Numbers 18:8 - Labrador Inuttitut Heritage Bible

⁸ Nâlekablo Aron oᴋautivâ: Uvanga, ahâk, uvanga tunergusiarijakka issautijauᴋattartut, Israêlikullo ivsornaititangit tamaita tunimavakka ilingnut, ilangiusiaksauvlutik mingoartauneᴋ pivlugo tunivakka ilingnut ernernullo, soᴋoserniangitomik pigênalârpase.

Numbers 18:8 Iomraidhean Croise

II Atannit 12:16

Kênaujalle tunnergutinit akkiliksêrutiksanit, tunnergutanillo ajortoêrutiksanit, Nâlekab iglunganut âtaulungilet, ajochertuijunut illingangmatta.

II Kronika 31:4

Innugasaksuillo Jerusalemiut perᴋovait, ajochertuijut Levitillo pijaksangit tunnilugit piᴋovlugit, tapᴋoa katsungainersaujungnarᴋovlugit perᴋojanut.

II Kronika 31:5

Perᴋojarlo tamna tunnijaujarêrmat Israelib ᴋittorngangit âtsivut innerᴋârtunik ᴋaᴋᴋojaksanik, Weiniblo paungangita iptinginik, orksumiglo, igupsaujartullo orksunginik, perorsêviublo perortunginik sunatuinarnik; tamaitalo tallimaujortungit âpait unnuktut.

Exodus 28:43

Atijaujuksauvullo Aronemut erninginullo iteraikpata tupermut kigligiutjinelingmut, najornileraikpatalo tunerguservingmik kivgartoromavlutik ivsornaitovingme; idluinermik toᴋojutiksamik nangmarᴋonagit: tamanna maligaksaujuksauvok soraijuitok tâpsomunga kinguvânginullo tâpsoma kingorngane.

Exodus 29:21

Aublo tunerguservingmêtub ilanga tigujaksarivat, orᴋsublo mingoarutiksab ilanga, serᴋerautigivlugolo Aronemut annorânginullo, erninginullo, erningitalo annorânginut tâmna ilagivlugo: ivsornaititauniarporlo, annorângillo, erningillo, erningitalo annorângit, tâmna ilagivlugo.

Exodus 29:28

Aroniblo erningitalo ningeksiarijaksarivait Israêlikunit maligaksakut soraijuitokut; tunergutaungmat isautijaujok ᴋongmut: Tunergutaujuksauvorlo isautijaujok ᴋongmut Israêlikunit, tunergutinginit ᴋujalijutinit tunergusertaujunit, llâ, tunergut isautijaujok ᴋongmut Nâlekamut.

Exodus 29:29

Aroniblo annorângit ivsornaitut erningita kingormagutijaksarivait tâpsoma kingorngagut, mingoartausiutigivlugit ivsornaititausiutigivlugillo.

Exodus 40:13

Aronelo atititaksarivat annorânik ivsornaitunik, mingoarlugolo, ivsornaitilugolo; kivgartorᴋovlugo uvamnut ajoᴋertuijônerme.

Exodus 40:15

Mingoaraksarivatillo sorlo atâtangat mingoarangne, kivgartorᴋovlugit uvamnut ajoᴋertuijônerme: mingoartauningillo ajoᴋertuijungortitaujutiksauvok nâksaungitok kinguvângitigut.

Jesaiase 10:27

Taipsomane nangmartaurᴋojanga tuipsingnit pêromârpoᴋ nangmautangalo ᴋungasipsingnit, nangmautâluk serᴋomitaujomârmat sôngodlartomut.

Leviticus 21:10

Ajoᴋertuijersoangojublo ᴋatangutime akorngane, niaᴋokut koverijaulauktûb orᴋsumik mingoarutiksamik, ingmikôrtartitaujûblo annorâlijarᴋovlugo (ajoᴋertuijoksûb) annorânginik, tâpsoma niaᴋome nujangit palangatigijaksaringilait, annorânelônêt aliktoraksaringilait.

Leviticus 23:20

Ajoᴋertuijûblo sanervaiᴋitârtitaksarivait niaᴋôjâk pijariorutik ilagilugik tunergutiksautilugit sanervaiᴋitârtitaksak Nâlekab sângane, saugârsûk ilagilugik; ivsornaituksauvut Nâlekamut ajoᴋertuijomut ilingatilugit.

Leviticus 6:16

Amiakoalo Aronib erningitalo nerrijaksarivât; pubjusauteᴋarane nerrijaujuksauvok ineme ivsornaitome; ilagêktut tupingata avatâne avaluliorsimajome nerrijaksarivât.

Leviticus 6:18

Angutit ilûnatik Aronib ᴋitorngangita akornganêtut nerrijuksauvut tâpsomangat, piksarijaksarivât soraijuitomik kinguvâksapsingne tunergutaujunit Nâlekamut ikomakut; ilûnatik aktuijut tâpkoninga ivsornaituksauvut.

