Numbers 13:33 - Labrador Inuttitut Heritage Bible

³³ Tagvanelo inukpait, Enakib erningit, inukpait kinguvângit, takovavut; ijiptalo sângine piglertaujartutitut ipogut, taimaipogullo tâpkoa ijingita sângine.

Numbers 13:33 Iomraidhean Croise

Genesis 6:4

Taipsomane nuname inukpaᴋarpoᴋ kingornganelo, Gûdib erningita inuit panningit nuliarigamigit ᴋitorngaᴋarlutiglo tâpkonangat; tamadja pitsartujoᴋsuit itsaᴋ tussaumajaudlartut.

I Kronika 11:23

Ullimarpâlotauk angut Egiptenemiok tallitut tallimatut takᴋitigijok, tigumiartorlo ᴋallugiarmik aggangminut umiab napârutangatut itomik. Tapsomale attersarlune aivigiva ajaupialijarlune, ᴋallugiarlo tiguva agganginit, nakterlâlo ᴋallugiaᴋotinganut nangminerijanganut.

Jesaiase 40:22

Tâmnauvoᴋ nunaᴋsûb angmalokitâb ᴋollâne inneᴋartoᴋ. Inungit piglertaujârtutitut illingavut (takpiksomunga). Kilangmik issivitaksatut issivitsivoᴋ tassiterlugo tuppersoatut, inûb iglogijaksangatut.

Numbers 13:22

Tâvungarput seᴋernganit tikilutiglo Hebronemut; Ahimanelo, Sesailo, Talmailo Enakib erningit tagvanêput. (Hebronelo igloliortaulauᴋpoᴋ jârit sevenit Zoanib Egiptenemêtûb sivorngane.)

Numbers 13:28

Kissiane inuit tagvane nunalit sângovut, iglugasaksoangillo avaluliorsimavut angijoᴋsôdlarlutiglo; tagvanelo takolauᴋpogut Enakib ᴋitornganginik.

Numbers 14:1

Ilagektoksuillo ilûnatik nipliadlarput ᴋaggudlarlutiglo; unnuarmelo tâpsomane inuit ᴋeadlarput.

Deuteronomy 1:28

Namungalerᴋitâ? ᴋatangutipta ômativut mungortipait, oᴋarlutik: Inuit tâpkoa sôngonersauvut anginersauvlutiglo uvaptingnit, iglugasaksuillo angijôdlarlutik avaluᴋarput ᴋilangmut tôᴋtunik; amalotauᴋ Enakib erningit takovavut tagvane.

Deuteronomy 2:10

(Emimikut itsaᴋ tagvane nunaᴋarput, inuit angijut pitsartujut, unuktut, takijut, sorlo Enakekutitut;

Deuteronomy 3:11

(Og, Bâsanib ataninga, kissime amiakotôvok inukpangnit; ahâk, iglinga kikiangovok; Rabamêngilâk, Amorikunê? Tallertut 9tut takitigivok, tallertullo sittamatut senimut, angutib tallinga ôktûtigilugo.)

Deuteronomy 9:2

Inuillo angijut takijullo, Enakekut erningit, ᴋaujimajatit, imâglo tusaumajatit: Kina nangerungnarᴋâ Enakib erningita sânginê?

Josua 11:21

Nalliutome taipsomane Josuab tikkilunelo Enakiterit (innukpait) pêjarpait ᴋaᴋᴋamit, Hebronemit, Debiremit, Anabemit, Judab ᴋaᴋᴋanginit tamainit, Israeliblo ᴋaᴋᴋamaringinit, nungutipaillo iglugasaksoangit illaliudlugit.

Josua 14:12

Tagva tunnitsivigilaunga manna ᴋaᴋᴋanik ukkuninga, Nalekab oᴋautigilauktanginik uvlorme taipsomane; igvit tussarlaurangne uvlorme taipsomane. Enakimit nunaᴋarmatta takpâne, iglugasaksoaᴋarlutiglo angijunik songojuniglo; Nalekab illaginiarmangangma, aulartitsiᴋovlunga tapkoninga, sorlo Nalegak oᴋalaungmat.

Josua 15:14

Kaleblo aulartipait tagvangat Enakib erningit pingasut: Sesai, Ahiman, Talmailo, Enakib ernertarilauktangit.

I Samuel 17:24

Angutille Israelitit nalliata angut tamna takkoguniuk ᴋemâjutigiva, sivoradlarlunelo.

I Samuel 17:42

Filistere manna takkosarame, Davidelo takkonârlugo pigame, nachogiva, nukapiangôngmat, aupalangajôvlune pinnarnarlunelo.