Numbers 17:5 - Labrador Inuttitut Heritage Bible

⁵ Annerilârtamalo ajaupianga nutaijôlârpoᴋ, Israêlikullo oᴋarnilungningit sâmne sorairtilârpakka, oᴋarniluteᴋarningit iliptingnik.

Numbers 17:5 Iomraidhean Croise

II Kronika 26:16

Sôngoleramele omattinga piojorilerpok asserortaujutiksaminut. Idluitullivorlo Nalekamut Gudiminut, ailunelo Nalekab Tempelinganut, isserluanititsijomavlune isserluanititsiviub Altaringane.

Esra 2:62

Tapkoa sivurlimik abvakungita nippisiorutingit ᴋennerpait, nachvarlungilaillo; tamanna pivlugo ajochertuijoêrotilerput.

Imgerut 105:26

Tâpsoma kivgane Môse tillilaukpâ, Aron annerilauktane.

Exodus 16:7

Uvlâkullo takolârpose Nâlekab ivlernarninganik; tusarmat oᴋarnerlûtjinipsingnik Nâlekamut: Uvagugle sunauvinûk oᴋarnerlûtigaptigûk?

Jesaiase 11:1

Nutaijortomik nuijoᴋaromârpoᴋ Isaib kippanganit, akkeromiglo perortoᴋaromârpoᴋ amânganit.

Jesaiase 13:11

Sillaᴋsoarmiullo sugiaromavakka idluitulliningit pivlugit, idluitullo sugiaromavakka piungitulliningit pivlugit, pingijaitullo piojoriningat nungutitsomavara pimmariutertullo pingijainingat serᴋomitsomavara.

Jesaiase 27:6

Uvlune pijomârtune Jâko amâᴋaleromârpoᴋ Israêlelo perortuksaᴋalerlune siggileromârpoᴋ, nunaᴋsûb ᴋânga perortunik ullipkillugo.

Jesaiase 5:24

Tamanna pivlugo, sôrlo ikkomab ikkoalajub ivivinît nungungmagit, sôrlolo iviksukat pannertut ikkoalajut ochongmatta, taimaktauᴋ taipkoa amângat auniojomârpoᴋ nuvugulângillo sanniktut tiktaujomârput, ᴋilangmiugasaksuit Nâlegangata perᴋojangit kamagingimagit, ivlernartitublo Israêlikkune oᴋausingit nachogingmagit.

Hesekiel 16:41

Iglotillo ikitsomârpait ikomamut, pidlaromârlutillo arnagasaksuit sângine; assiniarungnaititsomârpagillo, tunitjijungnaituksaulârpotillo akkiliusianik kingorngane.

Hesekiel 23:27

Taimak kangunartulinitit sorairtitsomavakka ilingnit, assiniarnitillo neksartatit Egiptenemit; arlorungnaiᴋovlutit tâpkonunga, erᴋaumajungnaiᴋovlutillo Egiptenemik kingorngane.

Hosea 14:5

Mitsuksoatut ilingajomavunga Israêlemut, nuvugulâᴋtâlârpoᴋ paunaujaujârtotut, amânelo siamartilârpait Libanonetut.

Numbers 1:51

Tuperlo kigligiutjineᴋtalik nûtaugiaᴋarpat, Levikut kissimik nûgaksarivât, tuperlo aᴋiktaugiaᴋalermikpat, Levikut kissimik âᴋigaksarivât; takorngartablo ᴋanilerpago toᴋotaujuksauvoᴋ.

Numbers 11:1

Inugiartoksuillo oᴋaluᴋivut, piungitunik oᴋauseᴋarlutik Nâlekab siutinginut; Nâlekablo tamanna tusarmago ningaumajâdlarpoᴋ; Nâlekablo ikomanga ikoâlavoᴋ tâpkoa akorngane, nungutsilunelo tangmârviub issunginêtunik.

Numbers 16:11

Tamanna pivlugo igvit ilagijatillo ilûnatik kativose Nâlegaᴋ akkerartoromavlugo; Aronelo kinauvâ oᴋarnilutigigapsiûk?

Numbers 16:5

Koralo ilangillo ilûnaita oᴋarvigilugit oᴋautivait: ᴋauppat uvlâkut Nâlegaᴋ nelonaijailârpoᴋ kikut perᴋutigimangâgit, kinalo ivsornaimangât, kikullo najorniᴋojaungmangâta tâpsominga; annerijane, ilâ, najorniᴋolârpâ tâpsominga.

Numbers 17:10

Nâlekablo Mosese oᴋautivâ: Aronib ajaupianga utertiuk kigligiutjineᴋtaliub sânganut, piulimajauᴋovlugo nelunaikutaksauvlune pikablâdlartut ᴋitornganginut, sorairtitisiᴋovlugit tâpkoa oᴋarniluteᴋarninginik uvamnik, toᴋoᴋonagit.

Numbers 17:6

Mosesiblo Israêlikut oᴋarvigivait, angajoᴋângitalo ilûnatik tunitjivigivât ajaupianik, angajoᴋât atunit ajaupiamik atautsemik atâtamik kinguvârêngningit maliklugit, tagva ajaupianik 12nik; Aroniblo ajaupianga tâpkoa ajaupiangita akornganêpoᴋ.

Numbers 17:8

ᴋaungmallo Mosese iterpoᴋ kigligiutjineᴋtaliub tupinganut, ahâglo, Aronib ajaupianga Levib kinguvârênginut ilingajoᴋ nutaijôlerpoᴋ, tungujoᴋsilunelo, nuvugulâᴋtârlarmelo, paungatârlarmelo inersimajunik.

I Korintemiunut 10:10

Avamudlarasetauk, sorlo taipkoa ilangit avamudlarmatta asserorsaijomullo toᴋotaulaukput.

Josua 4:7

Oᴋarᴋovluse tagva tapkonunga, ᴋannok Jordanib iminga avilaungmat Nalekab iklervingata sivorngagut, Jordanakut akkigartautillugo, ujarᴋat ukkua erᴋaumajaksauᴋovlugit soraijuitomik Israelib ᴋittornganginut.