Leviticus 6:20

Tamadja tunergut Aronib erningitalo tunijaksarijangat Nâlekamut uvlorme mingoartauvigijangine; êfab tallimaujoanik sanaugatsiarmik tunergutiksauᴋovlugo nerᴋiksamik soraingitomik, abvanga uvlâkut, abvangalo unnukut.

Leviticus 6:26

Ajoᴋertuijûb tunergusertûb tâpsominga ajornek pivlugo nerrijaksarivâ; nerrijaujuksauvok ivsornaitovingme, ilagêktut tupingata avatâne avaluliorsimajome.

Leviticus 7:14

Tunergutinillo tamainit tunitjijuksauvok atautsimik tunergutauᴋovlugo issârutiksamik Nâlekamut: tamanna ajoᴋertuijûb tunergutiksat ᴋujaliutiksat aunganik serᴋeraijûb pigijaksarivâ.

Leviticus 7:28

Nâlekablo Mosese oᴋarvigivâ, oᴋarlune:

Leviticus 7:6

Angutit ilûnatik ajoᴋertuijut akorngane nerrijuksauvut tâpsomangat; ineme ivsornaitome nerrijaujuksauvok; ivsornaitoksôvok.

Leviticus 8:30

Mosesiblo orᴋsûb mingoarutiksab ilanga, aublo tunerguservingmêtûb ilanga tiguvâk serᴋerautigilugiglo Aronemut annorânginullo erninginullo erningitalo annorânginut tâmna ilagilugo; Aronalo ivsornaitipâ annorângit erningillo erningitalo annorângit ilagilugit.

Numbers 18:9

Tamadja perᴋutigilârtatit ivsornainerpaujunit, ikomamit ningertaujunit: tunergutingit nerᴋiksat ilûnatik, tunergutingillo ajortoêrutiksat ilûnatik, tunergutingillo pasijaungijutiksat ilûnatik, uvamnut tunijangit, ivsornainerpaujuksauvut ilingnullo ernernullo.

Numbers 5:9

Tunergutillo isautijauᴋattartut, Israêlikut tunijangit ivsornaititamingnit tamainit ajoᴋertuijomut, ajoᴋertuijûb perᴋutigivait.

I Korintemiunut 9:13

ᴋaujimangilasê kivgartortut ivjornaitovingme nerrivangmatta ivjornaitoviub pinginît? Tunerguservingmelo kivgartortut tunerguserviub ᴋânganut illijaujut ilangerpangmagît?

Deuteronomy 12:11

Tagva iniksamut Nâlekab Gûdipse annerijanganut atterminut iniksauᴋovlugo, tagvunga âtaksarivase perᴋojijutigijakka tamaita ilipsingnut; tunergutise ôtaksat, tunergutise toᴋotaksat, perᴋutipse tallimaujoangit, aggapselo tunergutingit issautijaksat, angerutigijaselo annernarnerpat angerutigijase Nâlekamut.

Deuteronomy 12:6

Tagvungalo tunergutiksase ôtaksat, tunergutiselo toᴋotaksat, perᴋutipselo tellimaujoangit, aggapselo tunergutingit isautijaksat, angerutigijaselo, tunergutiselo pijârijut, tuktuvaᴋotipselo saugakotipselo pijariorutingit âtaksarivase;

Deuteronomy 18:1

Ajoᴋertuijut Levikut, tagva kinguvârêt Levikut ilûnatik Israêlekut avgoraksarsiᴋatigijaksaringilait kingormgutijaksarsiᴋatiginagillo; nerrijaksarivait tunergutit Nâlekamut tunijaujut ikomakut, tâpsomalo kingormgutijaksanga.

Deuteronomy 26:13

Nâlekablo Gûdivît sângane oᴋartuksauvotit: Ivsornaititaksat pêjarpakka iglumnit, tunivakkalo Levikunut, tujormiarnullo, iliarsungnullo, uigarnernullo, perᴋojatit perᴋojijutigijatit tamaita maliklugit; perᴋojavît neliallônêt tapagilungilakka, puigungilakkalônêt;

Ebrêerinut 1:9

Idluarneᴋ ivlerivat, iluserlungnerillo ômigivatit; tamanna pivlugo Gûdib, Gûdivît mingoalauᴋpâtit orᴋsumut ᴋuviasûtiksamut, piluartomik illangnit.

I Johannesib 2:20

Ilipsilo saimaniᴋarposi tâpsomangat, ivjornaitomit, tamaitalo illisimavasi.

I Johannesib 2:27

Saimarsautilo, tâpsomangat pijasi, ilupsingnêtsainarniarpoᴋ, kimullo ajoᴋitortaujariaᴋangilasi; sorloli saimarsautib tamainik ajoᴋitormasi, miksiᴋârtôlarmilo saglunanilo; taimak sorlo ajoᴋitulaungmasi, tâpsomanêtsainaritsi