Numbers 18:11 - Labrador Inuttitut Heritage Bible

¹¹ Tamadjalo pigijaksarivatit: tunergutingit isautijauᴋattartut, Israêlikut tunergutingit senervaiᴋitârtitat, tâpkoa tunivakka ilingnut ernernullo paningnullo ilagilutit, soᴋoserniangitomik pigênalârpase; ivsornaitut ilûnatik iglungnêtut tâpkonangat nerrijuksauvut.

Numbers 18:11 Iomraidhean Croise

Leviticus 10:14

Sakiarlo sanervaiᴋitârtitaujok tallerlo issârutaujok nerrijaksarivase ivsornaitovingme, igvit ernivillo pannivillo ilagilutit; tunijaungmatta igvit ernivillo ilangiusiarijaksapsingnik Israêlib ᴋitorngangita tunergutinginit ᴋujaliutiksanit.

Leviticus 7:14

Tunergutinillo tamainit tunitjijuksauvok atautsimik tunergutauᴋovlugo issârutiksamik Nâlekamut: tamanna ajoᴋertuijûb tunergutiksat ᴋujaliutiksat aunganik serᴋeraijûb pigijaksarivâ.

Numbers 18:1

Nâlekablo Aron oᴋautivâ: Igvit, ernitillo, atâtagilauᴋtavîllo kinguvângit ilagilutit, nangmartuksauvose ivsornaitoviub ajorninganik, igvillo ernitillo nangmartuksauvose ajoᴋertuijônipse ajorninganik.

Numbers 18:10

Ivsornaitovingme nerrijaksarivatit; angutit ilûnatik nerrijaksarivait; ivsornaituksauvut ilingnut.

Numbers 18:19

Tunergutit ᴋongmut isautijaujut ilûnaita ivsornaitut, Israêlikut tunijangit Nâlekamut, tunimavakka ilingnut, ernernullo paningnullo ilagilutit, soᴋoserniangitomik pigênalârpase; angerᴋatigêngniovoᴋ angermaringnermik soraijuitomik Nâlekab sângane ilingnut kinguvângnullo ilagilutit.

Numbers 18:8

Nâlekablo Aron oᴋautivâ: Uvanga, ahâk, uvanga tunergusiarijakka issautijauᴋattartut, Israêlikullo ivsornaititangit tamaita tunimavakka ilingnut, ilangiusiaksauvlutik mingoartauneᴋ pivlugo tunivakka ilingnut ernernullo, soᴋoserniangitomik pigênalârpase.

Deuteronomy 18:3

Tamadjalo ajuᴋertuijut piksarsiarijangit inungnit, tunitjijunit tunergutiksanik, tuktuvaumangât saugaumangâllônêt, tunitjijuksauvut ajuᴋertuijomut tallermik aglerûngniglo tamangnik nerrubkangalo.