Numbers 12:11 - Labrador Inuttitut Heritage Bible

¹¹ Aroniblo Mosese oᴋautivâ: Kanoᴋtôᴋ, Nâlegara, ilijiviginiaratiguk ajornermik, silainartomik piniaramnuk idluituligamnuglo.

Numbers 12:11 Iomraidhean Croise

II Samuel 19:19

Oᴋarlunelo attannermut: Nalekama idluitullinermik tamattominga illingatiniarnangatôk, erᴋainiaranelo kivgavit idluitullivigilaungmatit uvlorme taipsomane, nalegara attannek annitillugo Jerusalemit, attaniublo omamiutariniarnagotôk.

II Samuel 24:10

Davidiblo omattinga tiglilerpok innugatsuit kittitaulauᴋârtillugit. Davidelo Nalekamut oᴋarpok: Angijoksoarmik idluitullilaukpunga, tamattominga pinnialaurama; mannalo Nalegak kivgavit idluitullininga pêjalauruk, sillaidlartomik pinniarlaurama.

I Atannit 13:6

Atannerlo kiovlune oᴋarpok Gûdib anguteᴋotinganut: Nâlekab Gûdivit kênanga ᴋenuvigiuktôk, tuksiutilungalo, aggakka âkiktauᴋovlugit. Tagva Gûdib anguteᴋotingata Nâlekab kênanga ᴋenuvigiva, atanniublo aggangit âkilerput sivurnganetullo îdlutik.

II Kronika 16:9

Nalekab ijikita nunat illunaita tautungmattigik, pitsartutitsiᴋovlugo tapᴋoninga, omamut tamânut ungajunik tapsomunga. Sillaitomik pinniarlaukpotit; tamanna pivlugo mannamit unatadlartoᴋarniarpotit.

Exodus 12:32

Naksarsigiglo saugaᴋotise nergjuteᴋotiselo, sorlo oᴋarapse, nippagitselo. Pilorirᴋosingalo uvangatauk.

Salomob Okâl 30:32

Silaidlalauruvit, pingijaidlalauruvillo idluitomiglo kajusimalauruvit, tagva passijuksauvotit nangminernik.

Jeremia 42:2

Oᴋarpullo Jeremiamut nalautaijomut: Kenunivut tôklerletôᴋ kênavit sânganut, Nâlagarlo Gudit tuksiarvigilauruk pivluta, amiakôjullo makkoa tamaita pivlugit; unuktôlauᴋtogut ikitôlerapta amiakôjogut sorlo ijîkpit takungmatigut;

Numbers 11:2

Inuillo ᴋaigarsudlarput Mosesemut, Moseselo tuksiarpoᴋ Nâlekamut, ikomalo ᴋammipoᴋ.

Numbers 12:12

Ilinganiaranetôᴋ toᴋungajotut, nungutaumajarêrmat uviningata ᴋopanga, anilertilugo anâname iglianganit.

Apostelit Piniarningit 8:24

Tagva Simon kiovoᴋ oᴋarlunelo: Iliptik Nâlekamut tuksiaritik pivlunga, oᴋautigijaptik naliallônêt uvamnut perᴋonago.

Takotitaunermik 3:9

Ahâk, Sâtanasib ajoᴋertuivianit illangit pitiniarpakka, oᴋartut Jûdionermingnik taimainatiglo, saglovlutigle pijut. Ahâk, iliorvigijomavakka tikerᴋovlugit, itikavît sânganut tuksiarlutik, illitarsiniarlutiglo, igvit nagligigapkit.

I Samuel 12:19

Oᴋarlutiglo Samuelemut: Nalegak Gudit tuksiarvigiuk kivgatit pivlugit, toᴋᴋolerᴋonata; ajornivulle illunaita tappilugit, idluitomik tamattominga pilaurivogut, attannermik tuksiarlaurapta uvaptingnut.

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.