Numbers 15:15 - Labrador Inuttitut Heritage Bible

¹⁵ Ilusiksaᴋ pitjutigivlugo, tâpsominagatsainaᴋ perᴋojaᴋartuksauvoᴋ ilipsingnullo tujormijanullo ilingajomik, perᴋojaᴋ soraijuitoᴋ kinguvângoᴋatigêngnipsingne; sôrlo ilipse pigapse, taimailingajuksaugivoᴋ tujormijaᴋ Nâlekab sângane.

Numbers 15:15 Iomraidhean Croise

Ester 9:27

Jûdit sokᴋosijuititsivut, illaliorlutiglo, pivlutik, kinguvaksatiglo pivlugit, ilûnaitalo pivlugit tapkonunga illingajomanajartut, attortautailiᴋonago uvlûk tapkoa uvloksioromavlugik, oktutiksak malliklugo, uvlungne nellonairsimajungne Jârine tamaine;

Exodus 12:14

Uvlorlo tamanna erᴋaumanartôjuksauvok ilipsingnut, naliuneᴋsiorutigijaksarivase Nâlekamut kinguvâpsigut; naliuneᴋsiorutigijaksarivase âᴋiksimajok soraijuitomut.

Exodus 12:24

Perᴋojak tamanna maligaksarivase ilusiorᴋojaujok ilingnut ᴋitorngapsingnullo soraijuitomik.

Exodus 12:43

Nalekablo Mosese Aronelo oᴋautivak: Tamadja maligaksaurᴋojak ᴋângerviksiorutiksamut: Takorngartaub ilangiutivigijaksaringilâ.

Exodus 12:49

Maligaksak tâmnatsainak ilingavok inûlersimajomut nuname takorngartamullo ilipsingne nunaᴋartomut.

Exodus 28:43

Atijaujuksauvullo Aronemut erninginullo iteraikpata tupermut kigligiutjinelingmut, najornileraikpatalo tunerguservingmik kivgartoromavlutik ivsornaitovingme; idluinermik toᴋojutiksamik nangmarᴋonagit: tamanna maligaksaujuksauvok soraijuitok tâpsomunga kinguvânginullo tâpsoma kingorngane.

Leviticus 24:22

Tâpsomingatsainak maligaksaᴋartuksauvose takorngartamut takorngartaungitomullo; Uvangaugama Nâlegak Gûdise.

Numbers 10:8

Aroniblo erningit, ajoᴋertuijut, tiptulausijartuksauvut; tamannalo maligaksaujuksauvoᴋ ilipsingnut soraijuitomik kinguvârêngnipsingne.

Numbers 15:14

Tujormijarlo nunaᴋalertoᴋ ilipsingne, kinaugaloarmangâllônêt kinguvângoᴋatigêngnipsingne, tunerguseromalerpat tunergutiksamik ikomakut, tipitsiariksautiksamik Nâlekamut; sôrlo ilipse piniarapse, taimailiortuksaugivoᴋ.

Numbers 15:29

Perᴋojaᴋartuksauvose atausênarmik idluitulijoᴋ pijâringitomik pivlugo, nuname inûlertoᴋ Israêlikut akorngane pivlugo, tujormijarlo akunapsingne nunaᴋartoᴋ pivlugo.

Numbers 18:8

Nâlekablo Aron oᴋautivâ: Uvanga, ahâk, uvanga tunergusiarijakka issautijauᴋattartut, Israêlikullo ivsornaititangit tamaita tunimavakka ilingnut, ilangiusiaksauvlutik mingoartauneᴋ pivlugo tunivakka ilingnut ernernullo, soᴋoserniangitomik pigênalârpase.

Numbers 9:14

Takorngartarlo nunaᴋarpat akunapsingne, aularvik siorvingmiglo uvloᴋsiorᴋataujomavlune Nâlekamut, taimailiortuksauvoᴋ perᴋojaᴋ maligaksauᴋojallo aularviksiorvik pivlugo maliklugit; perᴋojatuaᴋartuksauvose takorngartarmullo nunamelo inûlertomut ilingajomik.

Galâtsiamiunut 3:28

Tagvane Jûdillônêt Grîᴋillônêt, tagvane kivgallônêt kivgaungitullônêt, tagvane angutillônêt arnallônêt adsigêngitoᴋangilat; ilûnase atausiogapse Kristuse Jêsuseme.

Kolossamiunut 3:11

Tamattomane pitsangilat Grîᴋillo, Jûdillo, kipimajullo, kipimangitullo, Grîᴋiungitullo, Skitillo, kivgallo, kivgaungitullo: Kristûsele tamaitaksoarnik tamaine pitôvok.

Josua 8:33

Israelitillo illuêngarlutik, angajoᴋajatik, aulatsijitiglo idluarsaijitiglo illagilugit nangerput iklerviub sanneragingne tamangne, ajochertuijut Levitillo Nalekab angersimaningata iklervinganik akkigartut sanginne, tujormijat illagijangillo, ketterᴋangit aipaingit ᴋaᴋᴋab Grisimemik attigub sanniane, aipaingillo ᴋaᴋᴋab Ebalemik attiggub sanniane, sorlo Mosese Nalekab kivganga sivorngane perᴋojilaungmat, innugasaksuit Israelitit saimartilugit.

I Samuel 30:25

Tamanna nalliutomit taimanganit kingornganelo illusiôlaukpok idluarniôlunelo Israeleme, uvlok tamanna tikkidlugo.