Numbers 18:21 - Labrador Inuttitut Heritage Bible

²¹ Levikunullo ahâk Israêlikut perᴋutingita tellimaujungit tamaita kingormgutijaksautisimavakka, akkiksauᴋovlugit kivgartorninginut piniarnerijanginut ilagêktut tupingane.

Numbers 18:21 Iomraidhean Croise

Genesis 14:20

Gûdelo ᴋotsingnerôjoᴋ nakorijaule, sorsugvigijarnik tunitjijoᴋ aggangnut. Abrablo tâmna tunitjivigivâ tigujame ilûnatik tallimaujoanik.

Genesis 47:24

Imailingajuksauvorlo katersortaujomârtut pivlugit: (tallimaulivlugit) Tallimangit atausît tunijaksarivase Faraomut, tellimangille sittamat illipse piksarivase: karngasûtiksat perorsêvingnut, nerᴋiksase inuᴋotipselo ᴋitorngapselo nerᴋiksangit.

Genesis 47:26

Josefiblo Egiptenemiut ilusiksaᴋartipait perorsêvît pivlugit uvloᴋ tamanna tikkidlugo, tellimangit tunivlugit Faraomut. Ajoᴋertuijut perorsêvingit kissêta pinagit, tâpkoa Faraub perᴋutigingilait.

II Kronika 31:12

Ittertipaillo illuanut nertornarlutik, tunnergutit perᴋutit tallimaujungit, ivsornaititaumajullo. Kananjalo Levitiôjok angajoᴋaulaukpok tapᴋonunga, Simeilo ᴋattangutine ikajortigiva.

Nehemia 10:29

Ilauvut ᴋatangutimingnut erᴋanartunut, tikkipullo angerlutiglo angermaringnermut, agvertaromagamik Gûdib malligaksauᴋojangit malliklugit, tunnilauktangit Mosekut, Gûdib kivgaᴋotingagut, nallautsititsijomagamik, pinniaromagamiglo Nâlekab atanniotivigijipta perᴋojangit, idluarijangillo, ilûsiksauᴋojangillo tamaita malliklugit;

Nehemia 10:37

ᴋakᴋojaksaptalo innerᴋârtungit, tunnergutiksaptalo sivurlingit, nappârtullo tamaita paungâlungit, Weineliksallo iptingit, orksuglo innerᴋârtut âtsomagaptigik ajoᴋertuijunut inninut Gûdib iglunganêtunut; nunaptalo tallimaujoanik Levitinut, Levitit tallimaujoanik peᴋarᴋovlugit iglugasaksoaptingne perorsêviktalingne tamaine.

Nehemia 10:38

Ajoᴋertuijorlo Aronib erninga, Levitinut illaujuksauvok Levitit tallimaujoanik tiguleraikpatta, Levitit tallimaujoaᴋotimik tallimaujoanik âtsiᴋovlugit takpaunga Gûdipta iglunganut innenut perᴋotitalingmêtunut.

Nehemia 12:44

Nalliutomelo taipsomane angutit nallonairtaulaukput angajoᴋauᴋovlugit perᴋutitalingnut tunnergutiksanik, perortullo sivurlinginik, tallimaujuaniglo pitalingnut, kattersoiᴋovlugit perorsêvingnit iglugasaksuillo avatânit, aitortuijutigilugit malligaksat malliklugit ajoᴋertuijunut, Levitinullo, Judakut ᴋuviasuteᴋarmatta ajoᴋertuijunik Levitiniglo, nangermatta,

Nehemia 12:47

Israelitillo ilûnâmasiatik Serubabelib nalliuningane Nehemiablo nalliuningane tunnijilaukput aitusianik imgerpaktunut upkoaniglo udsertortunut, uvlut tamaita aitusianginik; ivsornaititaumajuniglo tunnijivut Levitinut, Levitillo ivsornaititaumajunit aitortuivut Aronib ᴋitornganginut.

Nehemia 13:12

Tagva Judakut ilûnâmasiatik ᴋakᴋojaksat Weineliksallo iptingita orksullo tallimaujoat âpait Perᴋutitalingmut.

Nehemia 13:5

Âᴋiksoilaungmat taipsomunga innemik angijomik Takᴋamungalo illijilaukpok sivurngane tunnergutiksanik Nerᴋiksanik, Weihrauchemiglo, ilûlerkutiniglo, ᴋakᴋojaksallo tallimaujoanik, Weineliksallo iptinginik orksumiglo, aitûsiaksanik Levitinut, imgerpaktunullo, upkoaniglo udsertortunut, tunnergutiksallo ajoᴋertuijunut.

Mâlaki 2:4

Missigijomârpose tagva perᴋojaᴋ tamanna tiligapko ilipsingnut, angerutigijara Lêvimut ilingaᴋovlugo, oᴋarpoᴋ, Nâlegaᴋ Zebaot.

Mâlaki 3:10

Katersortapse tellimaujoat ilûnaita âsigik ᴋematulivingmut, nerᴋiksaᴋarᴋovlugo iglumne, ôktorsingalo mâna mattomunga, oᴋarpoᴋ Nâlegaᴋ Zebaot, ᴋilaub igalângit angmaromângimangâpkit ilipsingnut, saimanartoᴋsoarmiglo koveriluse nimniornadlartomik.

Numbers 18:6

Uvangalo, ahâk, ᴋatangutise Levikut tiguvakka Israêlikut akornganit; ilipsingnut tunergusiangovut tunijaumajut Nâlekamut, kivgartorᴋovlugit ilagêktut tupingane.

Numbers 3:6

Aronib kinguvângit maungautikit pitilugillo Aronib ajoᴋertuijôjûb sânganut, kivgartorᴋovlugit tâpsominga.

Numbers 31:28

Nâlekable ilangiusiarijaksanganik tigusigit sorᴋsuktuksanit unatarnermut ailauᴋtunit; tamât atautsemik 500nit, inungnit, tuktuvangnillo, siuteᴋortojunillo, saukanillo;

Galâtsiamiunut 6:6

Oᴋautsinigle ajoᴋertortaujub ajoᴋertortine aitortorliuk ajungitunik sunatuinarnik.

Deuteronomy 18:8

Adsigêktomik nerᴋiksamik ikupiktuksauvut, atâtagilauᴋtame perᴋutingita niorvgutaujut akkigijangit tapilugit.

Ebrêerinut 7:5

Lêvib kinguvângit ajoᴋertuinerônermik pititaugamik, perᴋojaᴋaralloarput inuᴋatigêt ᴋatangutigijamik perᴋutingita tellimaujoanik tiguserᴋovlugit, perᴋojaᴋ maliklugo, Abrahab timinganit tâpkotitunaᴋ tikigalloarlutiktauᴋ.