Numbers 11:20 - Labrador Inuttitut Heritage Bible

²⁰ Taᴋᴋerle ilûnât nâvlugo, aniᴋârtinago ᴋingapsigut, arriunarᴋârtinago ilipsingnut; Nâlegaᴋ akunapsingnêtoᴋ naggogigapsiuk, ᴋeadlarapselo tâpsoma sângane, oᴋarluse: Sôᴋ aulalaukitâ Egiptenemît?

Numbers 11:20 Iomraidhean Croise

II Samuel 12:10

Manna saviksoak nûlertuksaungilak iglokotingnit soraijuitomik; nachogilauramga, Uriablo Hetitereôjub nullianga tigulaurangne, nulliangôᴋovlugo illingnut.

Imgerut 106:15

Tâpsomalo tuksiartipait, nûsilingnartorlo tillivâ ikligosungningita akkorngannut.

Exodus 16:13

Atso ilâ, unnulermat aᴋigearsuit tikiaᴋivut, tangmârvik mattuvlugo: Uvlâkullo mitsuksoak nunamêpok tangmârviub avatâne.

Exodus 16:3

Israêlikullo oᴋautivakit: Atso ilâ! nakudlarajalaungnerpoᴋ toᴋolaurupta Nâlekab agganginut nuname Egipteneme, iksivalaurapta ukkusit igautit saniane ᴋakᴋôjaktoraptalo akᴋeartorluta; tagva tikiutitipaptigut sunaᴋajuitomut ômunga ilagêt ukoa ilûnnaita toᴋotsomavlugit perlernermut.

Exodus 16:8

Moseselo oᴋarpok: Taimailârpok, Nâlekab tunitjiviginiarpâse nerᴋêjamik nerᴋiksapsingnik unnukut, ᴋakᴋôjamiglo akᴋeartûtiksapsingnik uvlâkut, Nâlekab oᴋarnerlûtjinise tâpsomunga tusarmagit: Uvagugle sunauvinûk? Oᴋarnerlûtjinise pilungilat uvaptîngnut, Nâlekamulle.

Salomob Okâl 27:7

Tarnib nâmaksijub igupsaujartut orksua tullerarpa aglât; tarnible kâktub kassilingnartut tamaita mamagivait.

Mâlaki 1:6

Ernerub atâtane opigivâ, kivgablo angajoᴋâne: Uvanga tagva atâtauguma, nanekâ opigijaunerâ? Oᴋarpoᴋ Nâlegaᴋ Zebaot ilipsingnut, ajoᴋertuijôjose, attimnik naggojose. Oᴋarposelo: Sunakut attît naggogivitigô?

Numbers 11:13

Nakit nerᴋesiniarᴋêk tunijaksamik inugiartoᴋsoarnut makkonungâ? Keadlarmatta uvamnut, oᴋarlutik: Nerᴋiksamik tunitjivigitigut nerrijungnarᴋovluta.

Numbers 11:19

Uvlorme atausetuinarme nerriniangilase, maggungnelônêt, tellimanelônêt, tellimaujortunelônêt, twentynelônêt;

Numbers 11:21

Moseselo oᴋarpoᴋ: Inuit akornganêvigijakka angutauvut pisukpaktut 600,000; oᴋarpotillo: Tunitjivigijomavakka nerᴋemik, taᴋᴋeᴋ nâvlugo nerriᴋovlugit.

Numbers 14:3

Imaglo: Suna pivlugo Nâlekab tikiutitipâtigût nunamut tamattomunga, saviksoarmut oggotitauᴋovlutâ? Arnavut ᴋitorngavullo aᴋsârnigaulârput; nakornersaulungilâᴋ uterupta Egiptenemût?

Numbers 14:4

Oᴋaᴋatigêkpullo: Aulatsijuksamik annerosulerta uterlutalo Egiptenemut.

Numbers 16:13

Sunaulungilâᴋ tamaungautigaptigut nunamit imungmik igupsaujârtullo orᴋsuanik kôlingmit toᴋotsomavluta sunaᴋajuitome, mânalo angajoᴋâᴋsoangortitsomavlutit uvaptingnût?

Numbers 20:4

Sôᴋ Nâlekab ilagêktoᴋotingit âkigît sunaᴋajuitomut omunga, toᴋoᴋovluta tamâne, uvagut nergjutivullô?

Numbers 21:5

Inugiartoᴋsuillo Gûdelo Moseselo oᴋarnilutigivakit, Suna pivlugo tikiutivitigût Egiptenemit toᴋoᴋovluta sunaᴋajuitomê? Niaᴋôjaᴋangimat imeᴋangimallo, tarniptalo nerᴋiksalugasait makkoa ariupait.

Apostelit Piniarningit 13:41

Okokse, nachojoksôjose, tataminiarluselo nungutitse; inôtiluse piniarnermik pigama, oᴋautjaugalloarupse tamattominga okpitsangilase.

I Tessalônikamiunut 4:8

Taimaimat tamattominga nachojoᴋ inungmik nachongilaᴋ, Gûdemigle, Anernerminik ajunginermik ilipsingnut tunijijomik.

Josua 24:27

Oᴋarlunelo innugasaksoarnut illunainut: Ahâk ujarak una kigligiudsijojuksauvok akkonaptingne; tussarlaurame Nalekab oᴋalaninginik tamainik, oᴋauserilauktanginik uvaptingnut; kigligiudsijojuksauvorlo pivluse, missiarᴋonnase Gudipsingnik.

I Samuel 10:19

Illipselo uvlome Gudise singaluᴋotilaukpasse, ikkajorlauktok illipsingnik kannoênipsingnit, kappiagijapsingnillo, oᴋautilugolo: Attaneᴋartitigut. Atte, tagva manna Nalegak sangariartorsiuk kinguvarêᴋotise, illagêngniselo malliklugit.

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.