Numbers 14:19 - Labrador Inuttitut Heritage Bible

¹⁹ Inugiartoᴋsuit ukkoa idluituliningit issumagijungnailaukittôᴋ nâpkiningnivît angijoᴋsôninga maliklugo, issumagijungnainingnîllo inungnik makkoninga Egiptenemit mânamut maliklugo.

Numbers 14:19 Iomraidhean Croise

I Atannit 8:34

Tagva igvit tusalaurit ᴋillangme, isumagijungnailugillo inuᴋotivit Israelitit ajorningit, uttertiniarlaitalo nunamut atâtagilauktanginut tunnilauktarnut.

Imgerut 106:45

Erᴋaumalaukporlo pivlugit angersimanerminik, ᴋaᴋᴋialerporlo pitsiartoksônine malliklugo.

Imgerut 78:38

Tâmnale nâpkigosulaukpok, idluitullinerillo issumagijungnaipait, nungutailivailo; ningarninelo allartiᴋattarpâ, ᴋaningajarninelo illunât tuppaᴋolaungilâ.

Imgerut 85:2

Inuᴋotitit issumagijungnaivigilaukpâttit idluitullinermit, ajorningillo illûnaita ullilaukpâttit, Sêla;

Exodus 32:32

Mânnale idluituliningit isumagijungnairomagungne; pijomangikuville, pênga aglarangnit igvit aglaksimajarnit.

Exodus 33:17

Nâlekablo Mosese oᴋautivâ: Tamannatauk oᴋautigijat piniaromavara: saimaneᴋsigavit ijîngma sângangne, aterkullo ilitarigapkit.

Exodus 34:9

Oᴋarporlo: Saimaneksiguma ijîkpit sângangne, Nâlegak, Nâlekama ilagilitiguttôk; Inuit ukoa tapatojoksôngmata; idluitulinivullo ajornivullo isumagijungnailaukit, kingormgutijaksautitigullo ilingnut.

Jesaiase 55:7

Idluitub apᴋutigijane ᴋemakliuk, idluitullijublo issumagijane allarligit sâgiarlunelo Nâlekamut, tâpsoma nâpkigijomârpâ tagva, Gûdiptingnullo sâgiarle, tâpsoma angijomik issumagijungnairvigijomârpa tagva.

Daniel 9:19

Nâlegaᴋ, tusalaurit; Nâlegaᴋ, issumagijungnainilaurit; Nâlegaᴋ, naipitolaurit piniarlutillo; akunêdlarnak; nangminît pivlutit, Gudiga, iglugasaksoaᴋotitit inuᴋotitillo taijaungmatta attinut.

Amos 7:2

Imaiporlo: nunab iviksukangit nungulugit nerrijarêrmagit, oᴋarpunga: Nâlegak Nâlegaujotit, issumagijungnainilaurittôk; ᴋanok Jâko makitajungnalârᴋâ? Mikijôngmat.

Amos 7:5

Tagva oᴋarpunga: Nâlegak Nâlegaujotit, sorairlaurittôᴋ; ᴋanok Jâko makitajungnalârᴋâ? Mikijôngmat.

Jona 3:10

Gudiblo iliorningit takovait, sâgiarmatta apᴋotigijamingnit idluitunit; Gudiblo ᴋaᴋialerutigivâ idluitoᴋ oᴋautigilauᴋtane piniaromavlugo tâpkonunga, piniarnerilungilâlo.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Habakûb 3:2

Nâlegaᴋ, oᴋautaunît tusarpara, erᴋsivungalo; Nâlegaᴋ suliaksat ômartilaungmiuk jârit ᴋerᴋane; nelonaijaruk jârit ᴋerᴋane; ningarnermelo nâpkiningneᴋ erᴋaumalauruk.

Numbers 23:21

Idluitomik takolungilaᴋ Jakokune, tatitosarnermiglônêt Israêlikune: Nâlegaᴋ Gûdinga tâpsomanêpoᴋ, ataniublo ᴋaggudlarutauninga tâpkoa akornganêpoᴋ.

Jâkobusib 5:15

Tuksiarnerublo okperniliub ᴋanimajok inûliniarpâ, Nâlekablo makitiniarpâ; idluitulilaukpallo, issumagijungnaivioniarpok.