Numbers 15:20 - Labrador Inuttitut Heritage Bible

²⁰ Pubjusiapsingnit sivorlerpâmit tunergusertuksauvose ᴋaᴋᴋôjarmik atautsemik tunergutiksamik issautijaksamik: sôrlo tunergutiksaᴋ issautijaksaᴋ katjugvingmit pijoᴋ issautigapsiuk, taimâk pubjusiaᴋ issautijaksarivase.

Numbers 15:20 Iomraidhean Croise

Nehemia 10:37

ᴋakᴋojaksaptalo innerᴋârtungit, tunnergutiksaptalo sivurlingit, nappârtullo tamaita paungâlungit, Weineliksallo iptingit, orksuglo innerᴋârtut âtsomagaptigik ajoᴋertuijunut inninut Gûdib iglunganêtunut; nunaptalo tallimaujoanik Levitinut, Levitit tallimaujoanik peᴋarᴋovlugit iglugasaksoaptingne perorsêviktalingne tamaine.

Exodus 23:19

Nunavit perortungita sivorlerpângita ânanaunerpângit âtaksarivatit Nâlekab Gûdivit iglunganut. Tuktungajoarak amâmaktok sulle igajaksarilungilat.

Exodus 34:26

Nunavit paungangita sivorlît sivorlerpângat ᴋaitaksarivat Nâlekab Gûdivit iglunganut. Tuktungajoarak, sule amâmaktok, igajaksarilungilat.

Hesekiel 44:30

Sunatuinaillo pijariorutingita sivorlerpângit, tunijaujullo ilûnatik sunatuinaujut, tunergutise ilûnatik, ajoᴋertuijut pigijaksarivait; senaugapselo pijariorutingit tunijaksarivase ajoᴋertuijunut, saimanartoᴋ iniᴋatsainarᴋovlugo iglupsingne.

Leviticus 2:12

Tunergutauvlutik pijariorutit tunijaksarivase Nâlekamut: tipitsiariksarilugille ᴋaitaujuksaungilat tunerguservingmut.

Leviticus 2:14

Tunergutimiglo nerᴋiksaujomik pijariorutinit tunerguseromaguvit, tunergusertuksauvotit nerᴋiksaujomik sanaugaksanik sulugainermêtunik jarasimajunik, sanaugaksanik serᴋalisimajunik sulugainernit tungujortanit.

Leviticus 23:10

Israêlib ᴋitorngangit oᴋarvigikit, oᴋautilugillo: Tikisimagupse nunamut tunijomârtamnut ilipsingnut, katersoigupselo perutsianginik, katersortapse pijariorutit ᴋepitaumajut sivorlerpângat âtaksarivase ajoᴋertuijomut:

Leviticus 23:20

Ajoᴋertuijûblo sanervaiᴋitârtitaksarivait niaᴋôjâk pijariorutik ilagilugik tunergutiksautilugit sanervaiᴋitârtitaksak Nâlekab sângane, saugârsûk ilagilugik; ivsornaituksauvut Nâlekamut ajoᴋertuijomut ilingatilugit.

Numbers 15:21

Pubjusiapsingnit sivorlerpâmit tunitjijuksauvose issautijaksamik Nâlekamut kinguvângoᴋatigêngnipsingne.

Numbers 18:12

Orᴋsorlo pionerpâk, vaineliksablo paungangita iptingat pionerpâk, senaugaksallo pionerpât, tâpkoa pijariorutingit tunijangit Nâlekamut, ilingnut tunimavakka.

Mattêuse 6:33

Gûdib nâlegauvinga idluarningalo pinasuarᴋârsigik, tagva tunitjivioniarpose tamakkoninga tamainik.

Rômiunut 11:16

(Sanaukab sanamajub) sivorlerpângat ivjornaikpat, niaᴋôjaksaᴋtauᴋ ilûnane ivjornainivoᴋ; amârlo ivjornaikpat, akkerungittauᴋ ivjornainivut.

I Korintemiunut 15:20

Mânale Kristûse toᴋungajunit makisimavok, sivorlerpângovorlo sinisimajut akornganit.

Deuteronomy 14:22

Karngasortavit unuksiningita tallimaujungit ilûnaita, perorsêvingme perortut jârit tamât, ingmikôrtitaksarivatit.

Deuteronomy 14:23

Nerrijuksauvotillo Nâlekab Gûdivît sângane, inime tâpsoma annerijangane atterminut iniksauᴋojangane, senaugaksavit, vaineᴋotivillo, orᴋsuᴋotivillo tellimaujunginik, tuktuvaᴋotivillo saugakotivillo pijariorutinginik, iliniarᴋovlutit sivôranermik Nâlekamik Gûdingnik tamât.

Deuteronomy 16:13

Uvloksiorviglo tuperᴋarvingmik akkerᴋunik milukatalingnik uvloᴋsiorutigijaksarivat uvlunik sevenenik, katersoijarêruvit senaugaksat katjugvinganit vainiblo iptêjartaukinganit;

Jâkobusib 1:18

Issumaminik tâpsoma ernertârilaukpâtigut, mikseᴋârnerub oᴋausertanginut; sivorliojôᴋovluta pingortitanginit.

Takotitaunermik 14:4

Tâpkoa tagga, arnanut ipeᴋtotisimangitut; uigasôgamik, Saugârsuglo namut pijarangat malikpât. Tâpkoa pisiangovut inungnit sivorlerpângovlutik Gûdemut Saugârsungmullo.