekab Gûdivît kingormgutijaksautitanga ilipsingnut aivigijaksaringinapko;

Josua 1:2

Kivgara Mosese toᴋᴋovok; tagva parngnailerit manna, Jordanelo tamna ikkarlugo pit, igvit innugasaksuillo ukkoa illunatik, nunamut tunnilauktamnut tapkonunga, Israelib ᴋittornganginnut.

I Pêtrusib 3:15

Nâlegarle nertorsiuk ômatipsingne. Opalungairsimatsainaritsele akiorlugit ilûnaita ᴋaujititaujomajut nerriungnerijapse ilupsingnêtub tungaveᴋarninganik;