Numbers 15:24 - Labrador Inuttitut Heritage Bible

²⁴ Piniarutaukpat pijâringitomik ilagêktoᴋsuillo ᴋaujitinagit, ilagêktoᴋsuit tunergusertuksauvut tuktuvârangmik atautsemik tunergutiksamik ôtaksamik, tipitsiariksautiksamik Nâlekamut, tunergutiksaᴋ nerᴋiksaᴋ ilaksanga ilagilugo, tunergutiksangalo imiksaᴋ, perᴋojaᴋ maliklugo, tuktungajomiglo angutimik tunergutiksamik ajortoêrutiksamik.

Numbers 15:24 Iomraidhean Croise

Esra 6:17

Tunnijivullo tunnergutinut Gudib iglungata attortautainarninganut, tuktuvângnik angusallungnik 100 dinik, saugârsungniglo 200 dinik, tuktungajuniglo angusalungnik 400 dinik, tunnergutiksamullo ajortoêrutiksamut Israelitit illuêngârlutik pivlugit tuktungajunik angusallungnik 12 nik, Israelib kinguvarêngita unnurningit malliklugit.

Esra 8:35

ᴋittorngallo parngnanairsortaumalauktut parngnanairsimavingmit uttersimajut, tunnijivut tunnergutinik ôtaksanik Israelib Gudinganut; tuktuvângnik angusallungnik 12 nik Israelitit illuengârlutik pivlugit, saukanik 96 nik, saugârsungnik 77 nik, tuktungajuniglo angusallungnik 12 inik, tunnergutiksamut ajortoêrutiksamut; illunatik tunnergutiksamut ôtaksamut Nalekamut.

Leviticus 23:19

Tunergusertuksauvoselo tuktungajomik angusâlormik atautsemik tunergutiksautilugo ajoᴋêrutiksamik, saugârsûngniglo angusâlûngnik maggûngnik atautsemik jârelîngnik tunergutiksautilugik ᴋujaliutiksângnik.

Leviticus 4:2

Israêlib ᴋitorngangit oᴋarvigikit, oᴋarlutillo: Pijarenane idluitulijoᴋarpat Nâlekab inerterutingita nalianik, piniarpallo perᴋojaungitut ilanganik:

Leviticus 4:22

Angajoᴋaksuit ilangat idluitulikpat, pijarenanalo piniarpat Nâlekab Gûdingata inerterutingita ilanganik, pasijaksaukpallo;

Leviticus 4:23

Ajorningalo piniarnerijanga nalonaijartaukpat tâpsomunga, ᴋaitsijuksauvok tunergutiksamik tuktungajomik angusâlormik ᴋanoêtoᴋangitomik;

Leviticus 5:15

Inuit naliat tamarlune idluitulikpat Nâlekamut tunijaujut ivsornaitut pitjutigilugit, ᴋaitsijuksauvok tunergutiksaminik pasijaksaungijutiksamik Nâlekamut, angusâlormik ᴋanoêtoᴋangitomik katimgajunit, akkitutigijomik sekelenik silberenik idluarijat maliklugo, ivsornaitoviub sekelinga maliklugo, tunergutiksauᴋovlugo pasijaksaungijutiksamik:

Leviticus 5:18

ᴋaitsijuksauvorlo ajoᴋertuijomut angusâlormik katimgajunit, idluarijat maliklugo, tunergutiksautilugo pasijaksaungijutiksamik; ajoᴋertuijûblo ulapirᴋsaraksarivâ idluininga nalovlune piniartanga pitjutigilugo, isumagijungnaiviolârporlo.

Numbers 15:23

Tamainik Nâlekab perᴋojanginik Mosesekut, uvlormit Nâlekab perᴋojivigitainartanganit ᴋaijomârtomelo kinguvângoᴋatigêngnipsingne;

Numbers 15:26

Israêlikullo ilagêktoᴋsôningit ilûnaita issumagijungnaiviolârput, tujormijarlo tâpkonane nunaᴋartoᴋ, inugiartoᴋsuit pitjutigivlugit piniarutaulaungmat pijâringitomik.

Numbers 28:15

Tuktungajorlo angusâloᴋ atauseᴋ tunergutaujuksauvoᴋ ajortoêrutiksamik Nâlekamut; tapiksaujuksauvoᴋ tunergumut ôtaksamut soraijuitomut tunergumullo imiksamut.