Numbers 10:10 - Labrador Inuttitut Heritage Bible

¹⁰ Taimaktauᴋ uvlorme ᴋuviasugvigijapsingne, uvloᴋsiorvipsingnelo, taᴋᴋipselo pigiarningine, tiptulausijartuksauvose tunergutiksase pivlugit, tunergutiksaselo ᴋujaliutiksat tunergusertaujut pivlugit; erᴋaititsijutigijaksarivaselo Gûdipse sângane; Uvangauvunga Gûdise.

Numbers 10:10 Iomraidhean Croise

II Atannit 4:23

Tamna oᴋarpok: Sôg aivigijomaviûk? Uvlome takᴋêlaulungimat Sabbateolungilarlonêt. Tamna (arnak) oᴋarpok: Nipportuinarit.

I Kronika 15:24

Sebanjalo, Josafatelo, Nethaneelelo, Amasailo, Sacharjalo, Benajalo, Elieserelo ajuᴋertuijok tiptulausijarlaukput Gûdib iklervingata sivurngane; Obed Edomelo, Jehialo udsertorteolaukput iklerviub upkoanganik.

I Kronika 15:28

Taimâk Israelitit ilûnamasiangita Nalekab angerutingata iklervinga takpaungartipât, igiaᴋomijarlutik, tiptulausijarlutiglo, Trompetesijarlutiglo, Cimbelisijarlarmiglo nipperᴋortojunik, Psalteresijarlutiglo, Harfesijarlarmiglo.

I Kronika 16:42

Ilagilugillo Heman, Jeditunelo, Trometit Cimbelilo Gûdiblo noᴋakseralingningit attorlugit. Jeditunible erningit udsertortungortipait upkoaksoarnik.

II Kronika 29:26

Levitillo nangerput, Davidib noakseraliᴋotinginik najorteᴋarlutik, ajochertuijullo Trompetinik.

II Kronika 29:28

Illagêllo illunatik pamakterput; imgernerlo tussaksaulaukpok, Trompetillo nipliadlarput tunnergut ôtaksak tunnijaujarêrᴋârtinnago.

II Kronika 7:6

Ajochertuijullo nangerput pinniaraksamingne, Levitillo Nalekab noakseraliᴋotinginik, attanniub Davidib sannajauᴋolauktanginik attorlugik, Nalegak ᴋujalivigilugo, napkiningninga soraijuimat, Davide imgerlune nertordlerlaurangat tapkutiguna. Ajochertuijullo akkingerlugit Trompetesijarput, Israelitilio illunamasiatik nangerput.

Esra 3:10

Iglomiglo sannajut tungavingmik illijitilugit Nalekab Tempeleᴋotinganut, ajochertuijut nangerput tagvane annorasimavlutik (ajochertuisiutinik) Trompetelijarlutik, Levitillo Assafib ᴋittorngangit, Cimbelilijarlutik Nalegak nertorlugo, Israelib attanningata Davidib illusioᴋojanga malliklugo.

Nehemia 12:35

Ajoᴋertuijullo erningita ilangit Trompetelijarlutik: Tagva Sacharja, Jonathanab erninga, Semajab erningata, Mathanjab erningata, Michajab erningata, Sachurib erningata Assafib erningata;

Imgerut 150:3

Nertorsiuk tiptulausijarnermut, Harfesijarnermullo.

Imgerut 81:3

Takkêlame tiptulausijaritse: taᴋᴋiub angmaloriksiningane, uvloksiorvipta uvlungane.

Imgerut 81:4

Taimaitomik illuseᴋarmat Israeleme, perᴋojangôlunelo Jakob Gûdinganit.

Imgerut 89:15

Pillorikput innuᴋattigêksuit igiaᴋomijarungnartut. Nâlegak, arvertarniarput kênavit ᴋaumaningane.

Exodus 28:29

Aroniblo Israêlib ᴋitorngangita atingit nangmaraksarivait sagvingmiutakut erᴋartuinermut ilingajokut ômatime nalâne, iterangame ivsornaitovingmut, erᴋaumajaujutiksaurᴋovlugit Nâlekab sângane soraijuitomik.

