Numbers 13:26 - Labrador Inuttitut Heritage Bible

²⁶ Ingergalutiglo tikiput Mosesemut Aronemullo Israêlikullo ilagêktoᴋsoanginut, sunaᴋajuitomut Pâranemut, Kadesemut; unipkarvigivaillo tâpkoalo ilagêktoᴋsoangillo, takotilugillo nunab paunganginik.

Numbers 13:26 Iomraidhean Croise

Genesis 14:7

Uttermivlutiglo En-Mispat tikkipât, tagva Kâdes; Amalekiterillo nunangat ilûnât, taimaktauᴋ Amoriterit, Hâzazôn-Tâmame nunaᴋartut, sâlagivait.

Imgerut 29:8

Nâlekab nippingata sunaᴋajuitok koksalaktipâ, Nâlekab sunaᴋajuitok Kades koksalaktipâ.

Numbers 13:25

Uterpullo nunab nautsertortaugianganit uvlut 40 nângmatta.

Numbers 13:3

Mosesiblo tilivait sunaᴋajuitomit Pâranemit Nâlekab perᴋojanga maliklugo; ilûnatik angajoᴋauvut Israêlikune.

Numbers 20:1

Israelikullo ilagêktoᴋsuit iluengartut tikiput sunaᴋajuitomut Zinemut taᴋᴋit sivorlerpângane: inugiartoᴋsuillo tangmârput tagvane; Mirijamelo tagvane toᴋovoᴋ, tagvanelo iluvertauvoᴋ.

Numbers 20:14

Mosesiblo aᴋpârtuksat tilivait Kadesemit Edomib ataninganut: Imâk oᴋarpoᴋ ᴋatangutît Israêle, ᴋaujimavotit siorniornernik tamainik tikitigijaptingnik;

Numbers 20:16

Nâlegarlo nipliavigilauraptigo, nippivut tusarpait, engelelo tilivâ, tikiutitilutalo Egiptenemit; ahâglo, Kadesemêpogut, iglugasaksoarne nunavit erᴋâta kiglingane;

Numbers 32:8

Taimailiolauᴋput atâtase, tiligapkit Kades-Barneamit nautsertoriartorᴋovlugit nunamik.

Numbers 32:9

Majorarmatta Eskolib naᴋsanganut nunalo takolugo, Israêlikut ômatingit maksuajungnaitipait aijomajungnaiᴋovlugit nunamut Nâlekab tunijanganut tâpkonunga.

Numbers 33:36

Ezion-geberemillo aularput tangmârlutiglo sunaᴋajuitome Zineme, tamadja Kadese.

Deuteronomy 1:19

Aulalaukpogullo Horebemit, sunaᴋajuitorlo tâmna angijok sivôranartorlo takojase tamât ingergarvigivlugo, Amorikut ᴋakᴋangit apᴋutigilugit, sorlo Nâlekab Gûdipta perᴋongmatigut, tikipogullo Kades-barneamut.

Deuteronomy 1:2

Horebemit Kades-barneamut ᴋakᴋaak Seir apᴋotigilugo ingergarviosôngovok uvlunik 11nik.

Josua 14:6

Tagva Judab ᴋittorngangit ᴋaivut Josuamut Gilgaleme, Kaleblo Jefunib erningata Kenesikunit pijub oᴋautiva: ᴋaujimavotit kanoêtunik Nalekab oᴋauserilauktanginik, Mosesemut Gudib anguteᴋotinganut Kades-Barneame pivlunga, pivlutillo.

Josua 14:7

Jareᴋalaukpunga 40 ginik Mosesib Nalekab kivgangata tillilaungmanga Kades Barneamit, nuna nautsertoriartorlugo, oᴋautilaungmigapᴋolo issumagilauktakka malliklugit.