Numbers 18:19 - Labrador Inuttitut Heritage Bible

¹⁹ Tunergutit ᴋongmut isautijaujut ilûnaita ivsornaitut, Israêlikut tunijangit Nâlekamut, tunimavakka ilingnut, ernernullo paningnullo ilagilutit, soᴋoserniangitomik pigênalârpase; angerᴋatigêngniovoᴋ angermaringnermik soraijuitomik Nâlekab sângane ilingnut kinguvângnullo ilagilutit.

Numbers 18:19 Iomraidhean Croise

II Atannit 12:16

Kênaujalle tunnergutinit akkiliksêrutiksanit, tunnergutanillo ajortoêrutiksanit, Nâlekab iglunganut âtaulungilet, ajochertuijunut illingangmatta.

II Kronika 13:5

Nallungilase Nalekab Israelib Gudingata Davide tunnitsivigilaungmago Israelitit attanniovinganik soraijuitomik, tamna, erningillo, angernermut sioraujalingmut?

II Kronika 31:4

Innugasaksuillo Jerusalemiut perᴋovait, ajochertuijut Levitillo pijaksangit tunnilugit piᴋovlugit, tapᴋoa katsungainersaujungnarᴋovlugit perᴋojanut.

Exodus 29:27

Ivsornaititaksarivatillo sakiangit tunergutaujut isautijauᴋatartut, talerlo tunergutaujok isautijaujok ᴋongmut, isautijauᴋatartok isautijaujorlo ᴋongmut Angusâlormit ivsornaijutiksaujomit, Aronemut erninginullo ilingajomit:

Hesekiel 43:24

Nâlekablo sânganut tikiutijaksarivakik, ajoᴋertuijullo karngasoivigijaksarivakit sioraujanik, tunergutigijaksarivakillo tunergutiksâk ôtaksâk Nâlekamut.

Leviticus 2:13

Tunergutitillo nerᴋiksaujut ilûnaita tarêraksarivatit, tunergutillo nerᴋiksaujok tarêrsimangititaksaringilat, Gûdivît angiᴋatigêngnerijangata tarioksanganik.

Leviticus 21:22

Nerrijuksauvok Gûdime nerᴋiksanganik, tamarmik ivsornainerpaujomiglo ivsornaitomiglo.

Leviticus 7:14

Tunergutinillo tamainit tunitjijuksauvok atautsimik tunergutauᴋovlugo issârutiksamik Nâlekamut: tamanna ajoᴋertuijûb tunergutiksat ᴋujaliutiksat aunganik serᴋeraijûb pigijaksarivâ.

Numbers 18:11

Tamadjalo pigijaksarivatit: tunergutingit isautijauᴋattartut, Israêlikut tunergutingit senervaiᴋitârtitat, tâpkoa tunivakka ilingnut ernernullo paningnullo ilagilutit, soᴋoserniangitomik pigênalârpase; ivsornaitut ilûnatik iglungnêtut tâpkonangat nerrijuksauvut.

Numbers 18:8

Nâlekablo Aron oᴋautivâ: Uvanga, ahâk, uvanga tunergusiarijakka issautijauᴋattartut, Israêlikullo ivsornaititangit tamaita tunimavakka ilingnut, ilangiusiaksauvlutik mingoartauneᴋ pivlugo tunivakka ilingnut ernernullo, soᴋoserniangitomik pigênalârpase.

Numbers 31:29

Tâpkoa abvanginit tigukit, tunilugillo Eliasaremut ajoᴋertuijomut, tunergutiksauᴋovlugit isautijauᴋattartut Nâlekamut.

Numbers 31:41

Mosesiblo ilangertaujut, Nâlekab tunergusiarijangit isautijauᴋattartut, tunivait Eliasaremut ajoᴋertuijomut, sôrlo Nâlekab Mosese perᴋongmago.

Deuteronomy 12:26

Tunergutiksangortitatit angerutigisimajatillo kissimik tigumiarlugit aijuksauvotit iniksamut Nâlekab annerijanganut;

Deuteronomy 12:6

Tagvungalo tunergutiksase ôtaksat, tunergutiselo toᴋotaksat, perᴋutipselo tellimaujoangit, aggapselo tunergutingit isautijaksat, angerutigijaselo, tunergutiselo pijârijut, tuktuvaᴋotipselo saugakotipselo pijariorutingit âtaksarivase;