Numbers 11:4 - Labrador Inuttitut Heritage Bible

⁴ Takorngartallo sunatuinait tâpkoa akornganêtut ikligudlalerput; Israêlikullo ᴋeasungogivut, oᴋarlutiglo: Kia nerᴋejamik tunitjiviginiarpâtigût, nerriᴋovlutâ?

Numbers 11:4 Iomraidhean Croise

Nehemia 13:3

Malligaksallo mânna tussaramigit, takkorngartat ilûnaita avitipait Israelitinit.

Imgerut 106:14

Ikligosulerpullo sunnaᴋajuitome, Gûdelo ôktorpât innuᴋangitome.

Exodus 12:38

Takorngartallo unuktut majoarᴋatigivait; katimagajullo saukat nergjutillo unuktut.

Exodus 16:12

Israêlikut oᴋarnerlûtjiningit tusarpakka: oᴋarvigikit, oᴋarlutit: Unnupat nerᴋetolârpose, uvlâkullo aᴋeartolârpose ᴋakᴋôjamik, misigilârposelo uvangaugama Nâlegak Gûdise.

Exodus 16:3

Israêlikullo oᴋautivakit: Atso ilâ! nakudlarajalaungnerpoᴋ toᴋolaurupta Nâlekab agganginut nuname Egipteneme, iksivalaurapta ukkusit igautit saniane ᴋakᴋôjaktoraptalo akᴋeartorluta; tagva tikiutitipaptigut sunaᴋajuitomut ômunga ilagêt ukoa ilûnnaita toᴋotsomavlugit perlernermut.

Jeremia 42:14

Oᴋarluse: Ila, nunamut Egiptenemut aijomavogut, tautugviginiangitaptingnut unatarnermik, tusarlugatalo tiptulautib nippinganik, ajoᴋsaratalo nerᴋiksanik; taikanalo nunaᴋaromavogut;

Numbers 11:18

Inuille oᴋautikit: Ivsornaititse ilipsingnik ᴋaupamut, nerᴋetolârapse; Nâlekab siutîkita sângangne ᴋeadlarapse, oᴋarluse: Kia nerᴋiksamik tunitjiviginiarpâtigût nerriᴋovlutâ? Nâmaktomik pitaᴋalaurapta Egipteneme; tamanna pivlugo Nâlekab tunitjiviginiarpâse nerᴋiksamik, nerrilârposelo.

Numbers 14:1

Ilagektoksuillo ilûnatik nipliadlarput ᴋaggudlarlutiglo; unnuarmelo tâpsomane inuit ᴋeadlarput.

Numbers 14:22

Inuit makkoa ilûnatik tautulauᴋtut ânanaunimnik nelunaikutamniglo piniartamnik Egipteneme sunaᴋajuitomelo, 10ertorlutigle pikablâviᴋartut uvamnik, nipigalo nâlengnago;

Numbers 16:13

Sunaulungilâᴋ tamaungautigaptigut nunamit imungmik igupsaujârtullo orᴋsuanik kôlingmit toᴋotsomavluta sunaᴋajuitome, mânalo angajoᴋâᴋsoangortitsomavlutit uvaptingnût?

Rômiunut 13:14

Nâlegarle Jêsuse Kristuse atiniarsiuk, timelo pairisiuk ikliguktailitilugole.

I Korintemiunut 10:6

Tamadjale ulloreasûtiksarivavut, ajortomut ikliguᴋonata, taipkutitunak ikliguktutitut.

I Korintemiunut 15:33

Uivêrijauniarase. Oᴋausilungnerub asserortipait ilusit ajungitut.

Deuteronomy 9:22

Taberamelo, Massamelo, ikligûdlartullo iluvingine, Nâlegak ningarsâlauᴋpase.