Numbers 15:4 - Labrador Inuttitut Heritage Bible

⁴ Tunitjijomajoᴋ tunergutimik, tunitjijuksauvoᴋ Nâlekamut senaugatsiarmik efab tellimaujoanik akusimajomik orᴋsumut hinib sitamaulimajûb sitamanganik;

Numbers 15:4 Iomraidhean Croise

Esra 7:17

Tamakkoa tamaita tigukit, attaruilivlutillo pissiniarit kênaujanut tapkonunga, tuktuvângnik angusallungnik, saukaniglo angusallungnik, saugârsungniglo, tunnergutiksaniglo nerᴋiksanik, tunnergutiksaniglo immiksanik, tunnergutauᴋovlugit Altareme Gudipse iglunganêtome Jerusaleme.

Exodus 29:40

Saugârsuglo aipâ ilagivlugo sanaugarmik îfab tallimaujoanik akkusimajomik orksumut kaugaktamut hinib sitamanganik; vainemiglo hinib sitamanganik tunergutiksauvlune imiksamik.

Jesaiase 66:20

Kattangutiselo tamaita nallojunit tamainit tamaungartitsomârpait, tunergutiksarivlugit Nâlekamut, horsikut ᴋemuksikullo akkerautîkkullo horseojârtokullo kamêlikullo Jerusalemut, ᴋaᴋᴋamnut ivsornaitomut, oᴋarpoᴋ Nâlegaᴋ, sôrlo Israêlikkut tunergutiksanik illuleᴋutine ivsornaitune ᴋaitsivangmatta Nâlekab iglunganut.

Hesekiel 46:14

Uvlâllo tamât tâpsomunga ilautitsijuksauvotit tunergutiksamik nerᴋiksamik, tagva êfab pingasôjortolimajub pingasôjortoanik, ilaᴋartilugo orᴋsumik hinib pingasôlimajub pingajuanik, senaugatsiab akkûtiksanganik; tamanna tunergut nerᴋiksaᴋ Nâlekamut sorairtuksaungitoᴋ perᴋojaᴋ soᴋosingitoᴋ maliklugo.

Leviticus 1:13

Erᴋaville niullo ergortoraksarivait imermut: ajoᴋertuijûblo tunergutigijaksarivâ ilûnât, ôtilugolo tunerguservingme: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 14:10

Uvlullo 8ingane tigusijuksauvok saugârsûngnik angutîngnik ᴋanoetoᴋangitûngnik maggûngnik, saugârsungmiglo arnarmik, atautsemik jârelingmik, ᴋanoetoᴋangitomik, atautsemik, sanaugatsiarmiglo ôktûtinik pingasunik, tunergutiksaujomik nerᴋiksaujomik, orksumut akusimajomik, orᴋsumiglo ôktûtib tatajutinganik.

Leviticus 2:1

Tunergusertoᴋarpallo tunergumik nerᴋiksamik Nâlekamut, tunergutiksaᴋartuksauvok sanaugatsiarmik, orᴋsumiglo koverijaksarivâ, ilijivigivlugolo tipitsiariksaumik:

Leviticus 2:15

Orᴋsumiglo pitatseraksarivatit, ilijivigilugillo tipitsiariksautiksamik: tunergutauvok nerᴋiksak.

Leviticus 23:13

Tâmnalo ilaᴋartuksauvok tunergutiksamik nerᴋiksamik sanaugamik piojomik efab tallimaujoa maggoertorlugo akusimatilugo orᴋsumut, tunergutiksamik ikomakut Nâlekamut tipitsiariksautiksamik; tunergutiksangalo imiksak vaineojuksauvok, hinib sitamanganik.

Leviticus 3:7

Saugârsuk tunergutigikpago, tunergutigijaksarivâ Nâlekab sângane.

Leviticus 6:14

Tamadjalo perᴋojat tunergutiksak nerᴋiksak pivlugo: Aronib erningita tunerguseraksarivât Nâlekab sângane, tunerguserviub sângane.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

Numbers 28:12

Senaugatsiarmiglo, tunergutiksamik nerᴋiksamik, efab tellimaujunginik pingasunik, orᴋsumut akusimajunik, tuktuvangmut atautsemut, senaugatsiarmiglo, tunergutiksamik nerᴋiksamik, efab tellimaujôgingnik maggûngnik, orᴋsumut akusimajûngnik, saugarmut atautsemut.

Numbers 28:4

Saugârsuk atauseᴋ tunergutiksarivat uvlâkut, saugârsûblo aipanga tunergutiksarivat unnukut;

Numbers 29:6

Tunergutiksaᴋ ôtaksaᴋ taᴋᴋêlaᴋsiut tapilugo, tunergutiksarlo ôtaksaᴋ soraijuitoᴋ, tâpsomalo tapiksanga tunergutiksaᴋ nerᴋiksaᴋ, tunergutiksarlo imiksaᴋ ilagilugo, ilusioᴋojaᴋ maliklugo, tipitsiariksauᴋovlugo, tunergutiksaᴋ ikomakut Nâlekamut.

Numbers 7:13

Tâpsomalo tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

Rômiunut 15:16

Jêsuse Kristusemik kivgartortuksaugama nalojut akorngane, Gûdib oᴋausingit tussarnertut oᴋâlatigivlugit, nalojut tunergutauᴋovlugit ᴋuviagijaujomik Gûdemut, ivjornaititauᴋovlugillo Anernermut ajunginermut.

Ebrêerinut 13:16

Avâgosungneᴋ aitortuinerlo puigorniarasigik; tunergutit taimaitut Gûdib ᴋuviagingmagit.

Idluarsaijut 9:9

Nappartuble orksuliub kiolune oᴋautivait: Orksuᴋarnera Gûdinut inungnullo nertortaujok uvamne, sapkotaksarivigo, ailungalo, ᴋollangiarᴋovlunga nappartut ᴋângine?