Exodus 30:16

Kênaujallo ulapᴋosêjutaujut tigujaksarivatit Israêlikunit, ilingatilugillo tupiub kigligiutjineliub kivgartortauninganut; erᴋaumajaujutiksaurᴋovlugo Israêlikunut Nâlekab sângane, tarnise ulapᴋoseromavlugit.

Jesaiase 27:13

Taipsomane tiptulaut angijoᴋ attortaujomârpoᴋ, tagva assiomajut Assurib nunanganẽtut tikkitsomârput ajaktortaumajullo Egiptenib nunanganẽtut, Nâlegarlo tuksiarvigijartoromârpât ᴋaᴋᴋame ivsornaitome Jerusaleme.

Leviticus 23:24

Israêlib ᴋitorngangit oᴋarvigikit, oᴋarlutit: Takᴋit seveningata uvlungita sivorlerpângane merngoerserviksiortuksauvose ivlernadlartomik, tiptulausijarvigivlugo, katimaniksakarluselo kuksasungnartomik.

Numbers 10:9

Akkeraselo, oᴋumaiksartitise, unatariartorupsigik nunapsingne, kamasârinermik tusartautitsijuksauvose tiptulautinut; erᴋaumajaulârpose tagva Nâlekab Gûdipse sângane, piulijaulârposelo ômigijipsingnit.

Numbers 28:11

Takkillo pigiarningine tunergusertuksauvose tunergutiksamik ôtaksamik Nâlekamut; tuktuvângnik inôtsûngnik maggûngnik, saugarmiglo angusalormik, saugârsungniglo angutinik sevenenik, atautsemik jârelingnik, ᴋanoetoᴋangitunik;

Numbers 29:1

Takkillo seveningata uvlungita sivorlerpângane katimaniksaᴋartuksauvose opinadlartomik; oᴋumaitomik suliaᴋartuksaungilase; uvloᴋ tâmna tiptulausijarviksauvoᴋ ilipsingne.

Mattêuse 11:28

ᴋaititse uvamnut tamapse, ajulertose kappiasuktoselo, nakoᴋsititsomavapse.

Apostelit Piniarningit 10:4

Takosarpâle ᴋoaksârlarmelo oᴋarpok: Nâlegak, sunâ? Tâpsomale oᴋautivâ: Tuksiarnitit pikungardlutik Gûdib tusarpait, aitûtitillo isumagivait.

I Korintemiunut 15:52

Tagvainak ijib sikkungilarningane tiptulautib kingorliksab naliuningane. Tiptulaut nipleromârmat; toᴋungajullo makitsomârput asserojuilutik, uvagullo ablatsângortitaujomârpogut.

I Tessalônikamiunut 4:16

Nangmineᴋ Nâlegaᴋ ᴋilangmit aᴋᴋaromârmat nippersoarmut kajungersarnartomut, Engelit ataningata nippinganut, Gûdiblo tiptulautinganut, Kristûsemelo toᴋungajut makerᴋâromârput.

I Tessalônikamiunut 4:18

Tagva oᴋautsinut tamakkonunga manigortigêgitse.

Josua 4:7

Oᴋarᴋovluse tagva tapkonunga, ᴋannok Jordanib iminga avilaungmat Nalekab iklervingata sivorngagut, Jordanakut akkigartautillugo, ujarᴋat ukkua erᴋaumajaksauᴋovlugit soraijuitomik Israelib ᴋittornganginut.

Josua 6:4

Uvlulle 7 ingane ajochertuijut Jarib nertordlernartub tiptulautingit 7 it tigulerligit iklerviub sivorngane; uvlullo 7 ingane tamattomane 7 êrtorluse aileritse iglugasaksuit avatâtigut, ajochertuijullo tiptulautit tiptulausijautigiligit.

Takotitaunermik 22:17

Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.

I Samuel 20:5

Davide oᴋarpok tapsomunga: Ahâk, ᴋaupat takᴋêlauvok, attannek illagilugo iksivaᴋattaujuksauviga nerrimârvingme; ailanga tagva, natername ijerᴋovlunga uvluk pingajuak unnunga tikkidlugo.