Numbers 15:29 - Labrador Inuttitut Heritage Bible

²⁹ Perᴋojaᴋartuksauvose atausênarmik idluitulijoᴋ pijâringitomik pivlugo, nuname inûlertoᴋ Israêlikut akorngane pivlugo, tujormijarlo akunapsingne nunaᴋartoᴋ pivlugo.

Numbers 15:29 Iomraidhean Croise

I Atannit 8:41

Takkorngartatauk nelliat, inuᴋotingnut Israelitinut illingalungitok, tikkilerangat nunamit ᴋaningitomêtomit atit pivlugo;

Exodus 12:49

Maligaksak tâmnatsainak ilingavok inûlersimajomut nuname takorngartamullo ilipsingne nunaᴋartomut.

Leviticus 16:29

Tamadjalo iluserijaksarivase soᴋosijuitomik, takᴋit seveningita uvlungita teningane tarnise nikanarsartitaksarivase suliaᴋartaililuselo sunamiglônêt, mânemiorlônêt tujormijarlônêt akunapsingnêtok;

Leviticus 17:15

Ilûnatiglo nerrijut ingminik toᴋojomik, aliktortaumajomiglônêt ômajomut, ilagijaselônêt ilagingitaselônêt, annorâne ergortoraksarivait, ubvarlunalo nangminerminik imermut, ivsornarniarlunalo unnuk tikidlugo; tungânalo sujungainiarpok.

Leviticus 4:2

Israêlib ᴋitorngangit oᴋarvigikit, oᴋarlutillo: Pijarenane idluitulijoᴋarpat Nâlekab inerterutingita nalianik, piniarpallo perᴋojaungitut ilanganik:

Numbers 15:15

Ilusiksaᴋ pitjutigivlugo, tâpsominagatsainaᴋ perᴋojaᴋartuksauvoᴋ ilipsingnullo tujormijanullo ilingajomik, perᴋojaᴋ soraijuitoᴋ kinguvângoᴋatigêngnipsingne; sôrlo ilipse pigapse, taimailingajuksaugivoᴋ tujormijaᴋ Nâlekab sângane.

Numbers 15:28

Ajoᴋertuijûblo idluitulijoᴋ ulapᴋoseraksarivâ, pijâringitomik idluitulilerpat Nâlekab sângane, ulapirᴋsartauᴋovlugo; issumagijungnaiviolârporlo.

Numbers 15:30

Inugle pijârilune tapajoᴋ, nuname inûlertômangât tujormijangongmangâllônêt, tâpsoma Nâlegaᴋ naggogivâ; inuglo tâmna pêjartaujuksauvoᴋ inôᴋatime akornganit.

Numbers 9:14

Takorngartarlo nunaᴋarpat akunapsingne, aularvik siorvingmiglo uvloᴋsiorᴋataujomavlune Nâlekamut, taimailiortuksauvoᴋ perᴋojaᴋ maligaksauᴋojallo aularviksiorvik pivlugo maliklugit; perᴋojatuaᴋartuksauvose takorngartarmullo nunamelo inûlertomut ilingajomik.

Lukase 12:48

Perᴋojanganigle ᴋaujimangitok, pinialauralloarame annaujaujutiksamik, ikitunik annnaujaujomârpok, Unuktunik tinitjiviojok, tâmna unuktunik ᴋenerviojomârpok; unuktuniglo perᴋojaujok, tâmna unuktunik ᴋaitserᴋojaujomârpok.

Josua 8:33

Israelitillo illuêngarlutik, angajoᴋajatik, aulatsijitiglo idluarsaijitiglo illagilugit nangerput iklerviub sanneragingne tamangne, ajochertuijut Levitillo Nalekab angersimaningata iklervinganik akkigartut sanginne, tujormijat illagijangillo, ketterᴋangit aipaingit ᴋaᴋᴋab Grisimemik attigub sanniane, aipaingillo ᴋaᴋᴋab Ebalemik attiggub sanniane, sorlo Mosese Nalekab kivganga sivorngane perᴋojilaungmat, innugasaksuit Israelitit saimartilugit.