Numbers 14:18 - Labrador Inuttitut Heritage Bible

¹⁸ Nâlegaᴋ ᴋenuêdlarpoᴋ nâpkiniktoᴋsôvlunelo, issumagijungnainikpoᴋ ajornernik tapatonerniglo, pidlartailitsingitorle ᴋaᴋialerneᴋangitunik; atâtat idluitulininginik pidlarnikpoᴋ ᴋitorngane, ernerêt kingorlerêt pingajungit sitamangillo tikidlugit.

Numbers 14:18 Iomraidhean Croise

Nehemia 9:17

ᴋunulaukpullo tussarnermik, tattamnartullinitillo pinniarlauktattit erᴋarlaungilait, tettitosarlaukput angajoᴋâᴋartitsivullo ingmingnut utteromamut kivgaunermingnut keppeserlutik. Igville Gûdiga issumagijungnainilaukpotit, saimarviᴋalaukpotit, napkigosuklutillo, ᴋenuêdlalarpillo, napᴋoartoksôlaukpotit, ᴋemalaungilaillo.

Hiobe 21:19

Gûdib tâpsoma ᴋanoêninga komergutigivâ ᴋittornganginnut. Akkiniarniarpago, tagva tamna tukkisiniarpok tamattominga.

Imgerut 103:8

Nâlegak nâpkigosukpok, saimarveᴋarosuklunelo, ᴋenuêpok pitsiartoksôlarmelo.

Imgerut 108:4

Saimaveᴋarnît pingmat ᴋillaub îninga tikkidlugo, mikseᴋârnîllo nuvujat tikkiningit tikkidlugit.

Imgerut 109:14

Atâtagilauktangita idluitulliningit issumagijaulît Nâlekab sângane, anânangatalo ajorningit pêrtautaililît.

Imgerut 145:8

Nâlegak saimarveᴋarpok, nâpkigosuklunelo, ᴋennuêlunelo, pitsiarlunelo angijomik.

Imgerut 78:38

Tâmnale nâpkigosulaukpok, idluitullinerillo issumagijungnaipait, nungutailivailo; ningarninelo allartiᴋattarpâ, ᴋaningajarninelo illunât tuppaᴋolaungilâ.

Imgerut 86:15

Igville Nâlegak Gûd, nâpkigosukpotit, saimarvekarosuklutillo, ᴋennuêlutillo takopsoajoksôlutillo nertornartoksôlarpillo.

Exodus 20:5

Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:

Exodus 20:6

Nâpkiningnermigle sakᴋertitsivunga tausendeoᴋatartune nagligijimne perᴋojamniglo nâlaktune.

Jeremia 23:2

Tamanna pivlugo imâk oᴋarpoᴋ Nâlagaᴋ, Israêlib Gudinga, pairᴋsijut nerripkaijut inuᴋotimnik pivlugit: Siamartilauᴋpase saugaᴋotikka, ᴋemâtilugillo, takojartornagillo; ahâk, piniarnipse idluiningit akkiniarutigijomavakka ilipsingnut, oᴋarpoᴋ Nâlagaᴋ.

Jeremia 32:18

Nâpkiningnermik saᴋᴋertitsijotit tausandeoᴋattartunut, pidlarnikteojotillo atâtat idluitulingininik ᴋitorngangita sagvinginut, kingorngatigut pijunut; Gudemik angijomik pitsartujomiglo, Nâlakamik Zebaotemik atteᴋartotit;

Jeremiab Ogguarutigijangit 5:7

Atâtavut idluitulidlalaukput, itsungnaipullo; uvagullo idluituliningit erᴋsukpavut.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Numbers 14:17

Mânalo Nâlekab pitsartuninga angijororletôᴋ, oᴋauserilauᴋtat maliklugo, oᴋaravit:

Numbers 23:21

Idluitomik takolungilaᴋ Jakokune, tatitosarnermiglônêt Israêlikune: Nâlegaᴋ Gûdinga tâpsomanêpoᴋ, ataniublo ᴋaggudlarutauninga tâpkoa akornganêpoᴋ.

Rômiunut 5:21

Sorlo ajorneᴋ ataniotilaungmat toᴋokut, taimaktauᴋ saimaneᴋ atanioterᴋovlugo idluarsititsinikut inôtsemut nâksaungitomut (pititsivlune), Jêsuse Kristusikut Nâlegaptigut.

Deuteronomy 5:10

Nâpkiningnermigle saᴋᴋertitsivunga tausendeoᴋattartune nagligijimne perᴋojamniglo nâlektune.

Deuteronomy 5:9

Taimaitut tuksiarvigijaksaringilatit kivgartornagillo; uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine, uvamnik ômisuktune, ernerêt kingorlerêt pingajungit sitamangillo tikidlugit;

Deuteronomy 7:10

Omigijinele akkiniarpait sagvartomik, asseroromavlugit; kassunganiangilarlo ômigijiminut, akkinialârpâ sagvartomik.

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.