Numbers 16:5 - Labrador Inuttitut Heritage Bible

⁵ Koralo ilangillo ilûnaita oᴋarvigilugit oᴋautivait: ᴋauppat uvlâkut Nâlegaᴋ nelonaijailârpoᴋ kikut perᴋutigimangâgit, kinalo ivsornaimangât, kikullo najorniᴋojaungmangâta tâpsominga; annerijane, ilâ, najorniᴋolârpâ tâpsominga.

Numbers 16:5 Iomraidhean Croise

Imgerut 105:26

Tâpsoma kivgane Môse tillilaukpâ, Aron annerilauktane.

Imgerut 115:10

Aronekut Nâlegak sungertutigilitsuk; tâmna ikajortigivât sappulutarilugolo.

Imgerut 65:4

Pilloridlarpok igvit annerijet, inneᴋarᴋojello iglorusingne. Namaksijautitigut iglovît, Tempeleᴋotivît perᴋutinginut.

Exodus 28:1

Aronelo angajuit erningillo ilagivlugit annerijaksarivatit ilingnut Israêlikut akornganit, kivgartorᴋovlugit uvamnut ajoᴋertuijôvlutik; Arone, Nadabelo, Abihulo, Eleâserelo, Itamârelo, Aronib erningit.

Exodus 28:41

Atijautitaksarivatillo angajungnut Aronemut erninginullo ilagivlugit; mingoaraksarivatillo, ivsornaitoᴋutautilugillo, ivsornaitilugillo, kivgartorᴋovlugit sâmne ajoᴋertuijônerme.

Exodus 28:43

Atijaujuksauvullo Aronemut erninginullo iteraikpata tupermut kigligiutjinelingmut, najornileraikpatalo tunerguservingmik kivgartoromavlutik ivsornaitovingme; idluinermik toᴋojutiksamik nangmarᴋonagit: tamanna maligaksaujuksauvok soraijuitok tâpsomunga kinguvânginullo tâpsoma kingorngane.

Jeremia 30:21

Ilamik ilangat angajoᴋârijomârpât, aulatsijingallo akunermingnit pijomârpoᴋ; ᴋaglititsomârpara, tâpsomalo tikilârpânga; kina ᴋoaᴋsângalungilâk uvamnôrlunê? oᴋarpoᴋ Nâlagaᴋ.

Jeremia 49:19

Ahâk, loevetut majuaromârpoᴋ Jordanib supininganit iniksamut aulatjairtomut; tuavitomigle ᴋemâtitsomârpara tâpsomangat; annerijaujorlo angajoᴋângortitsomârpara tâpsomunga; kina uvaptun ingmât? Kia naliuneᴋarᴋojomavângâ? Kinaunâlo mianersijoᴋ sâmne nangertuksâᴋ?

Jeremia 50:44

Ahâk, majuaromârpoᴋ loevetut Jordanib kutjerninganit iniksamut sôngojomut; erinesulungale ᴋemâtitsomârpakka tâpsomangat; annerijaujorlo angajoᴋângortitsomârpara tâpsomunga; kina uvaptun ingmât? Kia naliuneᴋarᴋojomavângâ? kinauvâlo mianersijoᴋ sâmne nangerungnartôᴋ?

Hesekiel 40:46

Igloarsuglo avunga sangmijoᴋ ajoᴋertuijunut tunerguserviub piksanginik udjertortunut ilingavoᴋ; tâpkoa Zâdokib kinguvârivait, tâpkoa kissimik Levib kinguvânginit najorniktuksauvut Nâlekamik, tâmna kivgartorlugo.

Hesekiel 43:19

Ajoᴋertuijut Levitit Zadokib kinguvângit sâmnêtuksat kivgartoromavlunga, oᴋarpoᴋ Nâlegaᴋ Nâlegaujoᴋ, tunitjivigijaksarivatit tuktuvârarmik tunergutiksamik ajortoêrutiksamik.

Hesekiel 45:4

Nunab ilanga tamanna ivsornaipoᴋ; ilingajuksauvoᴋ ajoᴋertuijunut, ivsornaitovingme kivgartortunut, najorniktut Nâlegaᴋ kivgartoromavlugo; tamanna iglungita inigijaksarijangit, ivsornaitoviub inigijanga ivsornaitoᴋ.

Leviticus 10:3

Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.

