Numbers 18:23 - Labrador Inuttitut Heritage Bible

²³ Levikulle piniartuksauvut ilagêktut tupingata kivgartortaugianganik, tâpkoalo nangmartuksauvut idluininginik: tamanna maligaksauvoᴋ soᴋoserungnangitoᴋ kinguvângoᴋatigêngnipsingne, Israêliklullo akorngane kingormgutijaksaᴋartuksaungilat.

Numbers 18:23 Iomraidhean Croise

Exodus 27:21

Ilagêt tupingane, upkub silatâne, kigligiutjineᴋtaliub sângane, Aronib erningitalo kamagijaksarivât unnungmit uvlârmut Nâlekab sângane; tamanna maligaksautsainartuksauvok kinguvânginut, Israêlikut akorngane.

Hesekiel 44:10

Levitille, uvamnik allalauᴋtut, Israêlikut tamarmatta uvamnit, uvamnit tamarlutik gudingoaᴋotitik maligomavlugit, tâpkoa idluinitik nangmaraksarivait.

Numbers 18:1

Nâlekablo Aron oᴋautivâ: Igvit, ernitillo, atâtagilauᴋtavîllo kinguvângit ilagilutit, nangmartuksauvose ivsornaitoviub ajorninganik, igvillo ernitillo nangmartuksauvose ajoᴋertuijônipse ajorninganik.

Numbers 18:20

Nâlekablo Aron oᴋautivâ: kingormgutijaᴋartuksaungilatit nunangine ilangiusiaᴋartuksaungilatillo tagvane; uvanga ilangiusiarivarma kingormgujilutillo uvamnik Israêlikut akorngane.

Numbers 19:21

Tamanna maligaksauvoᴋ soᴋosijuitoᴋ tâpkonunga; serparsaijûblo imermut sujungailisautiksamut annorâne ergortoraksarivait; aktoajorlo imermik sujungailisautiksamik ivsornarniarpoᴋ unnuk tikidlugo.

Numbers 26:62

Kititaujullo tâpkonangat 23,000ovut, angutit ilûnatik taᴋᴋeᴋartut atautsemik ununersaniglo; kitikasiutjaulaungimatta Israêlikut akorngane.

Numbers 3:7

Kamatsiartuksauvullo tâpsoma pijariaᴋartanginik ilagêktullo ilûnatik pijariaᴋartanginik ilagêktut tupingata sângane, tupiub pijarialingit piniarlugit.

Numbers 35:29

Tamakkoalo maligaksarivase erᴋartuinerme kinguvârêngnipsingne inigijapsingne tamaine.

Deuteronomy 10:9

Tamanna pivlugo Levikut ᴋatangutitik avgoraksarsiᴋatigingilait kingormgutiksarsiᴋatiginagillo; Nâlegak kingormgutigivât, sorlo Nâlekab Gûdivît oᴋautingmagit.)

Josua 13:14

Kinguvarêlle Levikut kingormgutijaksamik tunnitsivigilaungilait; Nalekab Israelib Gudingata tunnergusiarijangit kingormgutigingmattigik, sorlo oᴋautilaungmagit.