Numbers 16:22 - Labrador Inuttitut Heritage Bible

²² Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?

Numbers 16:22 Iomraidhean Croise

Genesis 18:32

Oᴋarporlo: Ningarniarnaktôᴋ, Nâlegaᴋ, tamattomanênaᴋ oᴋarniarama sulle: Tagvane tellimaujortut nagvârtaungikunik? Oᴋarporle: Tallimaujortut pivlugit asseroromangilakka.

II Samuel 24:1

Nalekablo ningaumajarninga illungertulerlaurivok ama Israelitinut, Davidelo ᴋajungersarpa tapkoa akkorngane, oᴋarᴋovlugo: Ailerit, Israelitillo Judakullo kittijartorkit.

II Samuel 24:17

Davidible Engele innugatsoarnik toᴋᴋotsijok takkogamiuk, oᴋarpok Nalekamut: Ahâk, uvanga idluitullilaukpunga, uvanga idluitullinermik ominga piniarlaukpunga; sunamik saukat ukkoa pinniarlauᴋât? Aggaktit torarlit uvamnut akkerartorlunga, atâtamalo iglunganut.

Hiobe 12:10

Aggangminêtoliub inôjut tamaita tarninginnik, uviniggillo tamaita attunit annerninginnik?

Imgerut 99:6

Mose Aronelo ajochertuijungita akkorngane, Samuelelo taipkoa akkorngane attinganut niplialauktut; Nâlekamut niplialaukput, tâpsomalo tussarpait.

Okaluktok 12:7

Sannerlo ama nunamut pilermiᴋârtinago sôrlo illingalaurame, annernerlo Gûdemut, tunnijilauktomut tâpsominga.

Jesaiase 57:16

Sugiaromangilanga nâksaungitomut, ningaumajâromanangalo soraijuitomik, anernerit perlerajarmatta kênama sângane tarnillo pingortitakka.

Jeremia 32:27

Ahâk, Nâlagauvunga, uvinilît ilûnatik Gudingat; ajornartoᴋarᴋâ uvamnût?

Jeremia 38:16

Taimaimat ataniub Zedekiab angigutjivlune Jeremia angervigivâ, oᴋarlune: Sorlo Nâlagaᴋ tarneᴋartitsijoᴋ ukkuninga ômarmat, toᴋotsomangilagit, tunijomangilagillônêt inôsernik pinasuartut makkoa agganginut.

Hesekiel 18:4

Ahâk, tarnit ilûnaita pigivakka; sorlo atâtab tarninga taimaktauᴋ ernerub tarninga pigivara; tarnelo idluitulijok toᴋojuksauvoᴋ.

Leviticus 10:6

Mosesiblo Aron ernîgiglo, Eleasare Itamarelo, oᴋautivait: Nessairniarase annorâselo aliktorniarasigik, toᴋoᴋonase, ilagêllo ilûnaita ningarvigilugit perᴋonago; ᴋatangutisele Israêlekut ilûnatik ᴋugviorlit ikitaunek Nâlekab ikitavininga pivlugo.

Leviticus 4:3

Ajoᴋertuijok mingoartaumajok idluitulikpat inugasaksuit sinaungajutauninginut; ajornine piniarnerijane pitjutigellugo tunergusertuksauvok tuktuvangmik inôtsungmik ᴋanoêtoᴋangitomik Nâlekamut ajoᴋêrutiksamik.

Saggaria 12:1

Oᴋausek oᴋumaitok Nâlekab oᴋauserijanga Israêle pivlugo. Imâk oᴋarpok Nâlegak, ᴋilangmik isivitsijok, nunamiglo tunganilêjok, inûblo anerninganik ilumigijanganik pingortitsijok:

Numbers 14:5

Moseselo Aronelo kênatik pûlugik pâmangavuk Israêlikut ilagêktoᴋsuit katimajut ilûnatik sângine,

Numbers 16:23

Nâlekablo Mosese oᴋarvigivâ, oᴋarlune:

Numbers 16:4

Mosesiblo tamanna tusaramiuk pâmakterpoᴋ;

Numbers 16:45

Nûsâritik ilagêktoᴋsuit akornganit, nungutsiᴋovlunga tâpkoninga tagvainaᴋ. Pâmakterpuglo.

Numbers 27:16

Nâlekab uvinilit ilûnatik anerningita Gudingata angut angajoᴋaujuksaᴋ ilagêktoᴋsoarnut anneriliuk,

Rômiunut 5:18

Taimaimat, sorlo atautsib idluitulininganut sutainartoᴋ inungnut tamainut pingmat, taimaktauᴋ atautsib idluarninganut inuit ilûnaita idluarsititaulerput inôniarlutik.

I Korintemiunut 13:7

Tamainik erᴋasungilak, tamainik okperpok, tamainik nerriukpok, tamainik ᴋenuersârpok.

Ebrêerinut 12:9

Atâtagijavut timiptigut sugiartigilauraptigik ileragilugillo, tagva piluartomik tarnib atâtanga nâlegaksaringilavût, inôᴋovlutâ?

Josua 22:18

Illipselo uvlome sangulerpose Nalekamit, uvlomelo Nalegak ᴋemakpasse, uvlome ᴋaupallonêt ningaumajalerᴋovlugo Israelib illagêngningit illunaita pivlugit.