Numbers 19:10 - Labrador Inuttitut Heritage Bible

¹⁰ Katersijûblo tuktuvaub argjanginik annorâne ergortoraksarivait, ivsornarniarlunelo unnuk tikidlugo. Tamannalo maligaksaujuksauvoᴋ soᴋosijuitoᴋ Israêlikunut takorngartanullo tâpkoa akorngane nunaᴋaturnut.

Numbers 19:10 Iomraidhean Croise

Exodus 12:49

Maligaksak tâmnatsainak ilingavok inûlersimajomut nuname takorngartamullo ilipsingne nunaᴋartomut.

Leviticus 11:25

Akjarsijok taimaitovinermik ergortuijuksauvok annorâminik ivsornarniarlunalo unnuk tikidlugo.

Leviticus 14:46

Itertoᴋarpallo iglomut, iglo palangairsimatilugo, tâmna ivsornarpok unnuk tikidlugo.

Leviticus 16:28

Otitsijûblo tâpkoninga annorâne ergortoraksarivait, uvininalo ubvarlugo imermut, taimailiorᴋârdlunalo aijungnarpok tangmartervingmut.

Numbers 19:19

Ivsornaitûblo ivsornartoᴋ serparsaraksarivâ uvlut pingajuane seveninganelo; uvlullo seveningane sujungaitiniarpâ; annorânelo ergortoraksarivait, ubvarlunelo nangminerminik imermut, unnukpallo ivsornailârpoᴋ.

Numbers 19:21

Tamanna maligaksauvoᴋ soᴋosijuitoᴋ tâpkonunga; serparsaijûblo imermut sujungailisautiksamut annorâne ergortoraksarivait; aktoajorlo imermik sujungailisautiksamik ivsornarniarpoᴋ unnuk tikidlugo.

Kolossamiunut 3:11

Tamattomane pitsangilat Grîᴋillo, Jûdillo, kipimajullo, kipimangitullo, Grîᴋiungitullo, Skitillo, kivgallo, kivgaungitullo: Kristûsele tamaitaksoarnik tamaine pitôvok.