Numbers 18:1 - Labrador Inuttitut Heritage Bible

¹ Nâlekablo Aron oᴋautivâ: Igvit, ernitillo, atâtagilauᴋtavîllo kinguvângit ilagilutit, nangmartuksauvose ivsornaitoviub ajorninganik, igvillo ernitillo nangmartuksauvose ajoᴋertuijônipse ajorninganik.

Numbers 18:1 Iomraidhean Croise

Exodus 28:38

Aroniblo ᴋaunganêtuksauvok, Arone nangmarᴋovlugo ivsornaitut idluininginik, Israêlikut ivsornaitilârtanginik tunergutimingne ivsornaitune tamaine; ᴋaunganêtsainartuksauvorlo, tâpkoa nâmagijaurᴋovlugit Nâlekab sângane.

Jesaiase 53:11

Tarnime siorniorninga pivlugo nãmaksititaunerminik takojomârpoᴋ, illitarᴋsinerminullo kivgama tâpsoma idluartotôjub unuktoᴋsuit idluarsititsomârpait, ajorningit pêjaramigit.

Jesaiase 53:6

Illũnatale saukkatitut tammarpogut, ingmikôrluta apᴋutigijomajavut kamagituinarlugit. Nâlekable idluinivut illũnamatsiatik pitipait tâpsomunga.

Hesekiel 4:4

Inariartortukauvotillo saumingnut, Israêliblo ᴋitorngangita idluituliningit ililugit tâpsomunga; inangerpit tâpsomunga uvlungita unurningit maliklugit, nangmalârpotit idluininginik.

Leviticus 10:17

Suna pivlugo tunergut ajoᴋêrutiksak nerrilungikisiûk ivsornaitovingmê? Ivsornaitoksôdlarmat, ilipsingnullo ilingatilaungmago ilagêt idluituliningit erᴋsugaksarigapsigik, ulapirᴋsarlugillo Nâlekab sângane.

Leviticus 22:16

Idluitulinermingnut pidlaraksautiᴋonagit nangminermingnik nerrigunik ivsornaitunik; Uvangaugama Nâlegak ivsornaititsijok tâpkoninga.

Leviticus 22:9

Tamanna pivlugo perᴋojakka maligaksarivait, idluinermik pititsiᴋonagit nangminermingnut, toᴋoᴋonagillo idluinermingne tapanermingnut; Uvangaugama Nâlegak ivsornaititsijok tâpkoninga.

Numbers 14:34

Uvlut nunamik nautsertorvigilauᴋtapse unurningit, tagva uvlut 40, maliklugit, tagva jâre atauseᴋ uvlormut atautsemut, idluitulinise nangmalârpase, tagva jârinik 40nik, taimaglo missigilârpose tununganimnik.

Numbers 16:10

ᴋanilertilaungmatillo, igvit ᴋatangutitillo ilûnaita Levib erningit ilagilugît? Ajoᴋertuineroneᴋ pinasuarᴋisiûktauᴋ?

Numbers 17:13

Ilûnatik Nâlekab tupingata ᴋanitanganut pijut toᴋolerput; ilûnata toᴋojuksauvitâ?

Numbers 17:3

Aroniblo atinga aglagaksarivat Levib ajaupianganut, atâtangita ᴋitorngarêngningita angajoᴋângit atunit ajaupiaᴋoteᴋartuksaungmatta.

Numbers 17:7

Mosesiblo ajaupiat torᴋorpait Nâlekab sângane kigligiutjineᴋtaliub tupingane.

Numbers 18:11

Tamadjalo pigijaksarivatit: tunergutingit isautijauᴋattartut, Israêlikut tunergutingit senervaiᴋitârtitat, tâpkoa tunivakka ilingnut ernernullo paningnullo ilagilutit, soᴋoserniangitomik pigênalârpase; ivsornaitut ilûnatik iglungnêtut tâpkonangat nerrijuksauvut.

Numbers 3:6

Aronib kinguvângit maungautikit pitilugillo Aronib ajoᴋertuijôjûb sânganut, kivgartorᴋovlugit tâpsominga.

Deuteronomy 10:8

Neliutomelo tâpsomane Nâlekab kinguvârêt Levikut ingmikôrtipait akigarᴋovlugit Nâlekab angerᴋatigêngnerijangata iklervinganik, nangerᴋovlugillo Nâlekab sângane tâmna kivgartorlugo, saimarsaiᴋovlugillo tâpsoma atingane, uvlome tikidlugo.

Ebrêerinut 13:17

Ajoᴋertortise nâleklugillo malingniarsigik; udsertormatta tarnipsingnik, akiortuksauvlutik tâpkoa pivlugit; taimailiorᴋovlugit ᴋuviasuklutik, anersauminatik; tamanna idluatsangimat ilipsingnut.

Ebrêerinut 4:15

Ajoᴋertuinerôjoᴋanginapta ilapsugosugungnangitomik ajulerniptingnik, ilûnânele ôktortaumajomik uvaptitut, ajorneᴋaranele.

I Pêtrusib 2:24

Tâpsoma nangmineᴋ ajornivut timimine pitipait ᴋejungmut, idluitulinermit toᴋungalerᴋovluta, idluarneᴋ inôniarvigilugo. Tâpsoma ikkinginut inûlijauvose.

Idluarsaijut 17:12

Michablo Levite saimarsarpa, ajuᴋertuijoᴋovlugo tapsomunga; taimaglo Michab iglunganêtuarpok.