Numbers 14:9 - Labrador Inuttitut Heritage Bible

⁹ Kissiane Nâlegaᴋ pikablâviginiarasiuk, nunablo inungit erᴋsiginiarasigik; nerᴋiksatôjârmatta uvaptingnut; saputjauviksaᴋarungnaiput, Nâlekable ilagivâtigut; erᴋsiginiarasigik.

Numbers 14:9 Iomraidhean Croise

Genesis 48:21

Israêlelo Josefemut oᴋarpoᴋ: Takovarma toᴋolertunga, Gûdible illagijomârpâse uttertiluselo atâtapse nunanganut.

II Kronika 13:12

Ahâglo, uvagut illagivâtigut sivuniptingne, Gudib ajochertuijoᴋotingitalo, Trompetillo trompetesijautigijauᴋovlugit akkingerluse. Kittorgaujose Israelemut, akkerartorniarase Nalekamut atâtagijapse Gudinganut, sullinianginapse.

II Kronika 15:2

Tamna annivok Assa pachreartorlugo, oᴋautilâlo: Nalaksinga, Assa Judamiôjoselo, Benjaminemiôjoselo illunase! Nalekab illagivâse, illipse illagigapsiuk; ᴋennerniarupsiuglo tagva nachvartauᴋoniarpok illipsingnut; allarniarupsiugle, tagva allarniarivâse.

II Kronika 20:17

Illipse sorsugiariaᴋarniangilase pijoᴋartome tamattomane. Nangeriartortuinaritse, nangerluselo takkolerluselo Nalekab illagijipse piuliklerninganik, Judamiojose, Jerusalemiojoselo. Sivuraniarase maksujarniaraselo; ᴋaupat aularitse, pâriartorlugit, Nalekab illagivâse.

II Kronika 32:8

Talliub uviniôjub tamna aipariva, uvagulle Nalekab Gudipta illagivâtigut, ikajorluta, aulalugolo sorsungnivut. Innugasaksuillo Hiskiab Judakut attanningata oᴋausingit tattigivait.

Nehemia 4:14

Allakausijarpungalo parngnailerlungalo, oᴋarlungalo Erᴋanartunut angajoᴋaunerôjunullo, inugasaksoarnullo assinginut: Sivuraginiarassigik, Nâlegaksoarle erᴋsinartoksoak erᴋarsiuk, ᴋatangutiselo erniselo, paniselo, nuliaselo, igloᴋotiselo sorsugutigisigik.

Imgerut 106:24

Nunalo ivlernartok nachogilaukpât; oᴋausingit okperingilait.

Imgerut 121:5

Nâlekab sappumijarpâttit; Nâlegak tachalinerivat aggakpît tallerpikpît ᴋângene.

Imgerut 14:4

Idluitullijut illangallonêt mallugosugomangilak tamattominga? innuᴋotimnik nerrijut, innûgutigilugit, Nâlegarle nipliarvigingilât?

Imgerut 46:11

Nâlekab Zêbaotib illagivâtigut, Jakob Gûdinga sapputjigivavut.

Imgerut 46:7

Nâlekab Zêbaotib illagivâtigut, Jakob Gûdinga sapputjigivavut. Sêla.

Imgerut 46:8

ᴋaititse takkoluselo Nâlekab pinniarninginnik, nuname asserortaunermik taimaitomik pititsijub;

Imgerut 74:14

Igvit arvit niaᴋungit avârlugit serᴋomipâttit, tunnilugillo nerᴋiᴋsautilugit innugasaksoarnut sunaᴋajuitomêtunnut.

Imgerut 91:1

ᴋotsingnerpab sapputsiningata attânêtok, ajugaᴋangitublo tachalingninganêtsainartok:

Exodus 14:13

Mosesiblo inuit oᴋautivait: Sivôraniarase! ᴋikartuinaritse! Nâlekablo piuliklerninga nalonaijarniartanga uvlome pivluse takoniarlugo; Egiptenemiut takojase uvlome takojungnainiarapsigik isoᴋangitomut.

Exodus 33:16

Sunakulle ᴋaujijauniarᴋâ uvanga inuᴋotitillo saimaneᴋsigapta ijîkpit sângangne? Tamattomûnaulungilâᴋ, igvit ilagigaptigut? Taimâk aptersimaniarpogut, uvanga inuᴋotitillo, inungnit tamainit nunab ᴋânganêtunit.

Jesaiase 1:2

Kilait tussaleritse! nunalo kamatsialerit! Nâlegaᴋ oᴋarmat: Kitornganik inugoigalloarpunga nertornartitsivlungalo, tâpkoale tunnupânga.

Jesaiase 32:2

Angutit attunit illingajomârput sôrlo oᴋᴋoalineᴋ aᴋᴋunaᴋsoame, sôrlo sillaluilitaᴋ, sôrlo kôgvik imermik nuname ermgitome, sôrlo ᴋairtoᴋsûb tachalininga nuname pannertome.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Jesaiase 41:14

Sivoraniarnak, Jâko ᴋopergôjotit, Israêlikkut kattimgajose! Uvanga ikajorpagit, oᴋarpoᴋ Nâlegaᴋ. Ivlernartitoᴋ Israêlikkune piulijigivat.

Jesaiase 63:10

Taipkoale tappatovut, anerninga ajungitoᴋ sinaungasarlugo. Tamanna pivlugo ablatsângorlune akkerartulerpoᴋ taipkonunga, nangmineᴋ sorsukpoᴋ taipkonunga.

