Numbers 15:30 - Labrador Inuttitut Heritage Bible

³⁰ Inugle pijârilune tapajoᴋ, nuname inûlertômangât tujormijangongmangâllônêt, tâpsoma Nâlegaᴋ naggogivâ; inuglo tâmna pêjartaujuksauvoᴋ inôᴋatime akornganit.

Numbers 15:30 Iomraidhean Croise

Genesis 17:14

Angullo kippimaneᴋangitoᴋ kippijaungipat uviningme amingata nuvuagut tâpsoma tarninga pêjartaujomârpoᴋ inôᴋatiminit, angernera tappagingmago.

Hiobe 38:15

“Idluitullijullo ᴋaumanermingnik aksârtauᴋovlugit, pimariutertullo tallingit nappijauᴋovlugit.

Imgerut 19:13

Kivgait sapputilauruk piojorijunnit, attanioterᴋonnagit uvamnut; tagva tammartovineᴋarniangilanga, passijaksaungitsainarniarpungalo idluitullinersoarnut.

Imgerut 69:9

Illungertornerub igluit pivlugo nungutimanga, oᴋauteᴋaluktullo illingnik oᴋarnerlungningita tupvigivânga.

Imgerut 74:18

Tagva erᴋailerittok, ômisuktib Nâlegak mamailisarmago, innuᴋattigêllo sillaitut attit oᴋarnerlotigingmatsuk.

Imgerut 74:22

Makkilerit Gûde, pinniaraksatillo pinniarkit; mamailisartaunek erᴋaruk, uvlut tamaita tukkisijat sillaitunnit.

Imgerut 79:12

Sillalivullo akkiniarkit ikkianginut 7 ertorlugit, mamailisainingit, mamailisaijutigilauktangit illingnik Nâlegak.

Imgerut 89:51

Omigijivît Nâlegak mamailisaijutigijanginnik, mamailisaijutigijanginik mingoarlauktavit tuminginnik.

Exodus 21:14

Inuble pijarellune saniline tikipago pingitsertorlune toᴋotsomavlugo, tâmna tigujaksarivat tunerguservimnit aglât, toᴋotauᴋovlugo.

Exodus 30:33

Nalliat akutsijok adsinganik, nallialônêt pititsijok tâpsoma ilanganik takorngartamut, avitaumariktuksauvok inôᴋatiminit.

Salomob Okâl 14:31

Aklujomik oᴋumaititsijub, tapsoma aklujub pingortitinga mitautigiva; aklujomigle napᴋiniktub Gûde opigivâ.

Hesekiel 20:27

Tamanna pivlugo, igvit inûb erninga, oᴋarit Israêlib ᴋitornganginut, oᴋautikillo: Imâk oᴋarpoᴋ Nâlegaᴋ Nâlegaujoᴋ: Tamattomanetauᴋ atâtapse mitautigivânga, tapagilaungmanga.

Leviticus 20:10

Nuliarêngnermik asseroijok assime nulianga atorlugo, Ilâ, nuliarêngnermik asseroijok inôᴋatime nulianga atorlugo, tagva nuliarêngnermik asseroijuk tamarmik toᴋotaujuksauvuk.

Leviticus 20:3

Uvangalo kênara sâtitsomavara inungmut tâpsomunga, inôᴋatimelo akornganit pêjaromavara; kinguvâme ilangat tunilaungmago Môlekemut, ivsornaitoviᴋotiga ivsornartilugo, atteralo opinartoᴋsôjok atornerluklugo.

Leviticus 20:6

Inuglo sangujok anernekullulingnut angakunullônêt ajortuliᴋatigijomavlugit, inungmut tâpsomunga ila kênara sâtitsomavara, pêjaromavaralo inôᴋatime akornganit.

Numbers 15:29

Perᴋojaᴋartuksauvose atausênarmik idluitulijoᴋ pijâringitomik pivlugo, nuname inûlertoᴋ Israêlikut akorngane pivlugo, tujormijarlo akunapsingne nunaᴋartoᴋ pivlugo.

Numbers 9:13

Inugle ivsornartitaungitoᴋ aularsimangitorlo uvloᴋsiorᴋatautailijorle uvloᴋsiorvingmik, tâmna avitaujuksauvoᴋ inôᴋatiminit; tunitjilaunginame Nâlekab tunergusiarijaksanganik neliutome perᴋojaujome, tâmna nangmartuksauvoᴋ idluinerminik.

Mattêuse 12:32

Inûblo Erninganik oᴋauteᴋaluktok issumagijaujungnainiarpok. Anernermigle ajunginermik oᴋauteᴋalûtilik issumagijaujungnainiangilak, naliutomelônêt tamattomane, naliutomelônêt pijomârtome.

Deuteronomy 1:43

Tamattomingalo oᴋautilauᴋpapse, tusâlungilasele; Nâlekable perᴋojanga tapagivase, pimariuterluselo majorarpose ᴋakᴋamut.

Deuteronomy 32:27

Omisuktit ningarosuktitaugiangit ilimagigapkit keta, ômigijingit issumertuilutik oᴋarajarput: Aggavut sulidlarput, Nâlekablo tamakkoa tamaita piniangilait.

Ebrêerinut 10:26

Mikseᴋârneᴋ illitariᴋârlugo, pijariluta idluituligupta, tunergutiksaᴋarungnairpogut tagva ajornerit pivlugit;

Ebrêerinut 10:29

Imaᴋâ, sugaluluartoᴋsoarmik pidlartaujutiksarsiniarasugivase (inuk) tullertoᴋ Gûdib erninganik, ivsornautigilugolo Testamentib aunga ivsornaijutigilauᴋtane, mitauteᴋartorlo Anernermik saimarsautaujomik.

II Pêtrusib 2:10

Sugaluluartomik uvinik maliklugo inôjut, ivsornartunik ikliguktut, nâlekaniglo nachojut, inungmik silasiujuitut, ingmingnik piojoridlartut, sajugatiglo atanionerit mitautigilugit;

I Johannesib 5:16

Naliata ᴋatangutini idluitulitilugo takoguniuk, idluitulingipat toᴋonartomik, tâmna tuksiarli; tagva (Jêsuse) tunijiniarpoᴋ inôtsimik taipkonunga, toᴋonangitomik idluitulilauᴋtunut. Idluiniᴋarpoᴋ toᴋonartomik, tamanna pivlugo tuksiartoᴋarᴋovlugo oᴋangilanga.

I Samuel 2:25

Kina idluitullikpat innungmut, tagva idluarsaijok âᴋiksoijungnarpok tamattominga. Kinale idluitullikpat Nalekamut, kia tuksiarutigijungnarᴋaûk? Nalelaungilâgle atâtamik nippinganik; Nalegak kajusilaungmat toᴋᴋotsomavlugik.

I Samuel 3:14

Tamanna pivlugo Elib iglunga oᴋautigimarilaukpara, Elib iglomiungita idluitulliningit tamakkoa ullapᴋosertaujuksaungimatta tunnergutiksanut, tunnergutiksanullonêt nerᴋiksanik soraijunane.