Numbers 19:3 - Labrador Inuttitut Heritage Bible

³ Tunijaksarivaselo Eleasaremut ajoᴋertuijomut, tâpsomalo âtaksarivâ tangmârviub avatânut, toᴋotsijoᴋartuksauvorlo tâpsominga tâpsoma takkoane;

Numbers 19:3 Iomraidhean Croise

Leviticus 16:27

Tuktuvârarlo tunergutiksak ajoᴋêrutiksak, tuktungajorlo tunergutiksak ajoᴋêrutiksak, tâpkoa aungat itertitaulauktok ulapᴋosêjutigilugo ivsornaitovingme, âtaujuksauvok tupersuit avatânut; ôtitaksarivaillo ikomamut amîgik nerᴋîgiglo anangillo.

Leviticus 24:14

Oᴋarnilutjijok tikiutisiuk tupersuit avatânut; ilûnatiglo tusalauktut tâpsominga patingmilitsuk niaᴋoagut, ilagêllo ilûnatik milorlitsuk ujarᴋanut.

Leviticus 4:11

Tuktuvaublo aminga, nerᴋingalo ilûnât, niaᴋoalo, niungillo, erᴋavingillo, anangalo,

Leviticus 4:12

Ilâ, tuktuvak ilûnât âtaksarivâ tangmârviub avatânut, ipeᴋangitomut, argjaᴋôvingmut, ôtitaksarivâlo ikomamut ᴋejuit ᴋângane: argjaᴋôvingme ôtaujuksauvok.

Leviticus 4:21

Tuktuvaglo âtaksarivâ tangmârviub avatânut ôtilugolo sôrlo tuktuvak sivorlek ôtilaungmago: tunergutauvok ajoᴋêrutiksak ilagêt pivlugit.

Numbers 15:36

Ilagêktoᴋsuillo ilûnatik âpât tupersuit avatânut milorlugolo ujarᴋanut, toᴋovorlo; sôrlo Nâlekab Mosese perᴋolaungmago.

Numbers 19:9

Angutiblo ivsornaitûb argjat tuktuvangmit katitaksarivait ililugillo salumaitoᴋangitomut tangmârviub avatâne, ᴋomergutauniarpullo kigligiutsiᴋovlugit Israêlikut ilagêktoᴋsôningit pivlugit, atoraksauᴋovlugit sujungailisautiksamut; tunergutiksauvoᴋ ajortoêrutiksaᴋ.

Numbers 3:4

Nadabelo Abihulo toᴋolauᴋpuk Nâlekab sângane, tunergusermanik ikomamik takorngartamik Nâlekab sângane, Sinaib sunaᴋajuitungane, ᴋitorngaᴋalaungituglo; Eliasarelo Itamarelo kivgartorpuk ajoᴋertuijônerme atâtamik Aronib najorningane.

Numbers 5:2

Israêlib ᴋitorngangit perᴋokit avitsiᴋovlugit tangmârvingmit kalaᴋadlartunik ilûnainik, ilûnainiglo ᴋanimaseâlulingnik assiniarnerub pitanganik, ilûnainiglo toᴋungajunut ivsornartitaujunik;