Numbers 19:9 - Labrador Inuttitut Heritage Bible

⁹ Angutiblo ivsornaitûb argjat tuktuvangmit katitaksarivait ililugillo salumaitoᴋangitomut tangmârviub avatâne, ᴋomergutauniarpullo kigligiutsiᴋovlugit Israêlikut ilagêktoᴋsôningit pivlugit, atoraksauᴋovlugit sujungailisautiksamut; tunergutiksauvoᴋ ajortoêrutiksaᴋ.

Numbers 19:9 Iomraidhean Croise

Leviticus 15:20

Inangavigijangillo ilûnatik nalliuneᴋsiortilugo ivsornarniarput; iksivavigijangillo ilûnatik ivsornarniarput.

Saggaria 13:1

Uvlorme tâpsomane Dâvidekunut Jerusalemiunullo puilavik matoêrtaujomârpok ajortoêrutiksak ivsornairutiksarlo.

Numbers 19:13

Aktoajoᴋ inûb toᴋungajûb timinganik sujungaitiluganelo nangminerminik, sujuivoᴋ Nâlekab tupinganik; taimaitorlo avitaujuksauvoᴋ Israêlikunit; imeᴋ sujungailisautiksaᴋ serparsautaulaungimat tâpsomunga, ivsornarniarpoᴋ; ivsornarninga tâpsomanêpoᴋ suli.

Numbers 19:17

Ivsornartorlo pivlugo tigusijuksauvut argjat tunergutaumajûb ajortoêrutiksab ôtitauninganit pijut ilanginik, koverilugillo imermik ômanartomik ᴋajûtarme;

Numbers 19:18

Inuglo ivsornaitoᴋ tigusiniarpoᴋ isupinik (ᴋesertutinik) missuklugillo imermut, serparsautigilugolo tupermut perᴋutinginullo, inungnullo tagvanêlauᴋtunut, tâpsomungalo aktoalauᴋtomut saunermik, toᴋotaujomiglônêt, ingminiglônêt toᴋolauᴋtomik, iluvermiglônêt;

Numbers 19:3

Tunijaksarivaselo Eleasaremut ajoᴋertuijomut, tâpsomalo âtaksarivâ tangmârviub avatânut, toᴋotsijoᴋartuksauvorlo tâpsominga tâpsoma takkoane;

Numbers 19:8

Otitsijûblo tâpsominga annorâne ergortoraksarivait imermut, timinelo ubvarlugo imermut, ivsornarniarlunelo unnuk tikidlugo.

Numbers 6:12

Ingmigôlingatinimelo nangminerminik Nâlekamut uvlungit ingmigôlingatitaksarivait, saugârsungmiglo angusalormik, atautsemik jârelingmik, ᴋaitsijuksauvoᴋ tunergutiksamik passijaungijutiksamik; uvlulle sivorlît sulijungnaiput, ingmigôlinganine ivsornartitaulaungmat.

Numbers 8:7

Imailiorvigijaksarivatillo ivsornaitilugit; imeᴋ ulapᴋosertautiksaᴋ serᴋerautigijaksarivat tâpkonunga, tâpkoalo uviningmingnik ilûnâne umgijaumut umgijartuksauvut, annorâtiglo ergortorlugit, nangminermingniglo ivsornaitilutik.

Numbers 9:13

Inugle ivsornartitaungitoᴋ aularsimangitorlo uvloᴋsiorᴋatautailijorle uvloᴋsiorvingmik, tâmna avitaujuksauvoᴋ inôᴋatiminit; tunitjilaunginame Nâlekab tunergusiarijaksanganik neliutome perᴋojaujome, tâmna nangmartuksauvoᴋ idluinerminik.

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

II Korintemiunut 7:1

Taimaimat taimaitomik angersimaneᴋarapta, nagliktakka, epᴋêjarniarta uvingûb tarniblo sujungninginit tamainit, nâmaksititsivalliavlutalo ivsornainermik Gûde sivôragivlugo.

Ebrêerinut 7:26

Taimaitomik ajoᴋertuinerôjomik pijariaᴋarapta ivjornaitomik, passijaksaungitomik, ajortoᴋangitomik, ajortolingnit ingmigôlingajomik ᴋilangmillo ᴋotsingnersamik;

Ebrêerinut 9:13

Tuktuvaillo saukallo aungita, argjallo tuktuvangmit inungnut ivjornartunut serparsautaujut, ivsornaitikpatigik timit epᴋêjarlugit,