Numbers 19:7 - Labrador Inuttitut Heritage Bible

⁷ Tungânelo ajoᴋertuijûb annorâne ergortoraksarivait, timinelo ubvarlugo imermut, ivsornarniarlunelo unnuk tikidlugo.

Numbers 19:7 Iomraidhean Croise

Leviticus 11:24

Tapkonunga ivsornartitauvose; aktuajok tâpkoa sillunginik ivsornarniarpok unnuk tikidlugo.

Leviticus 11:25

Akjarsijok taimaitovinermik ergortuijuksauvok annorâminik ivsornarniarlunalo unnuk tikidlugo.

Leviticus 11:27

Omajullo ilûnatik pisusôngojut itigangmingne sitamane inugangoalingne ivsornarput ilipsingnut; aktuijullo sillunginik ivsornartuksauvut unnuk tikidlugo.

Leviticus 11:28

Akjarsijûblo sillunginik annorâne ergortoraksarivait, ivsornarniarlunalo unnuk tikidlugo; taimaitut ivsornarput ilipsingnut.

Leviticus 11:31

Tâpkoangovut ivsornartut ilipsingnut nuname pâmgorpaktut akorngane; aktuijut taimaitunik toᴋungatilugit ivsornartuksauvok unnuk tikidlugo.

Leviticus 11:32

Tâpkoalo nalianut toᴋungajunut katagviojok ivsornartuksauvok; perᴋuteongmangât ᴋejungmit sanamajomik, annorângongmangâllônêt amiongmangâllônêt pôrmangâllônêt perᴋuteotuarpat sunatuinarnut atorsôk kinitsiutijaujuksauvok, ivsornarniarporlo unnuk tikidlugo; tungâgullo ivsornainiarpok.

Leviticus 11:39

Nergjutelo nerᴋiksauᴋojaujok ilipsingnut toᴋokpat; aktuijok sillunganik ivsornartuksauvok unnuk tikidlugo.

Leviticus 11:40

Nerrijûblo sillungata ilanganik annorâne ergortoraksarivait, ivsornarniarlunalo unnuk tikidlugo; akjarsijûblo sillunganik annorâne ergortoraksarivait, ivsornarniarlunalo unnuk tikidlugo.

Leviticus 14:46

Itertoᴋarpallo iglomut, iglo palangairsimatilugo, tâmna ivsornarpok unnuk tikidlugo.

Leviticus 15:5

Aktoajûblo tâpsoma iglinganik annorâne ergortoraksarivait, ubvarlunalo nangminerminik imermut, ivsornarniarlunalo unnuk tikidlugo.

Leviticus 22:6

Aktoajok tamakkoa nalianik ivsornartuksauvok unnuk tikidlugo, nerrijuksaungilarlo ivsornaitomik, ubvarᴋârlungipat uviningminik imermut.

Numbers 19:10

Katersijûblo tuktuvaub argjanginik annorâne ergortoraksarivait, ivsornarniarlunelo unnuk tikidlugo. Tamannalo maligaksaujuksauvoᴋ soᴋosijuitoᴋ Israêlikunut takorngartanullo tâpkoa akorngane nunaᴋaturnut.

Numbers 19:19

Ivsornaitûblo ivsornartoᴋ serparsaraksarivâ uvlut pingajuane seveninganelo; uvlullo seveningane sujungaitiniarpâ; annorânelo ergortoraksarivait, ubvarlunelo nangminerminik imermut, unnukpallo ivsornailârpoᴋ.

Numbers 19:21

Tamanna maligaksauvoᴋ soᴋosijuitoᴋ tâpkonunga; serparsaijûblo imermut sujungailisautiksamut annorâne ergortoraksarivait; aktoajorlo imermik sujungailisautiksamik ivsornarniarpoᴋ unnuk tikidlugo.

Numbers 19:22

Ivsornartûblo aktortangit ilûnatik ivsornarniarput; aktoajorlo tâpkoninga ivsornarniarpoᴋ unnuk tikidlugo.

Numbers 19:8

Otitsijûblo tâpsominga annorâne ergortoraksarivait imermut, timinelo ubvarlugo imermut, ivsornarniarlunelo unnuk tikidlugo.

Ebrêerinut 13:11

Nergjutit nelîta aungit ajoᴋertuinerôjomut âtaujut ivsornaitoviub iluanut ajornerit pivlugit, taipkoa timingit ôtaulermatta tupersuit avatane.