Numbers 18:15 - Labrador Inuttitut Heritage Bible

¹⁵ Igliamik angmaijut uvinilingne tamaine tunijaujut Nâlekamut, inômangât nergjuteomangâllônêt, perᴋutiginiarpatit; erniangoᴋârtorlo inungne pisiarijaksarivat, nergjutillo ivsornartut erniariᴋârtangit pisiarijaksarivatit.

Numbers 18:15 Iomraidhean Croise

II Atannit 12:5

Tamakkoa ajochertuijut tigujaksarivait ingmingnut, attunît illitarijamingnit. Tamakkonangat âkiksoraksarivait sujuksimanerit Nâlekab iglungane, sujuksimanerit ilunnaita nachvartaulertut tagvane.

Nehemia 10:37

ᴋakᴋojaksaptalo innerᴋârtungit, tunnergutiksaptalo sivurlingit, nappârtullo tamaita paungâlungit, Weineliksallo iptingit, orksuglo innerᴋârtut âtsomagaptigik ajoᴋertuijunut inninut Gûdib iglunganêtunut; nunaptalo tallimaujoanik Levitinut, Levitit tallimaujoanik peᴋarᴋovlugit iglugasaksoaptingne perorsêviktalingne tamaine.

Exodus 13:15

Faraublo ᴋununermut aularᴋojomangimatigut, Nâlekab toᴋorarpait erniangorᴋârtut tamaita nuname Egipteneme, inuit erniarirᴋârtangit nergjutillo erniarirᴋârtangit: Tamanna pivlugo tunergutigivakka Nâlekamut angutaujut tamaita angmaijut igliarmik; ᴋitorngamale erniarirᴋârtangit taukserlugit uttertipakka.

Exodus 13:2

Ivlernartikit uvamnut erniangorᴋârtut tamaita, igliarmik angmaijut tamaita Israêlikune, inungnelo nergjutinelo: Uvanga pigivakka.

Exodus 22:29

Mulludlartuksaungilatit paungavit innertut, imiksavillo sivorlerpângit tunerguserilugit; ernivillo angajuklingat tunijaksarivat uvamnut.

Exodus 34:20

Siuterᴋortojuble erniarirᴋârtanga tauksiutijaksarivat saugârsungmut: tauksiutilungikungnelo ᴋongesêjaraksarivat. Ernivit erniarirᴋârtangit ilûnnaita tauksiutijaksarivatit. Tunergutiksalijaranelo sakᴋijârtoᴋartuksaungilak sâmne.

Numbers 18:16

Pisiarijaujariaᴋartullo pisiniarijaksarivatit taᴋᴋeᴋarpatta atautsemik, akkeᴋartilugit sekelenik tellimanik, ivsornaitoviub sekelinga maliklugo, tâmna gêratut 20tut akkitôtigivoᴋ.

Numbers 3:13

Erniangoᴋârtut tamaita perᴋutigigapkit, uvlorme taipsomane erniangoᴋârtut tamaita nuname Egipteneme anaulaurapkit, erniangoᴋârtut ilûnaita inungnelo nergjutinelo Israêleme annerilauᴋpakka; perᴋutaujuksauvut uvamnut; Uvangauvunga Nâlegaᴋ.

Numbers 3:46

Israêliblo ᴋitorngangita erniangoᴋârtungita Levikut unurᴋijangit 273nik pisiarijaujarianginut,

Deuteronomy 15:19

Tuktuvakotivit saugakotivîllo erniariᴋârtangit angutit ilûnaita ilingatitaksarivatit Nâlekamut Gûdingnut; tuktuvaᴋotivît erniangiᴋârtanga suliaᴋartitaksarilungilat, saugakotivîllo erniariᴋârtanga salijaksaringilat.