Numbers 18:3 - Labrador Inuttitut Heritage Bible

³ Tâpkoalo udjertoraksarivâtit, udjertoraksarivâttauᴋ tupiub ilûnanga; kissiane najorniktuksaungilat ivsornaitoviub perᴋutinginik tunerguservingmiglo, tâpkoalo ilipselo toᴋoᴋonase.

Numbers 18:3 Iomraidhean Croise

Hesekiel 44:13

Najorniktuksaungilallo uvamnut, ajoᴋertuijub piniaraksarijanginik piniaromavlutik, najorniktuksaungilallônêt ivsornaitoᴋotima nelianik, pimnik ivsornainerpaujunik; nangmartuksauvulle naggonarnermingnik maᴋojungnartulinermingniglo piniartamingnik.

Numbers 1:51

Tuperlo kigligiutjineᴋtalik nûtaugiaᴋarpat, Levikut kissimik nûgaksarivât, tuperlo aᴋiktaugiaᴋalermikpat, Levikut kissimik âᴋigaksarivât; takorngartablo ᴋanilerpago toᴋotaujuksauvoᴋ.

Numbers 1:53

Levikulle tangmârtuksauvut tupiub kigligiutjineᴋtaliub avatânut, ningaumanermut tikitauᴋonagit ilagêktut Israêlib ᴋitorngangit; Levikullo udjertortuksauvut tupermik kigligiutjineᴋtalingmik.

Numbers 16:40

Erᴋaumajutiksauᴋovlugo Israêlikunut, takorngartaᴋ, Aronib kinguvânginit pingitoᴋ, najorniᴋonago isserluanerutitsijomavlune Nâlekab sângane; ilingaᴋonago Koratut ilagijangititullo; sôrlo Nâlekab oᴋautilaungmago Mosesekut.

Numbers 18:4

Piᴋatigijaksarivâtillo, udjertortuksauvlutiglo ilagêktut tupinganik, katimaniksat tuperme nâvlugit; takorngartarlo majorniktuksaungilaᴋ ilipsingnik.

Numbers 18:7

Igvillo ernitillo ilagilutit ajoᴋertuijônipsingnik udjertortuksauvose tunerguserviub perᴋutingit tamaita pivlugit upkûblo iluanêtut pivlugit; kivgartortuksauvoselo; ajoᴋertuijôneᴋ tunivara ilipsingnut perᴋutauᴋovlugo; takorngartarlo najorniktoᴋ toᴋotaujuksauvoᴋ.

Numbers 3:25

Gersoniblo erningit udjertoraksaᴋartuksauvut ilagêktut tupingane, tupermik ivsornaitomik, tupermiglo tâpsoma matuksanganik illullermik, matuksanganiglo sillallermik, ilagêktullo tupingata upkoangata tâlutanganik,

Numbers 3:31

Tâpkoalo pairijaksaᴋartuksauvut iklervingmik, sâmiglo, nenneroaᴋarvingmiglo, tunerguservingmiglo, ivsornaitoviublo perᴋutinginik atortunik kivgartornerme, upkomiglo, tâpsomalo atoriaᴋartanginik.

Numbers 3:36

Merariblo erningit pairijaksaᴋartuksauvut ilagêktut tupingata sâtojanginik, seningajunginiglo, napajunginiglo, manguvinginiglo, perᴋutinginiglo tamainik, atoriaᴋartanginiglo tamainik;

Numbers 31:30

Israêlikullo abvanginit tigusijuksauvotit atautsemik 50nit tamainit, inungnit, tuktuvangnillo, siuteᴋortojunillo, saukanillo, tagva nergjutinit tamainit, tunilugillo Levikunut, Nâlekab tupinganik udjertortunut.

Numbers 4:15

Aroniblo erningitalo ivsornaitovik ivsornaitoviublo perᴋutingit immugêrpatigik, tangmârtertut nûtuksaulertilugit; Kohatib erningit ᴋaijuksauvut akkigaromavlugit; aktuijuksaungilalle ivsornaidlartunik, toᴋoᴋonagit. Tamadja Kohatib erningita akkigaraksarijangit ilagêktut tupingane.