Numbers 14:2 - Labrador Inuttitut Heritage Bible

² Israêlikullo ilûnatik oᴋaluᴋivut Mosesemut Aronemullo; ilagêktoᴋsuillo ilûnatik oᴋautivakit: Sinaungamêk toᴋolaunginapta Egipteneme! Sinaungamêglônêt toᴋolaunginapta sunaᴋajuitome tamattomane!

Numbers 14:2 Iomraidhean Croise

I Atannit 19:4

Tamnâle sunaᴋajuitomut aivok ingmeriaktut ᴋaningitigijomik, tikkiporlo ingilunelo kigutangernaujaᴋutit, attânut, tuksiarporlo toᴋonerminik, oᴋarlunelo: Nâmaksivok, taimâk mânna Nâlegak tarniga tigulauruk; nekkornersaulungilanga atâtagijamnit.

Hiobe 3:11

Sôg toᴋolaungilanga anânab timinganit? Sôg anernêngilaungilanga, igliamit annitualaurama?

Imgerut 106:24

Nunalo ivlernartok nachogilaukpât; oᴋausingit okperingilait.

Imgerut 106:25

Oᴋaloᴋivullo tuppermingne; Nâlekab nippinga nâlalaungilât.

Imgerut 106:45

Erᴋaumalaukporlo pivlugit angersimanerminik, ᴋaᴋᴋialerporlo pitsiartoksônine malliklugo.

Exodus 14:11

Mosesemullo oᴋarput: Iluviksaᴋangimat Egipteneme aularutivitigût sunaᴋajuitome toᴋorᴋovluta? Sôk taimailiorvigivitigût, aularutiluta Egiptenemit?

Exodus 15:24

Inuillo Mosese oᴋarnerlûtivât, oᴋarlutik: Sumik imerniarᴋitâ?

Exodus 17:3

Tagvanelo inuit ᴋêdlarput; inuillo Mosese oᴋarnerlûtivât, oᴋarlutiglo: Sôk Egiptenemit majoartipitigût, uvagut ᴋitorngavullo nergjutivullo toᴋotsomavluta ᴋêdlarnermut?

Jona 4:3

Taimaimat, Nâlegaᴋ, inôsera tigulauruktôᴋ uvamnit; nakuluarmat uvamnut toᴋoguma, inôgiarmit.

Jona 4:8

Seᴋinerlo nuingmat, Gudib kanangâᴋ ônadlartoᴋ atuinarupâ; seᴋinerublo Jônab niaᴋoa akkingmikpâ, tâmnalo ᴋaujimangerpoᴋ, ᴋilanârporlo toᴋogiarmik, oᴋarlune: Nakuluarpoᴋ uvamnut toᴋoguma, inôgiarmit.

Numbers 11:1

Inugiartoksuillo oᴋaluᴋivut, piungitunik oᴋauseᴋarlutik Nâlekab siutinginut; Nâlekablo tamanna tusarmago ningaumajâdlarpoᴋ; Nâlekablo ikomanga ikoâlavoᴋ tâpkoa akorngane, nungutsilunelo tangmârviub issunginêtunik.

Numbers 11:15

Taimailiorvigigumgalo, tagva toᴋolaungatôᴋ, ila, toᴋunga, saimaneᴋsiguma takkungne; tautugiaᴋarᴋonanga ajulernimnik.

Numbers 11:5

Erᴋaumavavut aulasakkat akkeᴋangitomik nerrilauᴋtavut Egipteneme; perutsiat kukumberit, melônillo, lîkillo, ᴋeanartullo, garlikillo;

Numbers 14:1

Ilagektoksuillo ilûnatik nipliadlarput ᴋaggudlarlutiglo; unnuarmelo tâpsomane inuit ᴋeadlarput.

Numbers 14:22

Inuit makkoa ilûnatik tautulauᴋtut ânanaunimnik nelunaikutamniglo piniartamnik Egipteneme sunaᴋajuitomelo, 10ertorlutigle pikablâviᴋartut uvamnik, nipigalo nâlengnago;

Numbers 16:13

Sunaulungilâᴋ tamaungautigaptigut nunamit imungmik igupsaujârtullo orᴋsuanik kôlingmit toᴋotsomavluta sunaᴋajuitome, mânalo angajoᴋâᴋsoangortitsomavlutit uvaptingnût?

Numbers 16:41

ᴋaungmalle Israêlikut ilagêktoᴋsôningita ilûnatik Moseselo Aronelo oᴋarnilutivakit, oᴋarlutik: Toᴋoᴋauvase Nâlekab inuᴋotingit.

Numbers 17:6

Mosesiblo Israêlikut oᴋarvigivait, angajoᴋângitalo ilûnatik tunitjivigivât ajaupianik, angajoᴋât atunit ajaupiamik atautsemik atâtamik kinguvârêngningit maliklugit, tagva ajaupianik 12nik; Aroniblo ajaupianga tâpkoa ajaupiangita akornganêpoᴋ.

Numbers 20:2

Ilagêktoᴋsuillo imeᴋangilat; katilerpullo Mosesemut Aronemullo.

Numbers 20:3

Inugiartoᴋsuillo akkerartorput Mosesemut, oᴋarlutiglo: Sinaungamêk toᴋoᴋataulaunginapta ᴋatangutivut toᴋomatta Nâlekab sângane.

Numbers 20:4

Sôᴋ Nâlekab ilagêktoᴋotingit âkigît sunaᴋajuitomut omunga, toᴋoᴋovluta tamâne, uvagut nergjutivullô?

Numbers 21:5

Inugiartoᴋsuillo Gûdelo Moseselo oᴋarnilutigivakit, Suna pivlugo tikiutivitigût Egiptenemit toᴋoᴋovluta sunaᴋajuitomê? Niaᴋôjaᴋangimat imeᴋangimallo, tarniptalo nerᴋiksalugasait makkoa ariupait.

I Korintemiunut 10:10

Avamudlarasetauk, sorlo taipkoa ilangit avamudlarmatta asserorsaijomullo toᴋotaulaukput.

Deuteronomy 1:27

Tupipsingnelo oᴋarnilutjivose, oᴋarluse: Nâlekab ômigidlarmatigut tikiupâtigut nunamit Egiptenemit, tunijomavluta Amorikut agganginut, asseroromavluta.

Deuteronomy 9:23

Nâlekablo aulartingmase Kades-barneamit, oᴋarlune: Takpaungaritse, nunalo tunimajara ilipsingnut pigilerniarsiuk; tagva Nâlekab Gûdipse perᴋojanga tapagilauᴋpase, okperilaungilaselo, nippingalo nâlengnago.

Ebrêerinut 3:16

Illangita tussaramitsuk, ningaᴋsaivut, ilûnatiungitorle, Môsesikut Egiptenemit aulalauᴋtut.

Jûdasib 1:16

Tâpkoa avamudlarlutik passiklitsainarput, ikligunitik maliklugit arvertarlutik; ᴋaningillo piblingaitunik oᴋâladlarput, adsigêngititsivlutik inungnik, perᴋutiniaromamut.