Jeremia 1:19

Unatarvigijomârpâtillo, sâlaginiangilâtille, ilingnênama, Nâlagaᴋ oᴋarpoᴋ, piulijomavlutit.

Jeremia 42:11

Babilonib ataninga sivôragijase, sivôraginiarasiuk; sivôraginiarasiuk, oᴋarpoᴋ Nâlagaᴋ; ilipsingnênama piulijomavluse, ᴋelujomavluselo tâpsoma agganginit.

Jeremia 48:45

Kemâsimajut nangerput Hesbonib taggaliningane nukkeᴋaratik; Hesbonemille ikoma anisimavoᴋ, ikoâlanerlo Sihonib ᴋerᴋânit, êsilutik Moabib terreᴋunginik, pikablajullo niaᴋungita kabjinginik.

Daniel 9:5

Idluitulidlarpogut takormôrlutalo, nitornangitomik piniarpogut oᴋautsarêdlutalo, sanguvluta aglât piᴋojarnit idluarijarnillo;

Daniel 9:9

Nâlekab Gudipta nâpkiningniᴋ issumagijungnainingnilo pigivâk; uvagulli tâpsomunga oᴋautsarêdlarpogut;

Numbers 13:30

Kâleble inuit nipoᴋsarpait Mosesib sângane, oᴋarlune: Takpaungalerta ingergainaᴋ nunalo perᴋutigilugo; sapilungimarigapta sâlagilugo.

Numbers 17:6

Mosesiblo Israêlikut oᴋarvigivait, angajoᴋângitalo ilûnatik tunitjivigivât ajaupianik, angajoᴋât atunit ajaupiamik atautsemik atâtamik kinguvârêngningit maliklugit, tagva ajaupianik 12nik; Aroniblo ajaupianga tâpkoa ajaupiangita akornganêpoᴋ.

Numbers 20:2

Ilagêktoᴋsuillo imeᴋangilat; katilerpullo Mosesemut Aronemullo.

Numbers 24:8

Gûdib aularutivâ Egiptenemit, nukkeᴋarporlo tuktuvaub nujoartûb nukkingatut: inôᴋatigêksuit ômigijine nungulârpait, sauningillo serᴋalilugit, puttôlârpait ᴋargjuminut.

Mattêuse 1:23

Ahâk, uigasuk singaijomârpok, ernermiglo ernijomârlune, Immanuêlemiglo atseraromârpât, atingata tukkinga imaipok: Gûde uvaptingnêtok.

Rômiunut 8:31

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

Deuteronomy 1:21

Ahâk, Nâlekab Gûdivit nuna angmarpâ sivunerne; takpaungarit piginiarlugolo, sorlo Nâlekab atâtagijavit Gûdingata oᴋautingmatit; sivôraniarnak kapiasudlarniarnaglo.

Deuteronomy 1:26

Ilipsele majoraromalaungilase, Nâlekable Gûdipse perᴋojanga tapagivase.

Deuteronomy 1:29

Oᴋautivapselo: Kapiasudlarniarase, sivôraniarasigiglo.

Deuteronomy 31:6

Sôngotitse maksuavluselo, sivôraniaraselo, kapiasûtiginiarasigiglo tâpkoa; Nâlekab Gûdivît nangminek ingergarᴋatigingmatit; tâpsomalo iperarniatsangilâtit, ᴋemangniangilâtillônêt.

Deuteronomy 31:8

Nâlegarlo nangmineᴋ sivunerne ingergarniarpok; tâpsoma ilaginiarpâtit, iperarniatsangilâtit, ᴋemangniangilâtillo; sivôranak, uimâlaniarnaglo.

Deuteronomy 32:42

Kargjukka aungmut tallatitsomârpakka, saviksoaralo nerrijuksauvok uviningmik; toᴋotat tigujallo aunginut, ômisuktillo angajoᴋângita niaᴋunginit.

Deuteronomy 7:18

Erᴋsigijaksaringilatit; erᴋaitsiartuksauvotit Nâlekab Gûdivît piniarnerilauᴋtanginik Faraomut Egiptenemiunullo tamainut;

Deuteronomy 7:21

Kapiasûtigijaksaringilatit; Nâlekab Gûdivît akunapsingnêngmat, Gûde angijok ileranadlartorlo.

Deuteronomy 9:7

Erᴋailerit, puigorniarnaglo, Nâlegak Gûdît ningarsâlaurangne sunaᴋajuitome; uvlormit aularkigijarnit nunamit Egiptenemit, tikiutinise tamaunga tikidlugo Nâlegak akkerartorpase.

Filippimiunut 1:27

Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

Josua 1:5

Kialonêt akkerartoraksaringilâtit inôsingne tamât. Sorlo Mosese aiparilaurapᴋo taimak aiparijomavagittauk. Kemagomangilagit aularviginaglonêt.

Josua 14:12

Tagva tunnitsivigilaunga manna ᴋaᴋᴋanik ukkuninga, Nalekab oᴋautigilauktanginik uvlorme taipsomane; igvit tussarlaurangne uvlorme taipsomane. Enakimit nunaᴋarmatta takpâne, iglugasaksoaᴋarlutiglo angijunik songojuniglo; Nalekab illaginiarmangangma, aulartitsiᴋovlunga tapkoninga, sorlo Nalegak oᴋalaungmat.

Idluarsaijut 1:22

Taimaktauk Josefib ᴋitorngangit takpaungarlaukput Bethelemut, Nâlekablo ilagivait.