Numbers 14:14 - Labrador Inuttitut Heritage Bible

¹⁴ Tâpkoalo unipkautigilârpât nunab tamattoma inunginut, tusaumajunut igvit Nâlegaᴋ inuit ukkoa akornganêgavit; igvit Nâlegaᴋ takojaugavit kênarmit kênarmut, nuvujaᴋotivillo ᴋolangiarpait, igvit sivorlerpatit nuvujakut napajokut uvlôtilugo, ikomakullo napajokut unnuarme.

Numbers 14:14 Iomraidhean Croise

Genesis 32:30

Jakoblo nuna tamanna atserarpâ Pnielemik, oᴋarlune: Gûde takogapko kênarsivlugo, tarnigalo piulijauvoᴋ.

Nehemia 9:12

Uvloᴋarningane tessiorlaukpattit nappajome nuvujaujome, unnuaᴋarninganelo nappajome ikᴋomaujome, ᴋaumarlugit apᴋome ingerarvigijangane.

Nehemia 9:19

Sullele sunakajuitome ᴋemalaungilattit napᴋoatoksônit pitjutigilugo, nappajorlo nuvujaujok nulaungilak taipkonangat uvlotilûgo, tessiorlugit apᴋome, nappajorlonêt ikkomaujok unnuame, ᴋaumarlugit apᴋome ingergavigijangane.

Imgerut 105:39

Tâpsoma nuvuja issivilaukpâ ulliksauᴋovlugo, ikkomalo ᴋaumaiᴋovlugo unuarme.

Imgerut 78:14

Uvlôtillugo tassiulaukpait nuvujakut, unnuarmelo ikkomakut ᴋaumajokut.

Exodus 15:14

Inôᴋatigêksuit tusalârput sivôravlutiglo; kapiasungnerub Filisterit tigudlalârpait.

Exodus 33:11

Nâlekablo Mosese oᴋaᴋatigivâ kênarmit kênarmut, sorlo inub ilannârijane oᴋaᴋatigingmago. Uttilerivorlo tangmârvingmut: kivganele Josua, Nunib erninga, inôsuktok, anilungilaᴋ tupermit.

Exodus 33:16

Sunakulle ᴋaujijauniarᴋâ uvanga inuᴋotitillo saimaneᴋsigapta ijîkpit sângangne? Tamattomûnaulungilâᴋ, igvit ilagigaptigut? Taimâk aptersimaniarpogut, uvanga inuᴋotitillo, inungnit tamainit nunab ᴋânganêtunit.

Exodus 40:38

Nâlekab nuvujanga tupiub ᴋânganêngmat uvlôtilugo, ikomalo ᴋânganêngmat unuarme, Israêlikut ilûnnatik takoane, ingerganingat ilûnât nâvlugo.

Numbers 10:34

Nâlekablo nuvujangata ᴋolangiarpait uvlôtilugo, sivupiartormatta tangmârvingmit.

Numbers 12:8

Tâmna oᴋaᴋatigijomavara ᴋanermit ᴋanermut, tukisinartomik, adsiujoku-ungitorlo; sôᴋ tagva ilerasulaungilatîk kivgara Mosese oᴋarnilugvigilugô?

Johannese 1:18

Gûdemik takomajoᴋangilak. Ernetuab, Atâtab sarliartangata, tamattominga nelojungnaitilauᴋpâtigut.

Johannese 14:9

Jêsusib oᴋautivâ: Taimâk sivitutigijomik najorpapse, ilitaringilarmalô? Filippûse, uvamnik tautuktub Atâta tautukkivâ. Sôkle oᴋarᴋêt: Atâta takotitsuk uvaptingnût?

I Korintemiunut 13:12

Mâna ᴋemergovogut sorlo tachartûtikut, erginaisiordluta, pijomârtomele kênarmit kênarmut. Mâna ilitarsivunga ilainarnik, pijomârtomele ilitarsijomârpunga, sorlo ilitarijaugama.

Deuteronomy 1:19

Aulalaukpogullo Horebemit, sunaᴋajuitorlo tâmna angijok sivôranartorlo takojase tamât ingergarvigivlugo, Amorikut ᴋakᴋangit apᴋutigilugit, sorlo Nâlekab Gûdipta perᴋongmatigut, tikipogullo Kades-barneamut.

Deuteronomy 34:10

Taimangallo nelautaijomik Mosesetun-itomik, Nâlekab ilitarijanganik kênarmit kênarmut, makitokalungilak;

Deuteronomy 5:24

Oᴋarposelo: Ahâk, Nâlekab Gûdipta ânanaunine opinartoksôninelo takojautipâk uvaptingnut, nippingalo tusarpavut ikomab iluanit: uvlorme tamattomane takovogut Gûdib inuk oᴋakᴋatigingmago, inôngmallo.

Deuteronomy 5:4

Kênarmit kênarmut oᴋarvigilauᴋpâse ᴋakᴋame ikomab iluanit;

Josua 5:1

Amoriterit attanningit illunatik Jordanib akkiane kangiane nunaᴋalauktut, Kanaaniterillo attanningit illunatik tussaramik, ᴋannok Nalekab Jordanib iminga ipterilingatilaungmago, Israelib ᴋittorngangita sivorngatigut, akkianut tikkiᴋârtinagit, tagva omattingit mungungalerput maksoanaᴋarungnailunelo tapkonane, Israelib ᴋittorngangit pitjutigellugit,

I Johannesib 3:2

Nagliktakka, mâna Gûdib ᴋitorngarivâtigut saᴋᴋijârsimangilarlo sulli ilingajomârnivut. Kaujimavavulli saᴋᴋijârniarpat, adsiginiaraptigo; takoniaraptigo ilinganinga.