Numbers 18:5 - Labrador Inuttitut Heritage Bible

⁵ Ilipselo udjertortuksauvose ivsornaitovingmik tunerguservingmiglo; ningaumajârneᴋ tikitsungnaiᴋovlugo Israêlikunut.

Numbers 18:5 Iomraidhean Croise

I Kronika 23:24

Tagva Levib erningit atâtagijamik iglomioᴋatingita atâtallo angajoᴋaunerôjut akkorngane, sorlo kittitaulaungmatta atingita unurningit malliklugit, niaᴋomit niaᴋomut, pinniarlauktut pinniaraksanik Nalekab iglungane, jâreᴋartunit 20ginik unurnersaniglo.

I Kronika 23:32

Pinniarᴋovlugillo pinniaraksanik tupperme kattimaviôjome, ivsornaitovingmelo, ikajorᴋovlugillo Aronib erninginik ᴋatangutinginik kivgartornerme Nalekab iglungane.

I Kronika 24:5

Imeraumullo âkᴋiksorpait adsigêktomik, angajoᴋaunerôjut ivsornaitome, Gûdiblo angajoᴋâkotingit Eleaserib Ithamariblo erninginit pingmatta.

I Kronika 9:19

Sallumelo, Koreb erninga, Abiasafib erningata, Korab erningata, ᴋatangutingillo. atâtame iglunganit pijut, Korakut, sullijaksaᴋalaukput tuppiub upkoanga udsertorlugo, atâtangillo Nalekab tangmarviane ittervik udsertorpât.

I Kronika 9:23

Tapkoa, erningillo, Nalekab iglungata tupiojub ittervinginelaukput udsertorlugit.

I Kronika 9:33

Tagva imgerpaktut, niaᴋôjut Levitit atâtangita akkorngane, kivgartoriaᴋalaungitut, uvlotillugo unnuamelo tamattominga sullijaksaᴋalauramik.

Exodus 27:21

Ilagêt tupingane, upkub silatâne, kigligiutjineᴋtaliub sângane, Aronib erningitalo kamagijaksarivât unnungmit uvlârmut Nâlekab sângane; tamanna maligaksautsainartuksauvok kinguvânginut, Israêlikut akorngane.

Jeremia 23:15

Taimaimat imâk oᴋarpoᴋ Nâlagaᴋ Zebaot nalautaijut pivlugit: Ahâk, mamaitoᴋsoarmik nerrititsomavakka, imertilugillo sungarmik; nalautaijunit Jerusalemêtunit takkormôrnek anisimangmat nunamut ilûnânut.

Hesekiel 44:15

Ajokertuijulle Levitit, Zâdokib erningit, pairᴋsilauᴋtut ivsornaitovimnik Israêlib ᴋitorngangit tamarmatta uvamnit, tâpkoa najorniktuksauvut uvamnik kivgartorlunga, tâpkoa nangertuksauvut sâmne tunerguserlutik orᴋsumiglo aungmiglo uvamnut, oᴋarpoᴋ Nâlegaᴋ Nâlegaujoᴋ:

Hesekiel 44:16

Tâpkoa itertuksauvut ivsornaitovimnut, sâmniglo najorniktuksauvlutik, kivgartorlunga, pairᴋsilutiglo pimnik.

Leviticus 10:6

Mosesiblo Aron ernîgiglo, Eleasare Itamarelo, oᴋautivait: Nessairniarase annorâselo aliktorniarasigik, toᴋoᴋonase, ilagêllo ilûnaita ningarvigilugit perᴋonago; ᴋatangutisele Israêlekut ilûnatik ᴋugviorlit ikitaunek Nâlekab ikitavininga pivlugo.

Leviticus 24:3

Kigligiutjinektaliub upkoangata silatâne, tupersoarme katimavingme, Aronib âᴋiksoraksarivâ sorairᴋonago unungmit ulûb ᴋaulerninga tikidlugo Nâlekab sângane; perᴋojak tamanna soᴋosijuituksauvok kinguvângoᴋatigêngnipsigut.

Saggaria 10:3

Ningarnera katsungailerpok mianersijunut, parngnillo sugiaromârpakka; Nâlekab Zebaotib katimgajoᴋotine, tamadja Jûdab ᴋitorngangit, nalipsarmagit, âᴋiksoromârpaillo horsimitut piojutitut sorᴋsungnerme.

Numbers 1:50

Levikulle kamajuksangortitaksarivatit kigligiutjineᴋtaliub tupinganik, tâpsomalo perᴋutinginik, ilûnainiglo tâpsomunga ilingajunik; akjarsijuksauvut tupermik perᴋutinginiglo; udjertortuksauvullo tâpsominga, tangmârtuksauvullo tupiub avatânut.

Numbers 1:53

Levikulle tangmârtuksauvut tupiub kigligiutjineᴋtaliub avatânut, ningaumanermut tikitauᴋonagit ilagêktut Israêlib ᴋitorngangit; Levikullo udjertortuksauvut tupermik kigligiutjineᴋtalingmik.

Numbers 16:46

Mosesiblo Arone oᴋautivâ: Pujôrtitsivit tiguleruk pititsivigilugolo ikomamik tunerguservingmit, ilijivigilugolo isserluanerutiksamik, tuavilutillo ilagêktoᴋsuit aivigikit ulapᴋoserlugillo; ningaumajârneᴋ aningmat Nâlekamit; nusilingnartoᴋ pigiarêrpoᴋ.

Numbers 18:4

Piᴋatigijaksarivâtillo, udjertortuksauvlutiglo ilagêktut tupinganik, katimaniksat tuperme nâvlugit; takorngartarlo majorniktuksaungilaᴋ ilipsingnik.

Numbers 4:18

Kohatekut ᴋitorngarêngita kinguvângit pêjarniarasigik Levikut akornganit;

Numbers 8:19

Levikullo piliutigivakka Aronemut erninginullo Israêlikut akornganit, piniarᴋovlugit Israêlikut kivgartorutinginik ilagêktut tupingane, ulapᴋosêᴋovlugillo Israêlikunik; nusilingnartoᴋarᴋonago Israêlikut akorngane, Israêlikut ᴋanilerajarpatta ivsornaitovingmut.

Numbers 8:2

Arone oᴋarvigiuk, oᴋautilugolo: Kollit âᴋiksorungne, ᴋollit sevenit ᴋaumaijuksauvut nenneroaᴋarviub sânganêtunik.

I Timôteusemut 1:18

Mattominga perᴋojamik unertôtivagit, ernera Timôteuse, oᴋautsit ipkua nalautsitiksat ilingnut pimajut pivlugit, malingniakit tamakkonane ajugaulerᴋovlutit.

I Timôteusemut 3:15

Mullulerumale, ᴋaujimaᴋovlutit iliortuksaunernik Gûdib iglungane; tamadja Gûdib ômajub ilagêktitangit, mikseᴋârnerub sukanga tungavingalo aulajungnangertok.

I Timôteusemut 5:21

Gûdib, Nâlekablo Jêsusib Kristûsib Engelillo anerimajut takoane pivagit, nâleᴋovlutit tamakkoninga tamainik, issumangnik pinak, naliallônêt mânetuinak ilannârinersarinago assianit.

I Timôteusemut 6:20

Omât! Timôteuse, ilingnut sungertûtigijaumajok ivlerit sainaruk, allakillo oᴋâlagalâdlarnerit anerniliungitut ᴋoksalainerit, inuillo sulinatik nertôtijut ilisimanermik akiortigêngningit.