Numbers 15:21 - Labrador Inuttitut Heritage Bible

²¹ Pubjusiapsingnit sivorlerpâmit tunitjijuksauvose issautijaksamik Nâlekamut kinguvângoᴋatigêngnipsingne.

Numbers 15:21 Iomraidhean Croise

Nehemia 10:38

Ajoᴋertuijorlo Aronib erninga, Levitinut illaujuksauvok Levitit tallimaujoanik tiguleraikpatta, Levitit tallimaujoaᴋotimik tallimaujoanik âtsiᴋovlugit takpaunga Gûdipta iglunganut innenut perᴋotitalingmêtunut.

Exodus 23:19

Nunavit perortungita sivorlerpângita ânanaunerpângit âtaksarivatit Nâlekab Gûdivit iglunganut. Tuktungajoarak amâmaktok sulle igajaksarilungilat.

Exodus 29:28

Aroniblo erningitalo ningeksiarijaksarivait Israêlikunit maligaksakut soraijuitokut; tunergutaungmat isautijaujok ᴋongmut: Tunergutaujuksauvorlo isautijaujok ᴋongmut Israêlikunit, tunergutinginit ᴋujalijutinit tunergusertaujunit, llâ, tunergut isautijaujok ᴋongmut Nâlekamut.

Hesekiel 44:30

Sunatuinaillo pijariorutingita sivorlerpângit, tunijaujullo ilûnatik sunatuinaujut, tunergutise ilûnatik, ajoᴋertuijut pigijaksarivait; senaugapselo pijariorutingit tunijaksarivase ajoᴋertuijunut, saimanartoᴋ iniᴋatsainarᴋovlugo iglupsingne.

Leviticus 23:14

Nerrijuksaungilaselo niaᴋôjarmik, sanaugaksaniglônêt jarrasimajunik, tungujortaniglônêt, uvlok tâmna tikidlugo, ᴋaitsiᴋârtinase tunergutiksamik Gûdipsingnut: perᴋojak tamanna soᴋosijuitôvok kinguvârêngnipsigut iglupsingne tamaine.

Numbers 15:20

Pubjusiapsingnit sivorlerpâmit tunergusertuksauvose ᴋaᴋᴋôjarmik atautsemik tunergutiksamik issautijaksamik: sôrlo tunergutiksaᴋ issautijaksaᴋ katjugvingmit pijoᴋ issautigapsiuk, taimâk pubjusiaᴋ issautijaksarivase.

Numbers 15:22

Tammarupselo piniarlugaselo perᴋojanik makkoninga tamainik Nâlekab oᴋautigijanginik Mosesemut,

Numbers 18:26

Levikut oᴋarvigijaksarivatit oᴋautilugillo: Tigusigupse Israêlikut perᴋutingita tellimaujoanik kingormgutijaksautitamnik ilipsingnut tâpkonangat, tunitjijuksauvose ilanganik, tellimaujoab tellimaujoanik, tunergutiksamik ᴋongmut isautijaksamik Nâlekamut.