Numbers 18:2 - Labrador Inuttitut Heritage Bible

² ᴋatangutitittauᴋ, Levib kinguvângit, atâtagilauᴋtavît kinguvângit, ilagijaksarivatit, piᴋatigilutit piᴋovlugit, kivgartorᴋovlugillo ilingnik; igville ernitillo ilagilutit kigligiutjineᴋtaliub tupingata sânganêtuksauvose.

Numbers 18:2 Iomraidhean Croise

Genesis 29:34

Amma singailerivoᴋ ernertârlunelo, oᴋarlunelo: tamattomane uima ungagilerniarpânga, pingasunik ernernik ernigama tâpsomunga: tamanna pivlugo Levimik atserarpâ.

II Kronika 30:16

Nangerpullo innimingne, sorlo illusiolaungmat Mosesib Gudib anguteᴋotingata perᴋojangit malliklugit. Ajochertuijullo auk serᴋerartipât Levitit agganginit.

Hesekiel 44:11

Kivgartortuksauvulle ivsornaitovimne, iglub itertarvingit udjertorlugit, kivgartorlutiglo iglome, toᴋotsijuksauvut tunergutiksanik ôtaksanik tunergutiksaniglo inuit pivlugit, nangertuksauvullo inuit sângine kivgartorlugillo.

Hesekiel 44:15

Ajokertuijulle Levitit, Zâdokib erningit, pairᴋsilauᴋtut ivsornaitovimnik Israêlib ᴋitorngangit tamarmatta uvamnit, tâpkoa najorniktuksauvut uvamnik kivgartorlunga, tâpkoa nangertuksauvut sâmne tunerguserlutik orᴋsumiglo aungmiglo uvamnut, oᴋarpoᴋ Nâlegaᴋ Nâlegaujoᴋ:

Mâlaki 2:4

Missigijomârpose tagva perᴋojaᴋ tamanna tiligapko ilipsingnut, angerutigijara Lêvimut ilingaᴋovlugo, oᴋarpoᴋ, Nâlegaᴋ Zebaot.

Numbers 1:53

Levikulle tangmârtuksauvut tupiub kigligiutjineᴋtaliub avatânut, ningaumanermut tikitauᴋonagit ilagêktut Israêlib ᴋitorngangit; Levikullo udjertortuksauvut tupermik kigligiutjineᴋtalingmik.

Numbers 16:40

Erᴋaumajutiksauᴋovlugo Israêlikunut, takorngartaᴋ, Aronib kinguvânginit pingitoᴋ, najorniᴋonago isserluanerutitsijomavlune Nâlekab sângane; ilingaᴋonago Koratut ilagijangititullo; sôrlo Nâlekab oᴋautilaungmago Mosesekut.

Numbers 17:7

Mosesiblo ajaupiat torᴋorpait Nâlekab sângane kigligiutjineᴋtaliub tupingane.

Numbers 18:4

Piᴋatigijaksarivâtillo, udjertortuksauvlutiglo ilagêktut tupinganik, katimaniksat tuperme nâvlugit; takorngartarlo majorniktuksaungilaᴋ ilipsingnik.

Numbers 3:5

Nâlekablo Mosese oᴋarvigivâ, oᴋarlune:

Numbers 4:15

Aroniblo erningitalo ivsornaitovik ivsornaitoviublo perᴋutingit immugêrpatigik, tangmârtertut nûtuksaulertilugit; Kohatib erningit ᴋaijuksauvut akkigaromavlugit; aktuijuksaungilalle ivsornaidlartunik, toᴋoᴋonagit. Tamadja Kohatib erningita akkigaraksarijangit ilagêktut tupingane.

Numbers 8:19

Levikullo piliutigivakka Aronemut erninginullo Israêlikut akornganit, piniarᴋovlugit Israêlikut kivgartorutinginik ilagêktut tupingane, ulapᴋosêᴋovlugillo Israêlikunik; nusilingnartoᴋarᴋonago Israêlikut akorngane, Israêlikut ᴋanilerajarpatta ivsornaitovingmut.

Numbers 8:22

Kingornganelo Levikut iterput kivgartûtiksatik ilagêktut tupingane piniaromavlugit Aronib erningitalo sângine; sorlo Nâlekab Mosese perᴋongmago Levikut pitjutigilugit, taimailiorvigivait.

Ebrêerinut 9:6

Tamakkoa tagva taimailingatitaungmatta, ajoᴋertuijut ᴋaut tamât itilauᴋput tupiub pârdlinganut, (ivsornaitovingmut,) kivgartornerlo Gûdemik piniarlugo.