Numbers 19:19 - Labrador Inuttitut Heritage Bible

¹⁹ Ivsornaitûblo ivsornartoᴋ serparsaraksarivâ uvlut pingajuane seveninganelo; uvlullo seveningane sujungaitiniarpâ; annorânelo ergortoraksarivait, ubvarlunelo nangminerminik imermut, unnukpallo ivsornailârpoᴋ.

Numbers 19:19 Iomraidhean Croise

Genesis 2:2

Uvlullo sepangane Gûdib sorairpait sullinine pijane. Uvlullo sepangane merngoerserpoᴋ sullinerminit tamainit pijaminit.

Exodus 19:10

Nâlekablo Mosese oᴋautivâ: Inuit aivigikit, ivsornaitilugillo uvlome ᴋaupallo, ergortuilillo annorâmingnik,

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Leviticus 14:7

Sevenertorlunalo sujungaititaksak kalâlungmit serparsaraksarivâ, sujungaititaunerarlugolo, tingmiarlo ômajok aulartitaksarivâ silamut.

Leviticus 14:9

Uvlullo seveningane nujane tamaita niaᴋominêtut, uminginalo, ᴋablonalo, ila, nujane tamaita salijaksarivait;

Numbers 19:12

Tâmna sujungaitituksauvoᴋ nangminerminik tamattomunga uvlut pingajuane, uvlullo seveningane, tagva ivsornainiarpoᴋ; sujungaitilungikunele nangminerminik uvlut pingajuane uvlullo seveningane ivsornainiangilaᴋ.

Numbers 19:13

Aktoajoᴋ inûb toᴋungajûb timinganik sujungaitiluganelo nangminerminik, sujuivoᴋ Nâlekab tupinganik; taimaitorlo avitaujuksauvoᴋ Israêlikunit; imeᴋ sujungailisautiksaᴋ serparsautaulaungimat tâpsomunga, ivsornarniarpoᴋ; ivsornarninga tâpsomanêpoᴋ suli.

Numbers 19:18

Inuglo ivsornaitoᴋ tigusiniarpoᴋ isupinik (ᴋesertutinik) missuklugillo imermut, serparsautigilugolo tupermut perᴋutinginullo, inungnullo tagvanêlauᴋtunut, tâpsomungalo aktoalauᴋtomut saunermik, toᴋotaujomiglônêt, ingminiglônêt toᴋolauᴋtomik, iluvermiglônêt;

Numbers 31:19

Ilipselo tangmâleritse tangmârviub avatâne uvlunik sevenenik; tamapse inungmik toᴋotsisimajose, toᴋungajomiglônêt aktuisimajose, sujungaitileritse nangminipsingnik uvlut pingajuane uvlullo seveningane, ilipse aularutijaselo.

Numbers 31:24

Uvlullo seveningane annorâse ergortoraksarivase, tagva ivsornainiarpose, tungânelo tangmârvingmut aijuksauvose.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Ebrêerinut 10:22

Aivigilavut tagva, ômamut mikselingmut, okpermarikluta, serparsartauvluta ômatiptigut, ᴋelarudjârtauvlutalo issumamit passijaksaujomit, ubvarsimavlutalo timiptigut imermut ivjornaitomut;

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

Jûdasib 1:23

Ilangille sivôrasârdlugit piuliniarsigik, ikomamit nussungniardlugit; ômigilugolo annorâᴋ uviningmut ipeᴋtojoᴋ.