Leviticus 8:2

Aron erningillo ilagilugit tigukit, annorâllo, orᴋsôrlo mingoarutiksak, tuktuvâglo tunergutiksak ajoᴋêrutiksak, saugâglo angusâluk maggûk, amargaujarlo pubjusauteᴋangitomik niaᴋojaktalik;

Mâlaki 3:18

Uteromârpose tagva ulernairtuiluselo idluartullo idluitullo adsigêngininginik, Gudemiglo kivgartortut, tâpsomingalo kivgartolungitut adsigêngininginik.

Numbers 16:3

Katimavullo Mosesemut Aronemullo oᴋautilugiglo: Piojoriluarpotik, ilagêktoᴋsuit ilûnatik ivsornaimatta, Ilâ, ilûnamaritik, Nâlegarlo tâpkoa akornganêpoᴋ; suna pivlugo tagva angijorortikitîk iliptingnik Nâlekab ilagêktitanginît?

Numbers 16:6

Imailioritse: Tigusileritse pujôrtitsivipsingnik, Kora ilangillo ilûnatik;

Numbers 17:5

Annerilârtamalo ajaupianga nutaijôlârpoᴋ, Israêlikullo oᴋarnilungningit sâmne sorairtilârpakka, oᴋarniluteᴋarningit iliptingnik.

Numbers 17:8

ᴋaungmallo Mosese iterpoᴋ kigligiutjineᴋtaliub tupinganut, ahâglo, Aronib ajaupianga Levib kinguvârênginut ilingajoᴋ nutaijôlerpoᴋ, tungujoᴋsilunelo, nuvugulâᴋtârlarmelo, paungatârlarmelo inersimajunik.

Johannese 15:16

Anerilaungilapsinga, anerilauᴋpapsele, isumagivluselo, paungaᴋariartorᴋovluse, paungaᴋarniselo soᴋoserᴋonago; Atâta tuksiarvigigupsiuk atimne, tamattominga tunijerᴋovlugo ilipsingnut.

Apostelit Piniarningit 1:2

Uvloᴋ taimna ᴋongmuartitauvinga tikidlugo, Apostelit Anernikut ajunginikut anerijane piniaraksanginik oᴋautijarêramigit.

Apostelit Piniarningit 1:24

Tuksiarlutiglo oᴋarput: Nâlegak, inuit ilûnamatsiatik ômatinginik ᴋaujimajotit, nalonairuk, ukkungnangat maggungnit naliaᴋ aneringmangângne,

Apostelit Piniarningit 13:2

Tâpkoa Nâlekamik kivgartortilugit nerritailivlutik, Anernek ajunginek oᴋarpok: Barnabaselo Sauluselo ingmigolingatilersigik, piniarnermut tamattomunga anerilaurapkik.

Apostelit Piniarningit 15:7

Akunille akkerartulaungmatta, Pêtruse nikovipok oᴋautilugillo: Ilipse angutit ᴋatangutigêt, ᴋaujimavose nutaujungnailertomik Gûde akunaptingne anerosulaurame, nalojut tusarᴋovlugit ᴋanimnit oᴋautsinik tusarnertunik, okperᴋovlugit.

Apostelit Piniarningit 22:14

Oᴋarporle: Atâtagijapta Gûdingata anerivâtit pijomajanganik ᴋaujititauᴋovlutit idluartotuamiglo takoᴋovlutit, nipemiglo tusarᴋovlutit, ᴋaninganit.

Efêsusemiunut 2:13

Mânale ilipse Kristuse Jêsusemêtose, sivorngane ungasiktomêlauᴋtose, ᴋanilerpose Kristusib aungagut.

II Timôteusemut 2:19

Gûdible tungavilianga sôngojok aulajungnangerpok, imaitomik nalunaikutalik; Nâlekab pine illitarivait; imaitomiglo: Kristûsib atinganik taisijok idluitulinermik atorungnairle.

Ebrêerinut 12:14

Ullapirsauteᴋarnermik ilûnainut pinasuaritse, ivsornainermiglo, tamattominga pinasuangitut Nâlegaᴋ takoniangimatsuk.

Takotitaunermik 1:6

Ataningortilutalo ajoᴋertuijungortilaukpâtigut Gûdemut Atâtaminullo: tâmna nertortaule ajugaunerôlunelo issoᴋangitomit issoᴋangitomut. Amen.

I Samuel 2:28

Annerilaukparalo tagvane uvamnut, Israelib ᴋittorngarêngninginit tamainit, ajochertuijônermut, tunnergutiksanik tunijijuksaungmat Altareᴋotimne, isserluanitiksaniglo ikkitsilune, ikkialijarlunelo sâmne; tunnijilaukpungalo atâtagijavit iglunganut Israelib ᴋittorngangita ikkomanginik tamainik.